അബുദാബി ഓപ്പൺ ഡബ്ല്യുടിഎ 500 ടൂർണമെന്റിലെ വനിതാ ഡബിൾസിൽ മുൻ ലോക ഒന്നാം നമ്പർ താരം സാനിയ മിർസയും ഡബിൾസ് പങ്കാളിയായ ബെഥാനി മാറ്റെക്-സാൻഡ്‌സും പ്രീക്വാർട്ടറിൽ പുറത്ത്. ലോറ സീഗെമുൺണ്ടും കിർസ്റ്റൺ ഫ്ലിപ്‌കെൻസിനും 6-3, 6-4 എന്ന സ്‌കോറിന് ആണ് സാനിയ സഖ്യത്തിനെ പരാജയപ്പെടുത്തിയത്.
ഈ മാസം പ്രൊഫഷണൽ ടെന്നീസിൽ നിന്ന് വിരമിക്കാൻ ഇരിക്കുകയാണ് സാനിയ മിർസ. ഇനി അവസാന ടൂർണമെന്റ് കൂടിയെ സാനിയക്ക് ബാക്കിയുള്ളൂ. അവസാന ടൂർണമെന്റായ ദുബായ് ഡ്യൂട്ടി ഫ്രീ ടെന്നീസ് ചാമ്പ്യൻഷിപ്പ് രണ്ടാഴ്ചയ്ക്കുള്ളിൽ ആരംഭിക്കും.
