യുഎസ് ഓപ്പണ്‍ പുരുഷ വിഭാഗം ഡബിള്‍സ് ക്വാര്‍ട്ടറില്‍ കടന്ന് ഇന്ത്യയുടെ രോഹന്‍ ബൊപ്പണ്ണയും റോജര്‍ വാസ്സെലിനും. ചാര്‍ഡി- മാര്‍ട്ടിന്‍ കൂട്ടുകെട്ടിനെ മൂന്ന് സെറ്റ് പോരാട്ടത്തില്‍ കീഴടക്കിയാണ് ബൊപ്പണ്ണയുടെ ടീം ക്വാര്‍ട്ടറിലേക്ക് കടന്നത്. സ്കോര്‍: 7-6, 4-6, 6-3. കോര്‍ട്ട് 17ല്‍ നടന്ന മത്സരത്തില്‍ ആദ്യ സെറ്റ് പൊരുതി നേടിയ ഇന്ത്യന്‍-ഫ്രഞ്ച് കൂട്ടുകെട്ട് രണ്ടാം സെറ്റില്‍ പിന്നോട്ട് പോകുകയായിരുന്നു. എന്നാല്‍ മൂന്നാം സെറ്റില്‍ ശക്തമായ തിരിച്ചുവരവാണ് ബൊപ്പണ്ണയും വാസ്സെലിനും നടത്തിയത്.
ക്വാര്‍ട്ടറില്‍ കൊളംബിയന്‍ താരങ്ങളായ റോബര്‍ട്ട് ഫരാഹ്-ജുവാന്‍ സെബാസ്റ്റ്യന്‍ കബാല്‍ എന്നിവരാണ് ഇന്ത്യന്‍-ഫ്രഞ്ച് ജോഡികളുടെ എതിരാളികള്‍.
