മുൻ ഇന്ത്യൻ പരിശീലകൻ കോൺസ്റ്റന്റൈന്റെ ഇഷ്ട താരമായ സുമീത് പസ്സി ഈസ്റ്റ് ബംഗാളിലേക്ക് എത്തുമെന്ന് അഭ്യൂഹങ്ങൾ. സുമീത് പസ്സിയുമായി ഇപ്പോൾ ഈസ്റ്റ് ബംഗാൾ ചർച്ചകൾ നടത്തുന്നുണ്ട്. കോൺസ്റ്റന്റൈൻ ഇന്ത്യൻ പരിശീലകൻ ആയിരുന്ന സമയത്ത് സുമീത് പസ്സി സ്ഥിരമായി ഇന്ത്യൻ ടീമിൽ ഇടം നേടിയിരുന്നു.
സുമീത് പസ്സി ഇപ്പോൾ ഐലീഗിൽ പഞ്ചാബ് എഫ് സിക്ക് ഒപ്പം ആണ്. കഴിഞ്ഞ സീസണിൽ ആയിരുന്നു സുമീത് പസ്സിയെ പഞ്ചാബ് സ്വന്തമാക്കിയത്. അതിനു മുമ്പ് താരം ജംഷദ്പൂരിനൊപ്പം ആയിരുന്നു. ഐ എസ് എല്ലിൽ ആകെ 32 മത്സരങ്ങൾ താരം കളിച്ചിട്ടുണ്ട്.
27കാരനായ താരം മുമ്പ് നോർത്ത് ഈസ്റ്റ് യുണൈറ്റഡിന് വേണ്ടിയും ഐ എസ് എല്ലിൽ കളിച്ചിട്ടുണ്ട്. ഇന്ത്യൻ ആരോസ്, ഡി എസ് കെ ശിവജിയൻസ്, സ്പോർടിങ് ഗോവ എന്നീ ക്ലബുകളുടെയും ഭാഗമായിട്ടുണ്ട്. ചണ്ഡിഗഡ് അക്കാദമിയുലൂടെ വളർന്നു വന്ന താരമാണ്.
Story Highlight: East Bengal and Stephen Constantine are trying to sign former experienced ISL player Sumeet Passi
