Sahal Abdul Samad News in Malayalam

വിയ്റ്റ്നാമിലെ സൗഹൃദ മത്സരങ്ങൾക്കുള്ള ഇന്ത്യൻ ടീം, മൂന്ന് മലയാളികൾ, ബ്ലാസ്റ്റേഴ്സിന്റെ ഗിൽ ടീമിൽ ഇല്ല

വിയ്റ്റ്നാമിൻ നടക്കുന്ന സൗഹൃദ മത്സരങ്ങൾക്കായുള്ള ഇന്ത്യൻ ഫുട്ബോൾ ടീം പ്രഖ്യാപിച്ചു. മലയാളി താരങ്ങൾ ആയ രാഹുൽ കെ പി, ആഷിഖ് കുരുണിയൻ, സഹൽ അബ്ദുൽ സമദ് എന്നിവർ സ്ക്വാഡിൽ ഉണ്ട്. സഹലും രാഹുലും അടക്കം നാലു കേരള ബ്ലാസ്റ്റേഴ്സ് താരങ്ങളും സ്ക്വാഡിൽ ഉണ്ട്. ഖാബ്ര, ജീക്സൺ എന്നിവരാണ് ടീമിലുള്ള മറ്റു ബ്ലാസ്റ്റേഴ്സ് താരങ്ങൾ. ബ്ലാസ്റ്റേഴ്സ് ഗോൾ കീപ്പർ ഗിൽ ടീമിൽ ഇല്ലാത്തത് വിമർശനങ്ങൾ ഉയർത്തിയേക്കും. കഴിഞ്ഞ ഐ എസ് എൽ സീസണിലെ ഗോൾഡൻ ഗ്ലോസ് വിന്നറാണ് ഗിൽ.

വിയറ്റ്നാമിൽ ഇന്ത്യ രണ്ട് സൗഹൃദ മത്സരങ്ങൾ ആണ് കളിക്കുക. വിയറ്റ്നാമിൽ വെച്ച് ആതിഥേയരായ വിയറ്റ്നാമിനെയും സിംഗപ്പൂരിനെയും ആണ് ഇന്ത്യ നേരിടുക. സെപ്റ്റംബർ 24ന് ഇന്ത്യ സിംഗപ്പൂരിനെയും, സെപ്റ്റംബർ 29ന് ഇന്ത്യ വിയറ്റ്നാമിനെയും നേരിടും. എല്ലാ മത്സരങ്ങളും തോങ്നാത് സ്റ്റേഡിയത്തിൽ വെച്ചാകും നടക്കുക.

ഇന്ത്യൻ ടീം:

Goalkeepers: Gurpreet Singh Sandhu, Dheeraj Singh Moirangthem and Amrinder Singh

Defenders: Sandesh Jhingan, Roshan Singh Naorem, Anwar Ali, Akash Mishra, Chinglensana Singh Konsham, Harmanjot Singh Khabra and Narender.

Midfielders: Liston Colaco, Muhammed Ashique Kuruniyan, Deepak Tangri, Udanta Singh, Anirudh Thapa, Brandon Fernandes, Yasir Mohammad, Jeakson Singh, Sahal Abdul Samad, Rahul KP, Lallianzuala Chhangte and Vikram Pratap Singh.

Forwards: Sunil Chhetri and Ishan Pandita.

ഒരുക്കം ഗംഭീരം, സൗഹൃദ മത്സരത്തിൽ കേരള ബ്ലാസ്റ്റേഴ്സ് എഫ് സിക്ക് മികച്ച വിജയം | Exclusive

ഇന്ന് കൊച്ചിയിൽ നടന്ന പ്രീസീസൺ സൗഹൃദ മത്സരത്തിൽ കേരള ബ്ലാസ്റ്റേഴ്സിന് മികച്ച വിജയം. നാഷണൽ ഗെയിംസിനായി ഒരുങ്ങുന്ന കേരള ടീമിനെ ആണ് ഇന്ന് ബ്ലാസ്റ്റേഴ്സ് നേരിട്ടത്‌. ഏകപക്ഷീയമായ മൂന്ന് ഗോളുകൾക്കായിരുന്നു കേരള ബ്ലാസ്റ്റേഴ്സിന്റെ വിജയം. പ്രീസീസൺ ടൂർ കഴിഞ്ഞ് കേരളത്തിൽ എത്തിയ ശേഷം ബ്ലാസ്റ്റേഴ്സിന്റെ ആദ്യ മത്സരമായിരുന്നു ഇത്.

