Tag: VfL Wolfsburg

ജർമ്മൻ ബുണ്ടസ് ലീഗയിൽ പുതിയ പരിശീലകൻ വിൻസെന്റ്‌ കൊമ്പനിക്ക് കീഴിൽ ജയിച്ചു തുടങ്ങി ബയേൺ മ്യൂണിക്. ആവേശകരമായ മത്സരത്തിൽ വോൾവ്സ്ബർഗിനെ അവരുടെ മൈതാനത്ത് 3-2 നു ആണ് ബയേൺ തോൽപ്പിച്ചത്. പന്ത് കൈവശം വെക്കുന്നതിൽ ബയേണിന്റെ വലിയ ആധിപത്യം കണ്ടെങ്കിലും വോൾവ്സ്ബർഗ് അവസരങ്ങൾ സൃഷ്ടിച്ചിരുന്നു. 19 മത്തെ മിനിറ്റിൽ സാഷ ബോയെയുടെ പാസിൽ നിന്നു ഗോൾ നേടിയ ജമാൽ മുസിയാല ബയേണിനെ മുന്നിലെത്തിച്ചു. എന്നാൽ രണ്ടാം പകുതിയിൽ വോൾവ്സ്ബർഗ് തിരിച്ചടിച്ചു. തോമസിനെ ബോയെ വീഴ്ത്തിയതിന് ലഭിച്ച പെനാൽട്ടി ലക്ഷ്യം കണ്ട ലോവ്റോ മേഹർ രണ്ടാം പകുതിയുടെ തുടക്കത്തിൽ തന്നെ മത്സരം സമനിലയിലാക്കി. തുടർന്ന് വോൾവ്സ്ബർഗിന്റെ ഒരു ഷോട്ട് പോസ്റ്റിൽ ഇടിച്ചു മടങ്ങിയപ്പോൾ പലപ്പോഴും ന്യൂയർ രക്ഷകനായി.

55 മത്തെ മിനിറ്റിൽ ബയേണിന്റെ പ്രതിരോധത്തിൽ കിം വരുത്തിയ വലിയ പിഴവിന് ഒടുവിൽ പന്ത് റാഞ്ചിയ പാട്രിക് വിമ്മറിന്റെ പാസിൽ നിന്നു തന്റെ രണ്ടാം ഗോൾ നേടിയ ലോവ്റോ മേഹർ വോൾവ്സ്ബർഗിനെ മത്സരത്തിൽ ആദ്യമായി മുന്നിൽ എത്തിച്ചു. 65 മിനിറ്റിൽ പകരക്കാരനായി തോമസ് മുള്ളർ എത്തിയതോടെ ബയേണിന്റെ ആക്രമണം കൂടി. തുടർന്ന് മുള്ളറിന്റെ കോർണറിൽ നിന്നു ഹാരി കെയിന്റെ ഹെഡറിൽ നിന്നു അബദ്ധത്തിൽ ജേക്കുവ് കമിൻസ്കി സെൽഫ്‌ ഗോൾ നേടിയതോടെ ബയേൺ മത്സരത്തിൽ ഒപ്പമെത്തി. തുടർന്ന് വിജയത്തിന് ആയി ബയേണിന്റെ നിയന്ത്രണ ആക്രമണം കാണാൻ ആയി, ഇടക്ക് ഗോൾ എന്നുറച്ച കെയിനിന്റെ ഷോട്ട് കമിൻസ്കി ബ്ലോക്ക് ചെയ്തു. 82 മത്തെ മിനിറ്റിൽ മുള്ളറിന്റെ അതുഗ്രൻ നീക്കത്തിന് ഒടുവിൽ കെയിൻ നൽകിയ പാസിൽ നിന്നു സെർജ് ഗനാബ്രി ഗോൾ നേടിയതോടെ ബയേൺ വീണ്ടും മുന്നിലെത്തി. തുടർന്ന് മികച്ച ഒരവസരം സമനില ഗോൾ നേടാനായി വോൾവ്സ്ബർഗിനു ലഭിച്ചെങ്കിലും അവർക്ക് അത് മുതലാക്കാൻ ആയില്ല. അതേസമയം അവസാന നിമിഷം ന്യൂയറിന്റെ മികവും അവർക്ക് തുണയായി.

