നിലവിലെ വിംബിൾഡൺ ചാമ്പ്യൻ കാർലോസ് അൽകാരാസ് മൂന്നാം റൗണ്ടിലേക്ക് മുന്നേറി. സീഡ് ചെയ്യപ്പെടാത്ത ഓസ്‌ട്രേലിയൻ താരം അലക്‌സാണ്ടർ വുക്കിച്ചിനെതിരായ മത്സരത്തിൽ നേരിട്ടുള്ള സെറ്റുകൾക്ക് ആണ് അൽകാരാസ് വിജയിച്ചത്. തുടക്കത്തിൽ ഒന്ന് പതറിയെങ്കിലും 7-6(5), 6-2, 6-2 എന്ന സ്‌കോറിന് ജയിച്ച് മൂന്നാം റൗണ്ടിലെത്താൻ അൽകാരസിനായി.
തൻ്റെ നാലാമത്തെ ഗ്രാൻഡ്സ്ലാം കിരീടമാണ് അൽകാരാസ് വിംബിൾഡണിൽ ലക്ഷ്യമിടുന്നത്. അൽകാരാസിൻ്റെ അടുത്ത എതിരാളി 29-ാം സീഡായ ഫ്രാൻസിസ് ടിയാഫോ ആയിരിക്കും.
