ഫ്രഞ്ച് ഓപ്പൺ: സെറീന, ഒസാക്ക പുറത്ത്

ഫ്രഞ്ച് ഓപ്പൺ ടെന്നീസിൽ നിന്നും സെറീന വില്ല്യംസും, ഒന്നാം നമ്പർ താരമായ നവോമി ഒസാക്കയും പുറത്തായി. സീഡ് ചെയ്യപ്പെടാത്ത താരങ്ങൾക്കെതിരെ, നേരിട്ടുള്ള സെറ്റുകൾക്കായിരുന്നു ഇരുവരുടേയും തോൽവി. വനിതകളിൽ സിമോണ ഹാലെപ്, മാഡിസൺ കീസ്, ബാർട്ടി എന്നിവർ ജയത്തോടെ നാലാം റൗണ്ടിൽ പ്രവേശിച്ചു.

പുരുഷ വിഭാഗം സിംഗിൾസിൽ നൊവാക് ജോക്കോവിച്ച്, ഡെൽപോട്രോ, തിം, സിസിപ്പാസ്, ഫോനിനി, സ്വരേവ്, വാവ്‌റിങ്ക എന്നിവർ ജയത്തോടെ മുന്നേറിയപ്പോൾ കോറിച്ച് പുറത്തായി. 83 വർഷത്തിൽ ഫ്രഞ്ച് ഓപ്പണിന്റെ നാലാം റൗണ്ടിൽ കടക്കുന്ന ആദ്യ ഗ്രീസ് കളിക്കാരൻ എന്ന റെക്കോർഡാണ് ജയത്തോടെ യുവതാരമായ സിസിപ്പാസ് സ്വന്തം പേരിൽ എഴുതി ചേർത്തത്.

പുരുഷ ഡബിൾസിൽ ഇന്ത്യയുടെ പേസ് അടങ്ങിയ സഖ്യവും, ബ്രയാൻ സഹോദരന്മാരും പുറത്തായി.