Tag: Super Cup

സൂപ്പർ കപ്പിലെ ആദ്യ മത്സരത്തിൽ ഈസ്റ്റ് ബംഗാളിനെ നേരിടുന്ന കേരള ബ്ലാസ്റ്റേഴ്സ് ആദ്യ പകുതിക്ക് പിരിയുമ്പോൾ എതിരില്ലാത്ത ഒരു ഗോളിന് മുന്നിൽ നിൽക്കുന്നു. കേരള ബ്ലാസ്റ്റേഴ്സ് മികച്ച അറ്റാക്കിംഗ് ഫുട്ബോൾ ആണ് ആദ്യ പകുതിയിൽ കാഴ്ചവെച്ചത്.

അഞ്ച് വിദേശ താരങ്ങളുമായി ഇറങ്ങിയ ബ്ലാസ്റ്റേഴ്സ് നിരവധി നല്ല അവസരങ്ങൾ സൃഷ്ടിച്ചു. രണ്ടാം മിനുറ്റിൽ തന്നെ ജീസസിന് നല്ല അവസരം ലഭിച്ചെങ്കിലും ലക്ഷ്യം കാണാൻ ആയില്ല. ജീസസിന് പിന്നെയും രണ്ട് നല്ല അവസരം ലഭിച്ചെങ്കിലും ടാർഗറ്റിൽ നിന്ന് പന്ത് അകന്നു.

അവസാനം 40ആം മിനുറ്റിൽ നോഹ നേടിയ പെനാൽറ്റി ലക്ഷ്യത്തിൽ എത്തിച്ച് ജീസസ് ജിമനസ് കേരള ബ്ലാസ്റ്റേഴ്സിന് ലീഡ് നൽകി. ജിമനസിന്റെ ആദ്യ പെനാൽറ്റി ഗിൽ തടഞ്ഞു എങ്കിലും താരം കിക്ക് എടുക്കും മുമ്പ് ലൈൻ വിട്ടതിനാൽ കിക്ക് വീണ്ടും എടുക്കാൻ റഫറി വിധിച്ചു. ഇത്തവണ ജീസസിന് പിഴച്ചില്ല. കേരള ബ്ലാസ്റ്റേഴ്സ് 1-0 ഈസ്റ്റ് ബംഗാൾ.

ഇനി രണ്ടാം പകുതിയിലും ഈ പ്രകടനം തുടർന്ന് അടുത്ത റൗണ്ട് ഉറപ്പിക്കുക ആകും ബ്ലാസ്റ്റേഴ്സിന്റെ ലക്ഷ്യം.

കലിംഗ സൂപ്പർ കപ്പ് 2025ലെ കേരള ബ്ലാസ്റ്റേഴ്സ് എഫ്‌സിയുടെ, ഈസ്റ്റ് ബംഗാൾ എഫ്‌സിക്കെതിരായ, ആദ്യ മത്സരത്തിന്റെ കിക്കോഫ് ടൈം പുനഃക്രമീകരിച്ചു. നേരത്തെ നിശ്ചയിച്ചിരുന്ന 4:30 PMന് പകരം ഏപ്രിൽ 20ന് രാത്രി 8:00 PMനാകും ഇനി കിക്കോഫ്. മത്സരം ഭുവനേശ്വറിലെ കലിംഗ സ്റ്റേഡിയത്തിൽ നടക്കും.

പുതുതായി നിയമിതനായ മുഖ്യ പരിശീലകൻ ഡേവിഡ് കാറ്റലയുടെ കീഴിൽ ബ്ലാസ്റ്റേഴ്സ് പുതിയൊരു അധ്യായത്തിന് തുടക്കം കുറിക്കുന്ന മത്സരം കൂടിയാണിത്. സ്പാനിഷ് പരിശീലകന്റെ നേതൃത്വത്തിൽ ടീം ഒഡീഷയിലേക്ക് യാത്ര തിരിച്ചു.

