സാനിയ – ബൊപ്പണ്ണ സഖ്യം ഓസ്ട്രേലിയൻ ഓപ്പൺ ക്വാർട്ടർ ഫൈനലിൽ

Picsart 23 01 22 11 26 28 656

ഇന്ത്യൻ ടെന്നീസ് താരങ്ങളായ സാനിയ മിർസയും രോഹൻ ബൊപ്പണ്ണയും ഓസ്‌ട്രേലിയൻ ഓപ്പൺ മിക്‌സഡ് ഡബിൾസ് ടൂർണമെന്റിന്റെ ക്വാർട്ടർ ഫൈനലിൽ കടന്നു. കടുത്ത പോരാട്ടത്തിനൊടുവിൽ 6-4, 7-6 എന്ന സ്കോറിന് ബെഹാർ-നെനോമിയ സഖ്യത്ത്ർ ആണ് ഇന്ത്യൻ ജോഡികൾ പരാജയപ്പെടുത്തിയത്. ജയം ഉറപ്പിക്കാൻ അഞ്ച് മാച്ച് പോയിന്റ് വേണ്ടി വന്നു എങ്കിലും മികച്ച പ്രകടനമാണ് സാനിയയും ബൊപ്പണ്ണയും പ്രീ ക്വാർട്ടർ ഫൈനലിൽ കാഴ്ചവെച്ചത്.

സാനിയ 23 01 23 14 50 13 720

പ്രൊഫഷണൽ ടെന്നീസിൽ നിന്ന് വിരമിക്കൽ പ്രഖ്യാപിച്ച സാനിയ മിർസയുടെ അവസാന പ്രധാന ടൂർണമെന്റാണിത്. നിർഭാഗ്യവശാൽ, ഓസ്‌ട്രേലിയൻ ഓപ്പണിലെ വനിതാ ഡബിൾസ് ടൂർണമെന്റിൽ നിന്ന് അവർ കഴിഞ്ഞ ദിവസം പുറത്തായിരുന്നു. ഇനി മിക്സഡ് ഡബിൾസ് മത്സരത്തിൽ മാത്രമാണ് സാനിയയുടെ പ്രതീക്ഷ. ടൂർണമെന്റിലെ ടോപ് സീഡുകളെ പുറത്താക്കിയ ഒസ്റ്റാപെങ്കോ-ഹെർണാണ്ടസ് ജോഡി ആകും ക്വാർട്ടറിൽ ഇന്ത്യൻ ജോഡികളുടെ എതിരാളികൾ.