റാങ്കിംഗില്‍ കുതിച്ച് കയറ്റവുമായി പൂരവ് രാജ-ജീവന്‍ നെടുന്‍ചെഴിയന്‍ കൂട്ടുകെട്ട്

ഏറ്റവും പുതിയ എടിപി ഡബിള്‍സ് റാങ്കിംഗില്‍ 19 സ്ഥാനങ്ങള്‍ മെച്ചപ്പെടുത്തി പൂരവ് രാജ-ജീവന്‍ നെടുന്‍ചെഴിയന്‍ കൂട്ടുകെട്ട്. നിലവില്‍ 25ാം സ്ഥാനത്തുള്ള കൂട്ടുകെട്ടാണ് ഇന്ത്യയുടെ ഇപ്പോളത്തെ ഒന്നാം നമ്പര്‍ കൂട്ടുകെട്ട്. നേരത്തെ ഇന്ത്യന്‍ കൂട്ടുകെട്ടിലെ ഒന്നാം സ്ഥാനക്കാരായ രോഹന്‍ ബൊപ്പണ്ണ-ദിവിജ് ശരണ്‍ കൂട്ടുകെട്ട് തങ്ങളുടെ പഴേ റാങ്കായ 19ല്‍ നിന്ന് 8 സ്ഥാനങ്ങള്‍ താഴേക്ക് പോയി റാങ്കിംഗില്‍ 27ാം സ്ഥാനത്തേക്ക് വീണതോടെയാണ് പൂരവ്-ജീവന്‍ കൂട്ടുകെട്ട് ഇന്ത്യന്‍ താരങ്ങളിലെ ഒന്നാം റാങ്കിലേക്ക് നീങ്ങിയത്.