കേരള ബ്ലാസ്റ്റേഴ്സും ബെംഗളൂരു എഫ് സിയും തമ്മിലുള്ള പ്ലേ ഓഫ് മത്സരത്തിൽ വിവാദ തീരുമാനം എടുത്ത റഫറി ക്രിസ്റ്റൽ ജോൺ സൂപ്പർ കപ്പിന് ഉണ്ടാകില്ല. സൂപ്പർ കപ്പിലെ റഫറിയിംഗ് പാനലിൽ ക്രിസ്റ്റൽ ജോണിനെ എ ഐ എഫ് എഫ് ഉൾപ്പെടുത്തിയിട്ടില്ല. പ്രമുഖ മാധ്യമ പ്രവർത്തകൻ മാർക്കസ് ആണ് ക്രിസ്റ്റൽ ജോൺ സൂപ്പർ കപ്പിന് ഇല്ല എന്ന വാർത്ത റിപ്പോർട്ട് ചെയ്യുന്നത്.
ബെംഗളൂരു എഫ് സിയും കേരള ബാാസ്റ്റേഴ്സും തമ്മിലുള്ള മത്സരത്തിനിടയിൽ ബെംഗളൂരു ഒരു വിവാദ ഗോൾ നേടിയപ്പോൾ ആ ഗോൾ ക്രിസ്റ്റൽ ജോൺ അനുവദിച്ചു കൊടുത്തിരുന്നു. അതിലുള്ള പ്രതിഷേധം ആയായിരുന്നു കേരള ബ്ലാസ്റ്റേഴ്സ് ഗ്രൗണ്ട് വിട്ടതും. അന്ന് മുതൽ വലിയ വിമർശനം ക്രിസ്റ്റൽ ജോൺ ഫുട്ബോൾ പ്രേമികളിൽ നിന്ന് ഏറ്റുവാങ്ങുന്നുണ്ട്. ഇതു കൂടെ കണക്കാാക്കിയാണ് ക്രിസ്റ്റൽ ജോണിനെ എ ഐ എഫ് എഫ് സൂപ്പർ കപ്പിൽ നിന്ന് മാറ്റി നിർത്തിയത്.