Tag: Steven Gerrard

ആസ്റ്റൺ വില്ല പരിശീലകൻ സ്റ്റീവൻ ജെറാഡിന് പിന്തുണയുമായി മുൻ സഹതാരം ജേമി കാരഗർ. ഇപ്പോൾ ജെറാർഡ് മാനേജ്‌മെന്റിലെ തന്റെ ആദ്യത്തെ പ്രതിസന്ധിയിലൂടെ കടന്നു പോവുകയാണ്. സമയം കൊടുത്താൽ ജെറാഡ് വില്ലയെ ഫോമിലേക്ക് തിരികെ കിണ്ടു വരും എന്ന് കാരഗർ പറയുന്നു.

ഒരു പരിശീലകനെന്ന നിലയിൽ, ജെറാർഡ് തന്നെ സമ്മതിക്കും അദ്ദേഹം ഇനിയും മെച്ചപ്പെടാൻ ഉണ്ടെന്ന്. അദ്ദേഹം ഒരു യുവ പരിശീലകൻ ആണ്‌‌‌. അദ്ദേഹത്തിന് ലിവർപൂൾ അക്കാദമിയിലെ സമയം ഉൾപ്പെടെ ആകെ അഞ്ച് വർഷമേ പരിശീലകൻ എന്ന നിലയിൽ പരിചയസമ്പത്ത് ഉള്ളൂ. മുൻ ലിവർപൂൾ താരം കാരഗർ പറഞ്ഞു.

ആസ്റ്റൺ വില്ല ഇപ്പോൾ വേദനിക്കുന്നു എങ്കിലും ജെറാഡിനെ വിശ്വസിച്ച് സമയം കൊടുത്താൽ ഭാവിയിൽ ഏറെ നേട്ടങ്ങൾ ക്ലബിന് ലഭിക്കും. കാരഗർ പറഞ്ഞു. ലീഗിൽ ഇപ്പോൾ ആകെ ഒരു വിജയവുമായി പത്താം സ്ഥാനത്താണ് ആസ്റ്റൺ വില്ല ഉള്ളത്.

ആസ്റ്റൺ വില്ല പരിശീലകനായുള്ള ആദ്യ മത്സരത്തിൽ സ്റ്റീവൻ ജെറാർഡിന് ജയം. ബ്രൈറ്റനെ നേരിട്ട ആസ്റ്റൺ വില്ല ഏകപക്ഷീയമായ 2 ഗോളുകൾക്കാണ് ജയം സ്വന്തമാക്കിയത്. മത്സരത്തിന്റെ മുഖ്യ ഭാഗവും ഗോൾ രഹിതമായ മത്സരത്തിൽ കളി തീരാൻ 7 മിനിറ്റ് ബാക്കി നിൽക്കെ രണ്ട് ഗോൾ നേടിയാണ് ആസ്റ്റൺ വില്ല ജയം സ്വന്തമാക്കിയത്. തുടർച്ചയായ അഞ്ച് തോൽവികൾക്ക് ശേഷമാണ് ആസ്റ്റൺ വില്ല ഒരു ജയം സ്വന്തമാക്കുന്നത്.

ഗോൾ രഹിതമായ ആദ്യ പകുതിയിൽ ബ്രൈറ്റൻ ആസ്റ്റൺ വില്ലയെക്കാൾ മികച്ചു നിന്നെങ്കിലും ആദ്യ പകുതിയിൽ ഗോൾ കണ്ടെത്താൻ ഇരു ടീമുകൾക്കുമായില്ല. തുടർന്ന് മത്സരത്തിന്റെ 83മത്തെ മിനുറ്റിൽ വാറ്റ്കിൻസ് ആണ് ആസ്റ്റൺ വില്ലക്ക് വേണ്ടി ആദ്യ ഗോൾ നേടിയത്. അധികം താമസിയാതെ മിങ്‌സ് ആസ്റ്റൺ വില്ലയുടെ ലീഡ് ഇരട്ടിയാകുകയും ചെയ്തു.