primus mobile
primus mobile

എ.ടി.പി ഫൈനൽസിൽ സിറ്റിപാസിനെ വീഴ്ത്തി ജ്യോക്കോവിച്,റൂബ്ലേവിനു മുന്നിൽ മെദ്വദേവ് വീണു

20221115 044101

എ.ടി.പി ഫൈനൽസിൽ റെഡ് ഗ്രൂപ്പിൽ രണ്ടാം സീഡ് സ്റ്റെഫനോസ് സിറ്റിപാസിനെ വീഴ്ത്തി ഏഴാം സീഡ് നൊവാക് ജ്യോക്കോവിച്. നേരിട്ടുള്ള സെറ്റുകൾക്ക് ആയിരുന്നു ജ്യോക്കോവിച്ചിന്റെ ജയം. ആദ്യ സെറ്റിൽ മത്സരത്തിൽ 9 ഏസുകൾ ഉതിർത്ത സിറ്റിപാസിനെ ബ്രേക്ക് ചെയ്ത ജ്യോക്കോവിച് സെറ്റ് 6-4 നു സ്വന്തം പേരിൽ കുറിച്ചു. രണ്ടാം സെറ്റ് ടൈബ്രേക്കറിലൂടെ നേടിയ ജ്യോക്കോവിച് ഗ്രൂപ്പിലെ തന്റെ ആദ്യ ജയം കുറിക്കുക ആയിരുന്നു.

ജ്യോക്കോവിച്

അതേസമയം ഗ്രൂപ്പിലെ മറ്റെ മത്സരത്തിൽ നാലാം സീഡ് ഡാനിൽ മെദ്വദേവിനെ ആറാം സീഡ് ആന്ദ്ര റൂബ്ലേവ് മൂന്നു സെറ്റ് പോരാട്ടത്തിൽ മറികടന്നു. രണ്ടു ടൈബ്രേക്കറുകൾ കണ്ട മത്സരത്തിൽ 6-76(9-7), 6-3, 7-6(9-7) എന്ന സ്കോറിന് ആയിരുന്നു റൂബ്ലേവിന്റെ ജയം. ആദ്യ സെറ്റിൽ 7 സെറ്റ് പോയിന്റുകൾ രക്ഷിച്ചു സെറ്റ് നേടിയ മെദ്വദേവിനു എതിരെ തിരിച്ചു വന്നാണ് റൂബ്ലേവ് ജയിച്ചത്. മത്സരത്തിൽ 24 ഏസുകൾ ആണ് മെദ്വദേവ് ഉതിർത്തത്. അതുഗ്രൻ മത്സരം ആണ് റഷ്യൻ താരങ്ങളിൽ നിന്നു ഉണ്ടായത്.