2019 കൗണ്ടി സീസണില് ടെംബ ബാവുമ നോര്ത്താംപ്ടണ്ഷയറിനു വേണ്ടി കളിയ്ക്കും. ഡിവിഷന് 2 മത്സരങ്ങളില് എട്ട് മത്സരങ്ങള്ക്കായാണ് ടെംബ ബാവുമയുടെ സേവനങ്ങള് കൗണ്ടി ഉറപ്പാക്കിയിരിക്കുന്നത്. ദക്ഷിണാഫ്രിക്കയ്ക്കായി 31 ടെസ്റ്റുകളും രണ്ട് ഏകദിനങ്ങളും കളിച്ചിട്ടുള്ള താരമാണ് ടെംബ ബാവുമ. 2008ല് തന്റെ ഫസ്റ്റ് ക്ലാസ അരങ്ങേറ്റം നടത്തിയ ബാവുമ ശ്രദ്ധേയമായ പ്രകടനങ്ങള് നടത്തിയിട്ടുള്ള താരമാണ്.
ബാവുമയെ കരാറിലെടുത്തത് തങ്ങളുടെ ഡിവിഷന് ഒന്ന് സ്വപ്നങ്ങളുടെ സാക്ഷാത്കാരത്തിനു വഴി തെളിയിക്കുമെന്ന പ്രത്യാശ ക്ലബ് ചീഫ് എക്സിക്യൂട്ടീവ് റേ പെയിന് പ്രകടിപ്പിച്ചു.
ദക്ഷിണാഫ്രിക്കയുടെ മറക്കാനാഗ്രഹിക്കുന്ന ലങ്കന് ടെസ്റ്റ് പരമ്പരയ്ക്ക് അവസാനം. ഇന്ന് കൊളംബോ ടെസ്റ്റിന്റെ നാലാം ദിവസം 290 റണ്സിനു പുറത്താകുമ്പോള് ത്യൂണിസ് ഡി ബ്രൂയിന് പൊരുതി നേടിയ ശതകം മാത്രമാണ് ദക്ഷിണാഫ്രിക്കയ്ക്ക് ഊറ്റം കൊള്ളാവുന്ന പ്രകടനം. 139/5 എന്ന നിലയില് നാലാം ദിവസം ബാറ്റിംഗ് ആരംഭിച്ച ദക്ഷിണാഫ്രിക്ക ആറാം വിക്കറ്റില് സ്കോര് 236 വരെ എത്തിച്ചിരുന്നു.
123 റണ്സാണ് ത്യൂണിസ്-ബാവുമ കൂട്ടുകെട്ട് നേടിയത്. 63 റണ്സ് നേടിയ ടെംബ ബാവുമയെ പുറത്താക്കി രംഗന ഹെരാത്ത് ആണ് മത്സരത്തില് ശ്രീലങ്ക കാത്തിരുന്ന ബ്രേക്ക് നല്കിയത്. അതിനു ശേഷം ക്വിന്റണ് ഡിക്കോക്കിനെയും ഹെരാത്ത് മടക്കിയപ്പോള് ലങ്കന് ജയം ഉറപ്പാകുകയായിരുന്നു. കാഗിസോ റബാഡയുമായി(18) ചേര്ന്ന് ത്യൂണിസ് ഡി ബ്രൂയിന് പൊരുതി നോക്കിയെങ്കിലും ശതകം പൂര്ത്തിയാക്കിയ ഉടനെ ഡി ബ്രൂയിനെ ഹെരാത്ത് മടക്കി. മൂന്ന് പന്തുകള്ക്കപ്പുറം റബാഡയുടെ ചെറുത്ത്നില്പിനെ ദില്രുവന് പെരേരയും അവസാനിപ്പിച്ചു. 86.5 ഓവറില് 290 റണ്സ് നേടിയാണ് ദക്ഷിണാഫ്രിക്കയുടെ രണ്ടാം ഇന്നിംഗ്സ് അവസാനിച്ചത്. മത്സരത്തില് ശ്രീലങ്ക 199 റണ്സിനു വിജയിച്ചു.
ശ്രീലങ്കയ്ക്കായി രംഗന ഹെരാത്ത് ആറും ദില്രുവന് പെരേര അകില ധനന്ജയ എന്നിവര് രണ്ട് വീതം വിക്കറ്റും നേടി.
ദക്ഷിണാഫ്രിക്കന് മധ്യനിര ബാറ്റ്സ്മാന് ടെംബ ബാവുമ പുറത്ത്. ദക്ഷിണാഫ്രിക്കന് ടെസ്റ്റ് ടീമില് അംഗമായ ബാവുമ ആദ്യ രണ്ട് മത്സരങ്ങളിലും അവസാന ഇലവനില് ഇടം പിടിച്ചിരുന്നില്ല. ഇതിനാല് മൊമ്മന്റം ഏകദിന കപ്പില് പങ്കെടുക്കാന് ടീം മാനേജ്മെന്റ് താരത്തിനെ അനുവദിച്ചിരുന്നു. കഴിഞ്ഞ ബുധനാഴ്ച കേപ് കോബ്രാസിനു വേണ്ടി കളിക്കുന്നതിനിടെയാണ് താരത്തിന്റെ കൈവിരലുകള്ക്ക് പൊട്ടല് സംഭവിച്ചത്. മൂന്നാഴ്ചയോളം താരം കളിക്കളത്തിനു പുറത്തിരിക്കണമെന്നാണ് അറിയുവാന് കഴിയുന്നത്.
ബാവുമയ്ക്ക് പരിക്കേറ്റുവെങ്കിലും ദക്ഷിണാഫ്രിക്ക പകരക്കാരനെ ആവശ്യപ്പെട്ടിട്ടില്ല. ടെംബ ബാവുമ ടീമിനൊപ്പം തന്നെ തുടരുമെന്നാണ് ടീമിന്റെ അറിയിപ്പ്.
