Tag: West Indies

ഇംഗ്ലണ്ട് ടെസ്റ്റ് പരമ്പരയ്ക്കുള്ള ടീം പ്രഖ്യാപിച്ച് വിന്‍ഡീസ് സ്ക്വാഡ്. കൊറോണയുടെ വിപത്തിനെ മുന്നില്‍ കണ്ട് പത്തിലധികം വരുന്ന റിസര്‍വ് താരങ്ങളുടെ പട്ടികയും ബോര്‍ഡ് പ്രഖ്യാപിച്ചിട്ടുണ്ട്. പരിക്കില്‍ നിന്ന് മോചിതനായി എത്തുന്ന ഷാനണ്‍ ഗബ്രിയേലിനെ റിസര്‍വ് താരങ്ങളുടെ പട്ടികയിലാണ് ഉള്‍പ്പെടുത്തിയിട്ടുള്ളത്. മൂന്ന് ടെസ്റ്റുകളാണ് ഇംഗ്ലണ്ട് പരമ്പരയില്‍ ഉള്ളത്. ജൂലൈ എട്ടിന് ആദ്യ ടെസ്റ്റ് ആരംഭിക്കുമെന്നാണ് ഇപ്പോളത്തെ തീരുമാനം.

14 അംഗ പ്രധാന സ്ക്വാഡിനെയും 11 അംഗ റിസര്‍വ് സ്ക്വാഡിനെയും ആണ് ബോര്‍ഡ് പ്രഖ്യാപിച്ചിരിക്കുന്നത്. നേരത്തെ ഡാരെന്‍ ബ്രാവോ, ഷിമ്രണ്‍ ഹെറ്റ്മ്യര്‍, കീമോ പോള്‍ എന്നിവര്‍ പരമ്പരയില്‍ പങ്കെടുക്കുവാനില്ലെന്ന് അറിയിച്ചിരുന്നു. ഇവരുടെ തീരുമാനത്തെ മാനിക്കുന്നുവെന്നാണ് ബോര്‍ഡ് അറിയിച്ചത്. യുവ താരം ചെമര്‍ ഹോള്‍ഡറിനെ വിന്‍ഡീസ് പ്രധാന സ്ക്വാഡല്‍ ഉള്‍പ്പെടുത്തിയിട്ടുണ്ട്. റെയ്മന്‍ റീഫര്‍, ക്രുമാഹ ബോണര്‍, ജെര്‍മൈന്‍ ബ്ലാക്ക്വുഡ് എന്നിവരാണ് ടീമില്‍ ഇടം നേടിയ മറ്റുള്ളവര്‍.

പരമ്പരയില്‍ നിന്ന് വിട്ട് നില്‍ക്കുന്ന താരങ്ങള്‍ക്കെതിരെ ഭാവി തിരഞ്ഞെടുപ്പുകളില്‍ യാതൊരുവിധ എതിര്‍പ്പുകളും ബോര്‍ഡിന്റെ ഭാഗത്ത് നിന്നുണ്ടാകില്ലെന്നും ബോര്‍ഡ് അറിയിച്ചിട്ടുണ്ട്. ചെമര്‍ ഹോള്‍ഡര്‍ ആഭ്യന്ത്ര ക്രിക്കറ്റിലെ സ്ഥിരതയാര്‍ന്ന പ്രകടനത്തിലൂടെ ശ്രദ്ധ പിടിച്ച് പറ്റിയ താരമാണ്. റീഫര്‍ തന്റെ ടെസ്റ്റ് അരങ്ങേറ്റം 2017ല്‍ ന്യൂസിലാണ്ടിനെതിരെ നടത്തിയ ശേഷം ഇപ്പോളാണ് മടങ്ങിയെത്തുന്നത്.

ടെസ്റ്റ് സ്ക്വാഡ്: Jason Holder (c), Jermaine Blackwood, Nkrumah Bonner, Kraigg Brathwaite, Shamarh Brooks, John Campbell, Roston Chase, Rakheem Cornwall, Shane Dowrich, Chemar Holder, Shai Hope, Alzarri Joseph, Raymon Reifer and Kemar Roach

റിസര്‍വ് താരങ്ങള്‍: Sunil Ambris, Joshua da Silva, Shannon Gabriel, Keon Harding, Kyle Mayers, Preston McSween, Marquino Mindley, Shane Moseley, Anderson Phillip, Oshane Thomas, Jomel Warrican