ആദ്യ പകുതിയിൽ സൗരവ് നേടിയ ഗോളിൽ കേരള ബ്ലാസ്റ്റേഴ്സ് ലീഡ് എടുത്തു‌. രണ്ടാം പകുതിയിൽ ആണ് ബാക്കി ഗോളുകൾ വന്നത്‌‌. മലയാളി താരം സഹൽ അബ്ദുൽ സമദിന്റെ വകയായിരുന്നു രണ്ടാം ഗോൾ. ഇത് കഴിഞ്ഞ് പൂട്ടിയയുടെ വക ഒരു ഫ്രീകിക്കിലൂടെ മൂന്നാം ഗോളും വന്നു.

ഇനി കേരള ബ്ലാസ്റ്റേഴ്സ് ശനിയാഴ്ച എം എ കോളേജിനെതിരെ സന്നാഹ മത്സരം കളിക്കും.

പൂട്ടിയ നേടിയ ഗോൾ; https://twitter.com/kbfcxtra/status/1569671758051155969?t=zydTjVevCmbr7mmtk0N46g&s=19

ഈ മലയാളി മുത്തുകളെ ആരും നോട്ടമിടേണ്ട, സഹലിനെയും രാഹുലിനെയും മുറുകെ പിടിച്ച് കേരള ബ്ലാസ്റ്റേഴ്സ്

മലയാളി താരങ്ങളായ സഹൽ അബ്ദുൽ സമദും കെ.പി രാഹുലും കേരള ബ്ലാസ്റ്റേഴ്സിൽ പുതിയ കരാർ പുതുക്കും. പ്രമുഖ ഫുട്ബോൾ മാധ്യമമായ ഗോൾ ഡോട്ട് കോം ആണ് ഇരു താരങ്ങളുടെ കേരള ബ്ലാസ്റ്റേഴ്സിൽ ഉടൻ തന്നെ കരാർ പുതുക്കും എന്ന് റിപ്പോർട്ട് ചെയ്തത്.

കഴിഞ്ഞ വർഷമാണ് സഹൽ അബ്ദുൽ സമദ് 2022 വരെ കേരള ബ്ലാസ്റ്റേഴ്സിൽ കരാർ പുതുക്കിയത്. എന്നാൽ പല ഇന്ത്യൻ സൂപ്പർ ലീഗ് ക്ലബ്ബുകലും താരത്തെ സ്വന്തമാക്കാൻ താല്പര്യം പ്രകടിപ്പിച്ചതോടെയാണ് സഹലിന് പുതിയ കരാർ നൽകാൻ കേരള ബ്ലാസ്റ്റേഴ്‌സ് തീരുമാനിച്ചത്. 2025വരെ സഹൽ അബ്ദുൽ സമദിന്റെ കേരള ബ്ലാസ്റ്റേഴ്സിൽ നിർത്താനുള്ള ശ്രമങ്ങളാണ് മാനേജ്‌മന്റ് ശ്രമിക്കുന്നത്.

ഇന്ത്യൻ ആരോസിൽ നിന്ന് കേരള ബ്ലാസ്റ്റേഴ്സിൽ എത്തിയ കെ.പി രാഹുൽ കഴിഞ്ഞ സീസണിൽ മികച്ച പ്രകടനമാണ് പുറത്തെടുത്തത്. കഴിഞ്ഞ സീസണിൽ കെ.എൽ രാഹുൽ കേരള ബ്ലാസ്റ്റേഴ്സിന് വേണ്ടി 8 മത്സരങ്ങളാണ് കളിച്ചത്. യുവ താരങ്ങൾക്ക് ദീർഘ കാലത്തേക്കുള്ള കരാർ നൽകികൊണ്ട് മികച്ചൊരു ടീമിനെ കെട്ടിപ്പടുക്കാനുള്ള ശ്രമത്തിലാണ് കേരള ബ്ലാസ്റ്റേഴ്സും കിബു വികുനയും.

