ഇന്ത്യയുടെ ബാറ്റിംഗ് ഓര്‍ഡറിൽ വലിയ മാറ്റം വരുത്തണമെന്ന് പറഞ്ഞ് വസീം ജാഫര്‍. ഋഷഭ് പന്തിന്റെ മികച്ച പ്രകടനം ഇന്ത്യയ്ക്ക് കാണണമെങ്കിൽ ഇന്ത്യ താരത്തെ ഓപ്പണിംഗിൽ പരീക്ഷിക്കണം എന്നും രോഹിത്ത് നാലാം നമ്പറിലേക്ക് മാറണം എന്നും വസീം ജാഫര്‍ വ്യക്തമാക്കി.
പക്ഷേ ഇതിന് രോഹിത് നാലാം നമ്പറിൽ ബാറ്റ് ചെയ്യുവാന്‍ തയ്യാറാവണം എന്നും വസീം ജാഫര്‍ സൂചിപ്പിച്ചു. രോഹിത് ശര്‍മ്മയെ 2013 ചാമ്പ്യന്‍സ് ട്രോഫിയിൽ ധോണി ഇത്തരത്തിൽ പരീക്ഷണം നടത്തി ചരിത്രം സൃഷ്ടിച്ചതാണെന്നും. അത് പോലെ രോഹിത് പന്തിനെ ഓപ്പണിംഗിറക്കി പരീക്ഷിക്കണം എന്നും ജാഫര്‍ പറഞ്ഞു.
തന്റെ അഭിപ്രായത്തിൽ കെഎൽ രാഹുല്‍, ഋഷഭ് പന്ത്, വിരാട് കോഹ്‍ലി, രോഹിത് ശര്‍മ്മ, സൂര്യകുമാര്‍ യാദവ് എന്നിങ്ങനെ ആയിരിക്കണം ഇന്ത്യയുടെ ടോപ് 5 എന്നും വസീം ജാഫര്‍ കൂട്ടിചേര്‍ത്തു.