വിന്‍ഡീസിനെതിരെയുള്ള ടെസ്റ്റ് പരമ്പര ക്രിസ്തുമസിനെ ഉറ്റുനോക്കുന്ന പോലെ ആകാംക്ഷയോടെ കാത്തിരിക്കുന്ന ഒന്നാണെന്ന് പറഞ്ഞ് ജോ റൂട്ട്. വളരെ പ്രയാസമേറിയ കാലത്തിന് ശേഷം നടക്കുന്ന ആദ്യ ടെസ്റ്റിനായുള്ള ആകാംക്ഷ ഏറെയാണെന്നും ഇംഗ്ലണ്ട് നായകന്‍ വ്യക്തമാക്കി. ഞങ്ങള്‍ ക്രിസ്തുമസ് കാലത്തെ കാത്തിരിക്കുന്ന അതേ ആകാംക്ഷയിലാണിപ്പോളുള്ളതെന്നും ജോ റൂട്ട് വ്യക്തമാക്കി.

ഒട്ടേറെ മാറ്റങ്ങളുണ്ടാകാം അതിന്റെ അമ്പരപ്പുണ്ട്, എന്നാല്‍ വീണ്ടും കളത്തിലിറങ്ങാമെന്ന് ആവേശവും ഒപ്പമുണ്ടെന്ന് റൂട്ട് വ്യക്തമാക്കി. കുറെ നാള്‍ക്ക് ശേഷം കളിക്കുന്നതിന്റെ പ്രശ്നങ്ങളുണ്ടാകും എന്നാല്‍ അന്താരാഷ്ട്ര ക്രിക്കറ്റിന് വീണ്ടും വേദിയൊരുങ്ങുന്നു എന്നത് ആവേശഭരിതമായ കാര്യം തന്നെയാണെന്നും ലോകോത്തര താരങ്ങള്‍ക്കെതിരെ കളിക്കുവാനുള്ള അവസരമാണിതെന്നും ജോ റൂട്ട് വ്യക്തമാക്കി.

ഇംഗ്ലണ്ടിലേക്കുള്ള വെസ്റ്റ് ഇന്‍ഡീസിന്റെ ജൂലൈയിലെ പര്യടനത്തിന് തത്വത്തില്‍ അംഗീകാരം നല്‍കി ക്രിക്കറ്റ് വെസ്റ്റ് ഇന്‍ഡീസ് ബോര്‍ഡ്. കഴിഞ്ഞ ദിവസം നടന്ന ബോര്‍ഡ് ഓഫ് ഡയറക്ടര്‍മാരുടെ ടെലികോണ്‍ഫറന്‍സില്‍ ആണ് തീരുമാനം ബോര്‍ഡ് കൈക്കൊണ്ടത്.

ഇംഗ്ലണ്ട് ബോര്‍ഡുമായുള്ള ചര്‍ച്ചകളില്‍ മത്സരാന്തരീക്ഷം കൂടുതല്‍ മെച്ചപ്പെടുന്നതായുള്ള ബോധ്യം വന്നതോടെയാണ് വിന്‍ഡീസ് ബോര്‍ഡിന്റെ ഈ നീക്കം. പര്യടനത്തില്‍ താരങ്ങള്‍ ബയോ സുരക്ഷിതമായ അന്തരീക്ഷത്തില്‍ നിലനില്‍ക്കുന്നതിന് വേണ്ടിയുള്ള പദ്ധതികളും ബോര്‍ഡ് തയ്യാറാക്കിയിട്ടുണ്ടെന്ന് ബോര്‍ഡ് വ്യക്തമാക്കി.

എല്ലാ മത്സരങ്ങളും അടച്ചിട്ട് സ്റ്റേഡിയത്തിലാവും നടക്കുകയെന്നും ഇനി വേണ്ടത് യാത്ര സൗകര്യങ്ങള്‍ക്കായി കരീബിയന്‍ സര്‍ക്കാരുകളുടെ അനുമതി തേടുകയെന്നതാണെന്നും അതിനുള്ള നടപടികള്‍ ആരംഭിച്ചിട്ടുണ്ടെന്നും ബോര്‍ഡ് വൃത്തങ്ങള്‍ അറിയിച്ചു. പ്രതീക്ഷിക്കുന്ന പോലെ കാര്യങ്ങള്‍ നടന്നാല്‍ ജൂണ്‍ 9ന് ഇംഗ്ലണ്ടില്‍ വിന്‍ഡീസ് ടീം എത്തി ജൂലൈയില്‍ ആരംഭിക്കുന്ന മൂന്ന് മത്സരങ്ങളുടെ ടെസ്റ്റ് പരമ്പരയ്ക്കുള്ള പരിശീലനവും തയ്യാറെടുപ്പുകളും ആരംഭിക്കുമെന്നാണ് അറിയുന്നത്.