13 ഇന്ത്യൻ സൂപ്പർ ലീഗ് (ഐഎസ്എൽ) ടീമുകളും 3 ഐ-ലീഗ് ടീമുകളും ഉൾപ്പെടെ 16 ടീമുകളാണ് കലിംഗ സൂപ്പർ കപ്പ് 2025ൽ മത്സരിക്കുന്നത്. ഏപ്രിൽ 20 മുതൽ മെയ് 3 വരെ ഭുവനേശ്വറിലാണ് എല്ലാ മത്സരങ്ങളും നടക്കുന്നത്. സ്പോർട്സ്18 നെറ്റ്‌വർക്കിൽ തത്സമയം സംപ്രേക്ഷണം ചെയ്യുന്ന മത്സരം ജിയോ സിനിമയിലും ലഭ്യമാകും.

വരാനിരിക്കുന്ന സൂപ്പർ കപ്പിൽ പങ്കെടുക്കുന്ന ക്ലബ്ബുകൾക്ക് ടൂർണമെന്റിൽ ആറ് വിദേശ കളിക്കാരെ വരെ രജിസ്റ്റർ ചെയ്യാനും കളിപ്പിക്കാനുൻ കഴിയുമെന്ന് ഓൾ ഇന്ത്യ ഫുട്ബോൾ ഫെഡറേഷൻ (എഐഎഫ്എഫ്) സ്ഥിരീകരിച്ചു. ഏപ്രിൽ 20 മുതൽ മെയ് 3 വരെ ഒഡീഷയിലെ ഭുവനേശ്വറിൽ നടക്കുന്ന മത്സരത്തിൽ ഇന്ത്യൻ സൂപ്പർ ലീഗ് (ഐഎസ്എൽ) ക്ലബ്ബുകളും മൂന്ന് ഐ-ലീഗ് ടീമുകളും ഉൾപ്പെടെ 16 ടീമുകൾ പങ്കെടുക്കും.

ലീഗ് ചട്ടങ്ങളിൽ നിന്നുള്ള ശ്രദ്ധേയമായ മാറ്റത്തിൽ – ടീമുകൾക്ക് ആറ് വിദേശ കളിക്കാരെ രജിസ്റ്റർ ചെയ്യാൻ അനുവാദമുണ്ട്. സൂപ്പർ കപ്പിൽ ആറ് വിദേശികൾക്കും ഒരുമിച്ച് കളിക്കാൻ കഴിയും.

നിലവിലെ ചാമ്പ്യന്മാരായ ഈസ്റ്റ് ബംഗാൾ കേരള ബ്ലാസ്റ്റേഴ്സിനെതിരായ റൗണ്ട് ഓഫ് 16 പോരാട്ടത്തോടെയാണ് കിരീട പ്രതിരോധത്തിന് തുടക്കമിടുന്നത്.

മറ്റൊരു മാറ്റത്തിൽ, ടൂർണമെന്റിൽ നോക്കൗട്ട് റൗണ്ടുകളിൽ (സെമിഫൈനൽ വരെ) അധിക സമയം ഉണ്ടായിരിക്കില്ല. 90 മിനിറ്റിനുശേഷം സമനിലയിലാകുന്ന മത്സരങ്ങൾ നേരിട്ട് പെനാൽറ്റിയിലേക്ക് പോകും, ​​ഫൈനൽ ഒഴികെ. ഫൈനലിൽ എക്സ്ട്രാ ടൈം ഉണ്ടാകും.

സൂപ്പർ കപ്പ് വിജയിക്കുന്ന ടീം 2025–26 എ.എഫ്.സി ചാമ്പ്യൻസ് ലീഗ് രണ്ടിന്റെ പ്രാഥമിക റൗണ്ടിൽ സ്ഥാനം ഉറപ്പാക്കും.

സൂപ്പർ കപ്പ് ഏപ്രിൽ 20ന് ആരംഭിക്കും. കേരള ബ്ലാസ്റ്റേഴ്സ് എഫ് സിയുടെ മത്സരത്തോടെയാക്കും ടൂർണമെന്റ് ആരംഭിക്കുന്നത്. എന്നാൽ ടൂർണമെന്റിൽ പങ്കെടുക്കുന്ന ക്ലബുകളുടെ എണ്ണത്തിൽ ഇപ്പോഴും അനിശ്ചിതത്വം തുടരുന്നു. ചർച്ചിൽ ബ്രദേഴ്‌സും ഇന്റർ കാശിയും മാത്രമെ ഐ-ലീഗ് ക്ലബ്ബുകളിൽ നിന്ന് സൂപ്പർ കപ്പിൽ പങ്കെടുക്കുന്നുണ്ടെന്ന് സ്ഥിരീകരിച്ചിട്ടുള്ളൂ. അതിനാൽ ടൂർണമെന്റിൽ ആസൂത്രണം ചെയ്തതിനേക്കാൾ കുറച്ച് ടീമുകൾ മാത്രമേ ഉണ്ടാകൂ എന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.

