പരാജയപ്പെട്ടെങ്കിലും ഒന്നാം സ്ഥാനം കൈവിടാതെ ലിവർപൂൾ

യുഫേഫ ചാമ്പ്യൻസ് ലീഗിൽ അവസാന ഗ്രൂപ്പ് മത്സരത്തിൽ പി.എസ്.വിയോട് പരാജയപ്പെട്ടു ലിവർപൂൾ. ഏതാണ്ട് എല്ലാ പ്രമുഖ താരങ്ങൾക്കും വിശ്രമം നൽകി ഇറങ്ങിയ ലിവർപൂളിന്റെ ചാമ്പ്യൻസ് ലീഗിലെ ആദ്യ പരാജയം ആണ് ഇത്. 3-2 നു ആണ് പി.എസ്.വി അവരെ മറികടന്നത്. ജയത്തോടെ 14 സ്ഥാനത്തേക്ക് കയറാൻ ആയ പി.എസ്.വി പ്ലെ ഓഫിലേക്കും യോഗ്യത നേടിയപ്പോൾ ലിവർപൂൾ നേരെ അവസാന പതിനാറിൽ ഇടം പിടിച്ചു. 28 മത്തെ മിനിറ്റിൽ കോഡി ഗാക്പോയുടെ പെനാൽട്ടിയിൽ ലിവർപൂൾ മുന്നിൽ എത്തിയപ്പോൾ റിക്കാർഡോ പെപിയുടെ പാസിൽ നിന്നു ജൊഹാൻ ബകയോക 7 മിനിറ്റിനുള്ളിൽ പി.എസ്.സിക്ക് സമനില നൽകി.

40 മത്തെ മിനിറ്റിൽ ഹാർവി എലിയറ്റിലൂടെ ഇംഗ്ലീഷ് ടീം മുൻതൂക്കം തിരിച്ചു പിടിച്ചെങ്കിലും ഡച്ച് ടീം 45 മത്തെ മിനിറ്റിൽ സായിബരിയിലൂടെ വീണ്ടും സമനില പിടിച്ചു. തുടർന്ന് ആദ്യ പകുതിയുടെ ഇഞ്ച്വറി സമയത്ത് ഗോൾ നേടിയ റിക്കാർഡോ പെപി ഡച്ച് ടീമിന് വിജയം സമ്മാനിച്ചു. രണ്ടാം പകുതിയുടെ അവസാന നിമിഷങ്ങളിൽ അരങ്ങേറ്റത്തിനു ആയി ഇറങ്ങിയ 18 കാരനായ യുവതാരം അമരാ നല്ല ചുവപ്പു കാർഡ് കണ്ടതോടെ ലിവർപൂൾ 10 പേരായി ആണ് മത്സരം അവസാനിപ്പിച്ചത്.