ഗോളുകൾ നേടുന്ന മിഡ്ഫീൽഡറാവാൻ സഹലിന് കഴിയുമെന്ന് ബൂട്ടിയ

മിഡ്ഫീൽഡിൽ നിന്ന് ഗോളുകൾ നേടുന്ന ഒരു മികച്ച താരമാവാൻ കേരള ബ്ലാസ്റ്റേഴ്‌സ് താരം സഹൽ അബ്ദുൽ സമദിന്റെ കഴിയുമെന്ന് മുൻ ഇന്ത്യൻ ക്യാപ്റ്റൻ ബൈച്ചുങ് ബൂട്ടിയ. കഴിഞ്ഞ ഐ.എസ്.എൽ സീസണിൽ മികച്ച പ്രകടനം പുറത്തെടുത്ത സഹലിനെ ബൂട്ടിയ അഭിനന്ദിക്കുകയും ചെയ്തു. ഇന്ത്യൻ സൂപ്പർ ലീഗിന്റെ ഇൻസ്റ്റാഗ്രാം അക്കൗണ്ടിൽ സംസാരിക്കുകയായിരുന്നു ബൂട്ടിയ. ഇന്ത്യൻ ക്യാപ്റ്റൻ സുനിൽ ഛേത്രിയുടെ വിരമിക്കലിന് ശേഷം ഇന്ത്യൻ ടീമിലെ മികച്ച ഗോൾ വേട്ടക്കാരനായി സഹൽ അബ്ദുൽ സമദ് മാറുമെന്നും ബൈച്ചുങ് ബൂട്ടിയ പറഞ്ഞു.

സഹലിനെ കൂടാതെ ഇന്ത്യൻ യുവ താരങ്ങളായ ബ്രണ്ടൻ ഫെർണാഡസ്, അനിരുദ്ധ് താപ, ആഷിഖ് കുരുണിയൻ എന്നിവരുടെ പ്രകടനത്തെയും ബൂട്ടിയ പുകഴ്ത്തി. സഹൽ ഗോളടിച്ചു തുടങ്ങിയാൽ മികച്ച ഫിനിഷർ ആവുമെന്നും ഇന്ത്യൻ ടീമിൽ സുനിൽ ഛേത്രിയുടെ സ്ഥാനം ഏറ്റെടുക്കാൻ സഹലിന് കഴിയുമെന്നും ബൂട്ടിയ പറഞ്ഞു. സഹൽ അബ്ദുൽ സമദ് ഇന്ത്യൻ ഫുട്ബാളിന്റെ ഭാവി വാഗ്ദാനം കൂടിയാണെന്നും ബൂട്ടിയ കൂട്ടിച്ചേർത്തു.

മോശം സീസണിലും കേരള ബ്ലാസ്റ്റേഴ്സിന് ആശ്വാസം, സഹൽ ഐ.എസ്.എല്ലിലെ മികച്ച യുവതാരം

ഐ.എസ്.എല്ലിൽ തങ്ങളുടെ മോശം സീസണിലും കേരള ബ്ലാസ്റ്റേഴ്സിന് ആശ്വസിക്കാൻ ഒരു കാര്യം. കേരള ബ്ലാസ്റ്റേഴ്സിന്റെ ഈ കൊല്ലാത്തെ കണ്ടെത്തലായ സഹൽ അബ്ദുൽ സമ്മദിനെ ഐ.എസ്.എല്ലിന്റെ ഈ സീസണിലെ എമേർജിങ് പ്ലേയർ ആയി തിരഞ്ഞെടുത്തു. ഈ സീസണിൽ കേരള ബ്ലാസ്റ്റേഴ്സിന് വേണ്ടി പുറത്തെടുത്ത മികച്ച പ്രകടനമാണ് സഹലിനെ അവാർഡിന് അർഹനാക്കിയത്.

