സൗദി പ്രൊ ലീഗ് ക്ലബ് ആയ ഇത്തിഫാഖ് എഫ് സി സ്റ്റീവൻ ജെറാഡിന്റെ കരാർ നീട്ടി. 2027വരെയുള്ള പുതിയ ഒരു കരാർ ജെറാഡ് അംഗീകരിച്ചതായി ക്ലബ് സ്ഥിരീകരിച്ചു. നിലവിൽ 2025 വരെ ആയിരുന്നു ജെറാഡിന്റെ കരാർ. ജെറാഡ് ക്ലബിൽ ഉണ്ടാക്കിയ മാറ്റങ്ങൾ പരിഗണിച്ചാണ് ഇത്തിഫാഖ് അദ്ദേഹത്തിന്റെ കരാർ പുതുക്കിയത്. ഈ സീസൺ തുടക്കത്തിൽ ആയിരുന്നു ജെറാഡ് ഇത്തിഫാഖിൽ എത്തിയത്.
ജെറാഡിന് കീഴിൽ അവർ സീസൺ നന്നായി തുടങ്ങി എങ്കിലും പിന്നീട് കാര്യങ്ങൾ അവർക്ക് അനുകൂലമായില്ല. അവസാനമായി കഴിഞ്ഞ ഒക്ടോബറിൽ ആണ് ഇത്തിഫാഖ് ഒരു മത്സരം ജയിച്ചത്. ഇപ്പോൾ ലീഗിൽ എട്ടാം സ്ഥാനത്തുമാണ് അവർ. അവരുടെ പ്രധാന താരങ്ങളിൽ ഒരാളായ ഹെൻഡേഴ്സൺ ക്ലബ് വിടുകയും ചെയ്തിട്ടുണ്ട്.