ഇംഗ്ലണ്ട് സന്ദര്‍ശിക്കുവാന്‍ വിന്‍ഡീസ് ടീം തയ്യാറെടുക്കുന്നതിനിടെ പരമ്പര ജൂലൈയില്‍ തന്നെ നടക്കുമെന്ന് പ്രത്യാശ പ്രകടിപ്പിച്ച് വിന്‍ഡീസ് ബോര്‍ഡ്. ഈ വരുന്ന മേയ് 28് നടക്കുന്ന ബോര്‍ഡ് ഓഫ് ഡയറക്ടര്‍മാരുടെ ടെലി കോണ്‍ഫറന്‍സില്‍ കൂടുതല്‍ കാര്യങ്ങള്‍ വ്യക്തമാകുമെന്ന് വിന്‍ഡീസ് ബോര്‍ഡ് സിഇഒ ജോണി ഗ്രേവ് വ്യക്തമാക്കി.

ജൂണ്‍ ആദ്യമാകുമ്പോള്‍ തന്നെ പരമ്പരയ്ക്ക് വേണ്ട തയ്യാറെടുപ്പുകള്‍ ബോര്‍ഡിന്റെ ഭാഗത്ത് നിന്നുണ്ടാകുമെന്ന് അദ്ദേഹം വ്യക്തമാക്കി. താരങ്ങളുടെ തിരഞ്ഞെടുക്കലും ഫ്ലൈറ്റുകളുടെ ചാര്‍ട്ടിംഗ് പോലുള്ള കാര്യങ്ങളില്‍ തീരുമാനിക്കുവാന്‍ ഈ മീറ്റിംഗിന് ശേഷം ബോര്‍ഡിന് വേഗത്തില്‍ സാധിക്കുമെന്നും ജോണി വ്യക്തമാക്കി.

താരങ്ങള്‍ക്ക് പരിശീലനം ആരംഭിക്കുവാനായി എന്നത് തന്നെ വലിയ ഒരു വാര്‍ത്തയാണ്. ഇത്രയും നാള്‍ വീട്ടില്‍ ഫിറ്റ്നെസ്സ് കാര്യങ്ങളില്‍ മാത്രമാണ് അവര്‍ക്ക് ശ്രദ്ധിക്കാനായത്. ഇപ്പോള്‍ ചെറിയ തോതിലെങ്കിലും പൂര്‍ണ്ണമായ പരിശീലനത്തിലേര്‍പ്പെടുവാന്‍ താരങ്ങള്‍ക്കായിട്ടുണ്ടെന്നത് വളരെ മികച്ച കാര്യമാണെന്നും ജോണി ഗ്രേവ് വ്യക്തമാക്കി.

ബയോ സുരക്ഷിതമായ അന്തരീക്ഷവും മറ്റും തയ്യാറാക്കുന്നത് സംബന്ധിച്ചുള്ള തീരുമാനങ്ങളില്‍ ഇംഗ്ലണ്ട് ബോര്‍ഡും സര്‍ക്കാരും വരുത്തിയ പുരോഗതി ബോര്‍ഡില്‍ നിന്ന് അറിയുവാന്‍ സാധിക്കുന്നുണ്ടെന്നും ജോണി ഗ്രേവ് വ്യക്തമാക്കി.

ഇംഗ്ലണ്ട് പര്യടനത്തിനായി വിന്‍ഡീസ് താരങ്ങളെ നിര്‍ബന്ധിക്കില്ല എന്ന് വ്യക്തമക്കി ക്രിക്കറ്റ് വെസ്റ്റ് ഇന്‍ഡീസ് സിഇഒ ജോണി ഗ്രേവ്. ഇംഗ്ലണ്ടിനെതിരെ ജൂണ്‍ 4നാണ് മൂന്ന് ടെസ്റ്റുകളുടെ പരമ്പര അരങ്ങേറേണ്ടിയിരുന്നത്. എന്നാല്‍ അത് ഇപ്പോള്‍ ജൂലൈ 1 വരെ മാറ്റി വെച്ചിരിക്കുകയാണ്. ഇംഗ്ലണ്ടില്‍ ജൂലൈ 1 വരെ യാതൊരുവിധത്തിലുള്ള ക്രിക്കറ്റും വേണ്ട എന്ന് ഇംഗ്ലണ്ട് ബോര്‍ഡ് തീരുമാനിക്കുകയായിരുന്നു.

