സൂപ്പർ താരം എമ്പപ്പെക്ക് പി.എസ്.ജിയെക്കാൾ മികച്ച ടീമിനെ വേറെ എവിടെയും ലഭിക്കില്ലെന്ന് പി.എസ്.ജിയിൽ എമ്പപ്പെയുടെ സഹ താരമായ ഡി മരിയ. ബാഴ്‌സലോണയിൽ നിന്ന് സൂപ്പർ താരം മെസ്സി പി.എസ്.ജിയിലേക്ക് എത്തിയതിന് ശേഷം സംസാരിക്കുകയായിരുന്നു ഡി മരിയ. എമ്പപ്പെയെ സ്വന്തമാക്കാൻ സ്പാനിഷ് വമ്പന്മാരായ റയൽ മാഡ്രിഡ് ശ്രമിക്കുന്നു എന്ന വർത്തകൾക്കിടയിലാണ് ഡി മരിയയുടെ പ്രതികരണം.
താൻ സ്വപനം കണ്ടെതെല്ലാം ഒരു മാസം കൊണ്ട് നടന്നെന്നും കോപ്പ അമേരിക്ക നേടിയതും മെസ്സിയുടെ കൂടെ കളിക്കാൻ കഴിയുന്നതും തന്റെ സ്വപ്നം ആയിരുന്നെന്നും ഡി മരിയ പറഞ്ഞു. പി.എസ്.ജിയിൽ എമ്പപ്പെയുടെ കരാർ അടുത്ത ജൂൺ മാസത്തോടെ അവസാനിക്കുമെങ്കിലും താരം ഇതുവരെ പുതിയ കരാറിൽ ഒപ്പിട്ടില്ല.