ഓൾ ഇന്ത്യ ഫുട്ബോൾ ഫെഡറേഷൻ (എഐഎഫ്എഫ്) സംഘടിപ്പിക്കുന്ന ഈ ടൂർണമെന്റ് ഈ മാസം അവസാനം ഒഡീഷയിൽ വെച്ചാണ് നടക്കുന്നത്. മൂന്ന് ഐ-ലീഗ് ക്ലബ്ബുകളെ ഉൾപ്പെടുത്താനാണ് എഐഎഫ്എഫ് ആദ്യം പദ്ധതിയിട്ടിരുന്നത്, എന്നാൽ രണ്ടെണ്ണം മാത്രമേ താൽപ്പര്യം പ്രകടിപ്പിച്ചുള്ളൂ, അതുകൊണ്ട് ഫോർമാറ്റിൽ മാറ്റങ്ങൾ വന്നേക്കാം.

പല ഐ-ലീഗ് ക്ലബ്ബുകളും സാമ്പത്തിക ബുദ്ധിമുട്ടുകളാണ് ഒഴിവാക്കലിന് കാരണമെന്ന് ചൂണ്ടിക്കാണിച്ചിട്ടുണ്ട്. ഏപ്രിൽ 20 ന് നടക്കുന്ന ഉദ്ഘാടന മത്സരത്തിൽ കേരള ബ്ലാസ്റ്റേഴ്‌സ് ഈസ്റ്റ് ബംഗാളിനെ നേരിടും.

സൂപ്പർ കപ്പ് ജേതാക്കൾക്ക് AFC ചാമ്പ്യൻസ് ലീഗ് 2 (ACL2) പ്ലേഓഫിൽ സ്ഥാനം ലഭിക്കും, ഇത് കോണ്ടിനെന്റൽ ഫുട്ബോളിലേക്ക് യോഗ്യത ലഭിക്കും.

സൂപ്പർ കപ്പ് 2025 ടൂർണമെന്റ് ഏപ്രിൽ 21 മുതൽ ഒഡീഷയിലെ ഭുവനേശ്വറിൽ നടക്കും. 16 ടീമുകൾ ടൂർണമെന്റിൽ പങ്കെടുക്കും. നോക്കൗട്ട് ഫോർമാറ്റിലാകും നടക്കുക. 13 ഐഎസ്എൽ ക്ലബ്ബുകളും മൂന്ന് ഐ-ലീഗ് ക്ലബ്ബുകളും കിരീടത്തിനായി പോരാടും.

ടൂർണമെൻ്റ് വിജയിക്കുന്നവർക്ക് AFC ചാമ്പ്യൻസ് ലീഗ് 2 (ACL2) പ്ലേഓഫുകളിൽ ഒരു സ്ഥാനം ലഭിക്കിം. ഫിക്സ്ചറുകൾ ഉടൻ പുറത്തു വരും എന്ന് പ്രതീക്ഷിക്കപ്പെടുന്നു. ഈസ്റ്റ് ബംഗാൾ ആയിരുന്നു അവസാന സീസണിൽ സൂപ്പർ കപ്പ് ജയിച്ചത്.

