സെമിയിൽ പൊരുതി വീണു രോഹിത്, ബോക്സിങിൽ ഇന്ത്യക്ക് വീണ്ടും വെങ്കലം

കോമൺവെൽത്ത് ഗെയിംസിൽ ഇന്ത്യക്ക് ഇന്നത്തെ പതിമൂന്നാം മെഡൽ സമ്മാനിച്ചു രോഹിത് ടോകാസ്. പുരുഷന്മാരുടെ വെൽറ്റർ വെയിറ്റ് കാറ്റഗറിയിൽ 67 കിലോഗ്രാം വിഭാഗത്തിൽ സെമിയിൽ പൊരുതി വീണതോടെയാണ് രോഹിത് വെങ്കല മെഡലിൽ തൃപ്തൻ ആയത്.

സാമ്പിയൻ താരം സ്റ്റീഫൻ സിമ്പക്ക് എതിരെ മികച്ച പ്രകടനം ആണ് രോഹിത് പുറത്തെടുത്തത്. എന്നാൽ ജഡ്ജിമാർ മത്സരം 3-2 നു സിമ്പക്ക് അനുകൂലമായി വിധിക്കുക ആയിരുന്നു. രോഹിത്തിന്റെ കടുത്ത പോരാട്ടം അതിജീവിച്ചത്തിന്റെ ആഘോഷം സാമ്പിയൻ താരത്തിൽ കാണാൻ ആയി. ഇന്ത്യയുടെ 39 മത്തെ മെഡൽ നേട്ടം ആണ് ഇത്.