ലോക ഒന്നാം നമ്പർ മെദ്വദേവിനെ പുറത്താക്കി നിക്ക് കിരിയോസിന്റെ മായജാലം

യു എസ് ഓപ്പണിൽ ഓസ്‌ട്രേലിയയുടെ നിക്ക് കിരിയോസ് നിലവിലെ ചാമ്പ്യനായ ഡാനിൽ മെദ്‌വദേവിനെ പുറത്താക്കി. ഇന്ന് നടന്ന നാലാം റൗണ്ട് പോരിൽ 23-ാം സീഡായ കിരിയോസ് റഷ്യയിൽ നിന്നുള്ള ലോക ഒന്നാം നമ്പർ താരത്തെ 7-6 (13/11), 3-6, 6-3, 6-2 എന്ന സ്‌കോറിന് ആണ് പരാജയപ്പെടുത്തിയത്‌.

20220905 103056

ആദ്യ സെറ്റിൽ തന്നെ കളി ആവേശകരമായി മാറുന്നതാണ് ഇന്ന് കണ്ടത്. 13/11 എന്ന ടൈ ബ്രേക്കർ കഴിഞ്ഞായിരുന്നു കിരിയോസ് സെറ്റ് സ്വന്തമാക്കിയത്. രണ്ടാം സെറ്റ് കൈവിട്ടുപോയെങ്കിലും, മൂന്നാം സെറ്റിലും നാലാം സെറ്റിലും മെദ്‌വദേവിന്റെ മേൽ ആധിപത്യം പുലർത്താൻ കിരിയോസിനായി. 2 മണിക്കൂർ 53 മിനിറ്റാണ് കളി നീണ്ടു നിന്നത്.

ഇനി ചൊവ്വാഴ്ച നടക്കുന്ന ക്വാർട്ടർ ഫൈനലിൽ കിരിയോസ് കാരെൻ ഖച്ചനോവിനെ നേരിടും. പാബ്ലോ കരേനോ ബുസ്റ്റയെ പരാജയപ്പെടുത്തിയാണ് ഖച്ചനോവ് ക്വാർട്ടറിൽ എത്തിയത്.