ഈ സീസണിൽ കേരള ബ്ലാസ്റ്റേഴ്‌സ് തകർന്നൊടിഞ്ഞപ്പോഴെല്ലാം സഹൽ അബ്ദുൽ സമദ് മികച്ച പ്രകടനം പുറത്തെടുത്തിരുന്നു. ഈ സീസണിൽ സഹലിന്റെ മികച്ച പ്രകടനം താരത്തെ ഇന്ത്യൻ അണ്ടർ 23 ടീമിലും ഏഷ്യൻ കപ്പിനുള്ള ഇന്ത്യയുടെ സീനിയർ ടീമിന്റെ ക്യാമ്പിലും സഹൽ എത്തിയിരുന്നു. ചെന്നൈയിന് എതിരെ സഹൽ ഐ.എസ്.എല്ലിൽ തന്റെ ആദ്യ ഗോളും നേടിയിരുന്നു. കേരള ബ്ലാസ്റ്റേഴ്‌സ് ആരാധകർ സഹലിനെ കേരള ബ്ലാസ്റ്റേഴ്സിന്റെ ഓസിൽ എന്നായിരുന്നു വിളിച്ചിരുന്നത്

ഡേവിഡ് ജെയിംസിനെ പ്രകീർത്തിച്ച് കേരള ബ്ലാസ്റ്റേഴ്‌സ് താരം സഹൽ

കേരള ബ്ലാസ്റ്റേഴ്‌സ് പരിശീലകൻ ഡേവിഡ് ജെയിംസിനെ പ്രകീർത്തിച്ച് ബ്ലാസ്റ്റേഴ്‌സ് താരം സഹൽ അബ്ദുൽ സമദ്. ഡേവിഡ് ജെയിംസ് മികച്ചൊരു പരിശീലകനാണെന്നും മുൻപ് ഒരു മികച്ച ഫുട്ബോൾ താരമായിരുന്നെന്നും സഹൽ പറഞ്ഞു. കേരള ബ്ലാസ്റ്റേഴ്സിന്റെ ആദ്യ രണ്ടു മത്സരങ്ങളിലും ആദ്യ പതിനൊന്നിൽ സ്ഥാനം നേടാൻ സഹലിന് ആയിരുന്നു. ഇതിനു പിന്നാലെയാണ് ഡേവിഡ് ജെയിംസിനെ പ്രകീർത്തിച്ച് സഹൽ രംഗത്തെത്തിയത്.

ടീമിലെ ഏതു ഒരാൾക്കും ഇപ്പോഴും സമീപിക്കാവുന്ന ഒരാളാണ് ഡേവിഡ് ജെയിംസ് എന്നും യുവതാരങ്ങൾക്ക് മികച്ച പിന്തുണയാണ് നൽകുന്നതെന്നും സഹൽ പറഞ്ഞു. ടീമിൽ സീനിയർ ജൂനിയർ എന്ന വ്യത്യാസം ഇല്ലെന്നും ഡേവിഡ് ജെയിംസ് എല്ലാ താരങ്ങളെയും ഒരുപോലെയാണ് പരിഗണിക്കുന്നതെന്നും സഹൽ കൂട്ടിച്ചേർത്തു.

കഴിഞ്ഞ ദിവസം ഡേവിഡ് ജെയിംസും സഹലിനെ പ്രകീർത്തിച്ച് രംഗത്തെത്തിയിരുന്നു. സഹൽ പ്രീ സീസണിൽ കാഴ്ചവെച്ച മികച്ച പ്രകടനം കൊണ്ടാണ് ടീമിൽ എത്തിയതെന്നും നല്ല ഭാവിയുള്ള താരമാണ് സഹൽ എന്നും ഡേവിഡ് ജെയിംസ് പറഞ്ഞിരുന്നു.