പരമ്പരയുമായി മുന്നോട്ട് പോകാനാകുമെന്നാണ് താന്‍ കരുതുന്നതെന്നാണ് ജോണി ഗ്രേവ് പറഞ്ഞത്. അതില്‍ ശുഭാപ്തി വിശ്വാസമുണ്ട്. എന്നാല്‍ ചില താരങ്ങള്‍ക്ക് ഇത്തരം സാഹചര്യത്തില്‍ ഇംഗ്ലണ്ടിലേക്ക് യാത്ര ചെയ്യുവാനുള്ള വൈമനസ്യം ഉണ്ടെന്നും ആരെയും അതിനാല്‍ തന്നെ ഇതിനായി നിര്‍ബന്ധിക്കില്ലെന്നും ഗ്രേവ് വ്യക്തമാക്കി.

ഒരു ലക്ഷത്തില്‍ താഴെ മാത്രം ജനസംഖ്യയുള്ള സ്ഥലത്ത് താമസിച്ചിട്ട് മുപ്പതിനായിരം മരണങ്ങള്‍ നടന്ന രാജ്യത്തേക്ക് ക്രിക്കറ്റിനായി പോകുമ്പോള്‍ ഒരു ഭീതി എല്ലാവരിലും ഉണ്ടാകുമെന്നും ഗ്രേവ് പറഞ്ഞു. അതിന് മുമ്പ് ജൈവ-സുരക്ഷിതമായ സാഹചര്യത്തില്‍ കളി നടത്താനാകുമെന്ന് യുകെ സര്‍ക്കാരിന് ഇംഗ്ലണ്ട് ബോര്‍ഡ് ഉറപ്പ് നല്‍കേണ്ടതുണ്ടെന്നും തങ്ങളുടെ കളിക്കാരുടെ സുരക്ഷയാണ് തങ്ങള്‍ക്ക് മുഖ്യമെന്നും ഗ്രേവ് വ്യക്തമാക്കി.

സുനിൽ നരൈനെയും കിറോൺ പൊള്ളാർഡിനെയും ഉൾപ്പെടുത്തി ഇന്ത്യക്കെതിരെയുള്ള ആദ്യ രണ്ട് ടി20 മത്സരങ്ങൾക്കുള്ള ടീം പ്രഖ്യാപിച്ച് വെസ്റ്റിൻഡീസ്. 2016ന് ശേഷം ആദ്യമായിട്ടാണ് നരൈൻ ടി20 ടീമിൽ ഇടം നേടുന്നത്. ഇന്ന് പ്രഖ്യാപിച്ച 14 അംഗ ടീമിൽ പരിക്കിന്റെ പിടിയിലുള ആന്ദ്രേ റസ്സലിനെയും ഉൾപെടുത്തിയിട്ടുണ്ട്. അതെ സമയം ടി20 മത്സരം നടക്കുന്നതിന് മുൻപ് നടക്കുന്ന ഫിറ്റ്നസ് ടെസ്റ്റിൽ വിജയിച്ചാൽ മാത്രമേ റസ്സൽ ടീമിൽ ഇടം പിടിക്കു.

കാർലോസ് ബ്രത്വെയിറ്റ് ആണ് വെസ്റ്റിൻഡീസ് ടീമിന്റെ ക്യാപ്റ്റൻ. അതെ സമയം കാനഡ ഗ്ലോബൽ ടി20 ലീഗിൽ പങ്കെടുക്കുന്നത്കൊണ്ട് സൂപ്പർ താരം ക്രിസ് ഗെയ്ൽ ടീമിൽ നിന്ന് വിട്ട് നിൽക്കുന്നുണ്ട്. അടുത്തിടെ കഴിഞ്ഞ ലോകകപ്പിൽ വെറും 2 മത്സരങ്ങൾ ജയിച്ച വെസ്റ്റിൻഡീസ് പോയിന്റ് പട്ടികയിൽ ഒൻപതാം സ്ഥാനത്ത് ആയിരുന്നു.

പരമ്പരയിൽ 3 ടി20 മത്സരങ്ങളും മൂന്ന് ഏകദിന മത്സരങ്ങളും രണ്ട് ടെസ്റ്റ് മത്സരങ്ങളും വെസ്റ്റിൻഡീസ് ഇന്ത്യക്കെതിരെ കളിക്കും.

T20 Squad: Carlos Brathwaite (C), John Campbell, Evin Lewis, Shimron Hetmyer, Nicolas Pooran, Kieron Pollard, Rovman Powell, Keemo Paul, Sunil Narine, Sheldon Cottrell, Oshane Thomas, Anthony Bramble, Andre Russell, Khary Pierre.