ഓസ്ട്രേലിയന്‍ ഓപ്പൺ യോഗ്യത റൗണ്ടിലെ രണ്ടാം മത്സരത്തിൽ പരാജയം ഏറ്റുവാങ്ങി ഇന്ത്യയുടെ യൂകി ബാംബ്രി. ഇതോടെ ടൂര്‍ണ്ണമെന്റിൽ ഇന്ത്യയ്ക്ക് സിംഗിള്‍സിൽ പ്രാതിനിധ്യം ഇല്ലെന്ന് ഉറപ്പായി.
ബാംബ്രി ലോക റാങ്കിംഗിൽ 130ാം സ്ഥാനത്തുള്ള ചെക്ക് റിപ്പബ്ലിക്കിന്റെ തോമസ് മാച്ചാകിനോടാണ് പരാജയം ഏറ്റുവാങ്ങിയത്. 1-6, 3-6 എന്ന നിലയിലായിരുന്നു സ്കോര്‍.
നേരത്തെ പ്രജ്നേഷ് ഗുണ്ണേശ്വരന്‍, രാംകുമാര്‍ രാമനാഥന്‍, അങ്കിത റെയ്ന എന്നിവരും യോഗ്യത റൗണ്ടിൽ പുറത്തായിരുന്നു.
