യൂറോപ്പ ലീഗ് ഗ്രൂപ്പ് ഘട്ടത്തിലെ അവസാന മത്സരം വിജയിക്കാൻ മാഞ്ചസ്റ്റർ യുണൈറ്റഡിനായി. ഇന്ന് എവേ മത്സരത്തിൽ റൊമാനിയൻ ക്ലബായ എഫ് സി എസ് ബിയെ നേരിട്ട മാഞ്ചസ്റ്റർ യുണൈറ്റഡ് എതിരില്ലാത്ത രണ്ടു ഗോളികളുടെ വിജയം നേടി.
മത്സരത്തിന്റെ 60ആം മിനുറ്റിൽ ഡിയേഗോ ഡാലോട്ടിലൂ ആണ് മാഞ്ചസ്റ്റർ യുണൈറ്റഡ് ലീഡ് എടുത്തത്. മൈനുവിന്റെ അസിസ്റ്റിൽ നിന്നായിരുന്നു ഗോൾ. അധികം വൈകാതെ 68ആം മിനുറ്റിൽ യുണൈറ്റഡ് ലീഡ് ഇരട്ടിയാക്കി. ഇത്തവണ ഗർനാചോയുടെ പാസിൽ നിന്ന് മൈനൂ ആണ് ഗോൾ നേടിയത്.
ഈ വിജയത്തോടെ മാഞ്ചസ്റ്റർ യുണൈറ്റഡ് 18 പോയിന്റുമായി ലീഗ് ഘട്ടവ് മൂന്നാമത് ഫിനിഷ് ചെയ്തു. ആദ്യ എട്ടിൽ ആയത് കൊണ്ട് യുണൈറ്റഡിന് പ്ലേ ഓഫ് കളിക്കേണ്ടതില്ല. എഫ് സി എസ് ബി 14 പോയിന്റുമായി 11ആം സ്ഥാനത്ത് ഫിനിഷ് ചെയ്തു. അവർക്ക് പ്ലേ ഓഫ് കളിക്കേണ്ടതുണ്ട്.
