അബു ദാബി ടെസ്റ്റിന്റെ ആദ്യ ദിവസം അവസാനിക്കുമ്പോള്‍ വീണത് 12 വിക്കറ്റുകള്‍. ന്യൂസിലാണ്ട് 153 റണ്‍സിനു ഓള്‍ഔട്ട് ആയ ശേഷം പാക്കിസ്ഥാനു ഓപ്പണര്‍മാരായ ഇമാം-ഉള്‍-ഹക്കിനെയും(6) മുഹമ്മദ് ഹഫീസിനെയും(20) നഷ്ടമാവുകയായിരുന്നു. 22 റണ്‍സുമായി ഹാരിസ് സൊഹൈലും 10 റണ്‍സ് നേടിയ അസ്ഹര്‍ അലിയുമാണ് പാക്കിസ്ഥാനു വേണ്ടി ക്രീസില്‍ നില്‍ക്കുന്നത്. ന്യൂസിലാണ്ടിനായി ട്രെന്റ് ബോള്‍ട്ടും കോളിന്‍ ഡി ഗ്രാന്‍ഡോമും ഓരോ വിക്കറ്റ് നേടി.
നേരത്തെ കെയിന്‍ വില്യംസണ്‍ അര്‍ദ്ധ ശതകം നേടിയ ന്യൂസിലാണ്ട് ഇന്നിംഗ്സ് 153 റണ്‍സില്‍ അവസാനിക്കുകയായിരുന്നു. വില്യംസണ്‍ 63 റണ്‍സ് നേടി പുറത്തായി. പാക്കിസ്ഥാനു വേണ്ടി യസീര്‍ ഷാ മൂന്നും മുഹമ്മദ് അബ്ബാസ്, ഹസന്‍ അലി, ഹാരിസ് സൊഹൈല്‍ എന്നിവര്‍ രണ്ട് വീതം വിക്കറ്റും നേടി.