സ്പാനിഷ് സൂപ്പർ കപ്പിൽ എൽ ക്ലാസികോ ഫൈനൽ ഉറപ്പായി. ഇന്നലെ രണ്ടാം സെമിയിൽ ബാഴ്സലോണ വിജയിച്ചതോടെ ഫൈനലിൽ റയൽ മാഡ്രിഡും ബാഴ്സയും ഏറ്റുമുട്ടും. ഇന്നലെ നടന്ന സെമിയിൽ ഒസാസുനയെ എതിരില്ലാത്ത രണ്ടു ഗോളുകൾക്ക് ആണ് ബാഴ്സലോണ പരാജയപ്പെടുത്തിയത്. ഇന്നലെ ആദ്യ പകുതിയിൽ ഗോൾ ഒന്നും പിറന്നിരുന്നില്ല. രണ്ടാം പകുതിയിൽ 59ആം മിനുട്ടിൽ ലെവൻഡോസ്കിയുടെ ഗോൾ ബാഴ്സലോണക്ക് ലീഡ് നൽകി.

അതു കഴിഞ്ഞ് മത്സരത്തിന്റെ അവസാന നിമിഷങ്ങളിൽ യമാലിലൂടെ ബാഴ്സലോണ രണ്ടാം ഗോൾ നേടി വിജയം ഉറപ്പിച്ചു. നേരത്തെ റയൽ മാഡ്രിഡ് അവരുടെ സെമിയിൽ അത്ലറ്റിക്കോ മാഡ്രിഡിനെ 5-3 എന്ന സ്കോറിന് തോൽപ്പിച്ചിരുന്നു. ജനുവരി 14ന് ആണ് ഫൈനൽ നടക്കുക.

കലിംഗ സൂപ്പർ കപ്പ് 2024ന്റെ ഗ്രൂപ്പ് ഘട്ടത്തിനായുള്ള നറുക്കെടുപ്പ് 2023 ഡിസംബർ 18 തിങ്കളാഴ്ച ന്യൂഡൽഹിയിലെ ഫുട്ബോൾ ഹൗസിൽ വെച്ച് നടന്നു. കേരള ബ്ലാസ്റ്റേഴ്സ് ഗ്രൂപ്പ് ബിയിൽ ഇടം നേടി. നോർത്ത് ഈസ്റ്റ് യുണൈറ്റഡ്, ജംഷദ്പൂർ, ഒരു ഐ ലീഗ് ക്ലബ് എന്നിവരാകും ബ്ലാസ്റ്റേഴ്സിന്റെ ഗ്രൂപ്പിൽ ഉണ്ടാവുക.

ടൂർണമെന്റിൽ 16 ടീമുകൾ ആകെ കളിക്കുക‌ ഇന്ത്യൻ സൂപ്പർ ലീഗിൽ നിന്ന് 12 ഉം ഐ-ലീഗിൽ നിന്ന് നാല് ക്ലബും പങ്കെടുക്കും. നാല് ടീമുകൾ വീതമുള്ള നാല് ഗ്രൂപ്പുകളായി തിരിച്ചാണ് മത്സരം. 2024 ജനുവരി 9 മുതൽ 28 വരെ ഒഡീഷയിലാണ് കലിംഗ സൂപ്പർ കപ്പ് നടക്കുന്നത്. ഐ ലീഗ് ക്ലബ് പ്ലേ ഓഫിലൂടെ ആകും ഗ്രൂപ്പ് ഘട്ടത്തിലേക്ക് എത്തുക.

സൂപ്പർ കപ്പ് 2023-ന് സമാനമായ ഫോർമാറ്റിലാകും ഈ സീസണിലെയും മത്സരം. ഓരോ ഗ്രൂപ്പിൽ നിന്നും ഉയർന്ന റാങ്കിലുള്ള ടീം സെമി ഫൈനലിലേക്ക് മുന്നേറും. ജനുവരി 28-ന് നടക്കുന്ന ഫൈനലിലെ വിജയിക്ക് 2024-25 AFC ചാമ്പ്യൻസ് ലീഗ് 2-ലേക്കുള്ള ടിക്കറ്റും ലഭിക്കും.

Kalinga Super Cup 2024 Group Stage Draw

GROUP A:
Mohun Bagan SG
East Bengal FC
Hyderabad FC
I-League 1

GROUP B:
Kerala Blasters FC
NorthEast United FC
Jamshedpur FC
I-League 2

GROUP C:
Mumbai City FC
Chennaiyin FC
Punjab FC
I-League 3

GROUP D:
FC Goa
Odisha FC
Bengaluru FC
I-League 4 (winner of qualifying play-off)