വിംബിൾഡൺ ക്വാർട്ടർ ഫൈനലിലേക്ക് മുന്നേറി ലോക ഒന്നാം നമ്പറും ഒന്നാം സീഡും ആയ ഇറ്റാലിയൻ താരം യാനിക് സിന്നർ. അമേരിക്കൻ യുവതാരവും 14 സീഡും ആയ ബെൻ ഷെൽട്ടനെ നേരിട്ടുള്ള സെറ്റുകൾക്ക് ആണ് സിന്നർ തോൽപ്പിച്ചത്. മൂന്നാം സെറ്റിൽ 4 സെറ്റ് പോയിന്റുകൾ രക്ഷിച്ച സിന്നർ ആ സെറ്റ് ടൈബ്രേക്കറിൽ ആണ് നേടിയത്. ആദ്യ രണ്ടു സെറ്റുകളിൽ സിന്നർ ക്ലാസ് ആണ് കാണാൻ ആയത്.
ആദ്യ സെറ്റ് 6-2 നു നേടിയ സിന്നർ രണ്ടാം സെറ്റ് 6-4 നും സ്വന്തമാക്കി. 15 ഏസുകൾ ഉതിർത്ത ഷെൽട്ടന്റെ സർവീസ് നാലു തവണ സിന്നർ ബ്രേക്ക് ചെയ്തു. മൂന്നാം സെറ്റിൽ 4-1 നു പിന്നിൽ നിന്ന ശേഷമാണ് സെറ്റിൽ താരത്തിന്റെ തിരിച്ചു വരവ് കണ്ടത്. തുടർച്ചയായ മൂന്നാം വിംബിൾഡൺ ക്വാർട്ടർ ഫൈനൽ ആണ് താരത്തിന് ഇത്. കരിയറിലെ എട്ടാം ഗ്രാന്റ് സ്ലാം ക്വാർട്ടർ ഫൈനലിൽ എത്തിയ സിന്നർ ഈ സീസണിൽ കളിച്ച എല്ലാ ടൂർണമെന്റിലും ക്വാർട്ടർ ഫൈനൽ കളിച്ചിട്ടും ഉണ്ട്.
