നിലവിലെ ചാമ്പ്യനും ലോക ഒന്നാം നമ്പർ താരവുമായ ആര്യന സബലെങ്ക യുഎസ് ഓപ്പൺ കിരീടം നിലനിർത്താനുള്ള പോരാട്ടം ആവേശകരമായ വിജയത്തോടെ തുടങ്ങി. ഞായറാഴ്ച നടന്ന ആദ്യ റൗണ്ടിൽ സ്വിസ് താരം റെബേക്ക മസരോവയെ 7-5, 6-1 എന്ന സ്കോറിന് പരാജയപ്പെടുത്തിയാണ് സബലെങ്ക മുന്നേറിയത്.
ആദ്യ സെറ്റിൽ മസരോവ സബലെങ്കയെ നന്നായി വെള്ളം കുടിപ്പിച്ചെങ്കിലും, പിന്നീട് ആർതർ ആഷെ സ്റ്റേഡിയത്തിലെ സ്വന്തം തട്ടകത്തിൽ സബലെങ്ക താളം കണ്ടെത്തി വിജയം സ്വന്തമാക്കി. രണ്ടാം റൗണ്ടിൽ പോളിന കുഡെർമെറ്റോവയാണ് സബലെങ്കയുടെ എതിരാളി. 2014-ൽ സെറീന വില്യംസിന് ശേഷം തുടർച്ചയായി യുഎസ് ഓപ്പൺ കിരീടം നേടുന്ന ആദ്യ വനിതയാകാനുള്ള ശ്രമത്തിലാണ് സബലെങ്ക.