ജർമ്മൻ ബുണ്ടസ് ലീഗയിൽ തുടർച്ചയായ അഞ്ചാം മത്സരത്തിൽ ജയം കാണാനുള്ള ബൊറൂസിയ ഡോർട്ട്മുണ്ട് ശ്രമം പരാജയപ്പെട്ടു. വോൾവ്സ്ബർഗിന് മുന്നിൽ അവർ എതിരില്ലാത്ത രണ്ടു ഗോളുകൾക്ക് പരാജയപ്പെടുക ആയിരുന്നു. മത്സരത്തിൽ പന്ത് കൈവശം വക്കുന്നതിൽ ഡോർട്ട്മുണ്ട് മുന്നിട്ട് നിന്നെങ്കിലും അവസരങ്ങൾ കൂടുതൽ തുറന്നത് വോൾവ്സ്ബർഗ് ആയിരുന്നു. ഇടക്ക് ഒരു ശ്രമം ബാറിൽ തട്ടി മടങ്ങിയത് ഡോർട്ട്മുണ്ടിന് തിരിച്ചടിയായി.

മത്സരം തുടങ്ങി ആറാം മിനിറ്റിൽ തന്നെ വോൾവ്സ്ബർഗ് മത്സരത്തിൽ മുന്നിലെത്തി. കോർണറിൽ നിന്നു ലഭിച്ച അവസരം ഹെഡറിലൂടെ ഡച്ച് പ്രതിരോധതാരം മികി വാൻ ഡ വെൻ ഗോൾ ആക്കി മാറ്റുക ആയിരുന്നു. തുടർന്ന് സമനിലക്ക് ആയി ഡോർട്ട്മുണ്ട് നന്നായി പരിശ്രമിച്ചെങ്കിലും ഒന്നും ഫലം കണ്ടില്ല. ഒടുവിൽ ഇഞ്ച്വറി സമയത്ത് 91 മത്തെ മിനിറ്റിൽ പകരക്കാരനായി ഇറങ്ങിയ പാട്രിക് വിമ്മറിന്റെ പാസിൽ നിന്നു മറ്റൊരു പകരക്കാരൻ ലൂകാസ് നമച വോൾവ്സ്ബർഗ് ജയം പൂർത്തിയാക്കുക ആയിരുന്നു. നിലവിൽ ഡോർട്ട്മുണ്ട് ലീഗിൽ നാലാമത് തുടരുമ്പോൾ വോൾവ്സ്ബർഗ് എട്ടാം സ്ഥാനത്തേക്ക് കയറി.

ബയേർ ലെവർകൂസൻ ഫോർവേഡ് ആദ്മിർ മെഹ്‌മേദിയെ വോൾഫ്സ്ബർഗ് സ്വന്തമാക്കി. ജർമ്മൻ ട്രാൻസ്ഫർ വിൻഡോ അവസാനിക്കാനിരിക്കെയാണ് വോൾഫ്സ്ബർഗ് ഇത്തരത്തിലൊരു മൂവ് നടത്തിയത്. സ്റ്റാർ സ്ട്രൈക്കെർ മരിയോ ഗോമസ് സ്റ്റട്ട്ഗാർട്ടിലേക്ക് പോയതിനു ശേഷം ഒരു സ്‌ട്രൈക്കർക്കായുള്ള തിരച്ചിലിൽ ആയിരുന്നു വോൾഫ്സ്. സ്വിറ്റ്‌സർലൻഡ് ദേശീയ താരമായ ആദ്മിർ മെഹ്‌മേദി 2013 സീസണിലാണ് ബുണ്ടസ് ലീഗയിൽ എത്തുന്നത്.

2015 ൽ ലെവർ കൂസനിൽ എത്തിയ ആദ്മിർ മെഹ്‌മേദി ഈ സീസണിലെ ആദ്യ രണ്ടു മത്സരങ്ങളിൽ ഒരു ഗോളും അസിസ്റ്റും ബയേർ ലെവർ കൂസന് നൽകിയാണ് സീസൺ ആരംഭിച്ചത്. എന്നാൽ ലിയോൺ ബെയ്‌ലിയുടെ തകർപ്പൻ പ്രകടനവും അലറിയോയുടെയും വോളണ്ടിന്റെയും കോമ്പിനേഷനും മെഹ്‌മേദിയെ സൈഡ്ലൈൻ ചെയ്തു. ട്രാൻസ്ഫെറിനായി ചിലവഴിച്ച തുകയെക്കുറിച്ച് വ്യക്തമായ റിപ്പോർട്ടുകൾ ഇല്ലെങ്കിലും 2022 വരെ താരം വോക്‌സവാഗൺ അറീനയിൽ തുടരും.

കൂടുതൽ കായിക വാർത്തകൾക്ക് : www.facebook.com/FanportOfficial