സെഞ്ചൂറിയൺ ടെസ്റ്റിന്റെ രണ്ടാം ദിവസം പൂര്‍ണ്ണമായും മഴ കവര്‍ന്നുവെങ്കിലും മൂന്നാം ദിവസം ബൗളര്‍മാരുടെ ദിനം. ഇന്ത്യയുടെ ഒന്നാം ഇന്നിംഗ്സിലെ ഏഴ് വിക്കറ്റും ദക്ഷിണാഫ്രിക്കയുടെ ഒന്നാം ഇന്നിംഗ്സിലെ പത്ത് വിക്കറ്റും വീണ ദിവസം അവസാനിക്കുമ്പോള്‍ ഇന്ത്യ രണ്ടാം ഇന്നിംഗ്സിൽ 16/1 എന്ന നിലയിലാണ്.
4 റൺസ് നേടിയ മയാംഗിനെ മാര്‍ക്കോ ജാന്‍സന്‍ പുറത്താക്കിയപ്പോള്‍ ഇന്ത്യയ്ക്ക് മത്സരത്തിൽ 146 റൺസ് ലീഡുണ്ട്.
കെഎൽ രാഹുലും(5*) ശര്‍ദ്ധുൽ താക്കൂറും(4*) ആണ് ക്രീസിലുള്ളത്. നേരത്തെ മുഹമ്മദ് ഷമി 5 വിക്കറ്റ് നേടിയപ്പോള്‍ ഇന്ത്യ ദക്ഷിണാഫ്രിക്കയെ 197 റൺസിന് പുറത്താക്കി 130 റൺസ് ഒന്നാം ഇന്നിംഗ്സ് ലീഡ് നേടുകയായിരുന്നു.
