Tag: Rasmus Højlund

ഡെൻമാർക്കിന്റെ യുവേഫ നേഷൻസ് ലീഗ് ക്വാർട്ടർ ഫൈനൽ ആദ്യ പാദ മത്സരത്തിനിടെ തന്റെ ഐക്കണിക് സിയു സെലിബ്രേഷൻ അനുകരിച്ച റാസ്മസ് ഹൊയ്ലുണ്ടിനെ വിമർശിക്കാതെ ക്രിസ്റ്റ്യാനോ റൊണാൾഡോ.

“ഹൊയ്ലുണ്ട് എന്റെ ആഘോഷം നടത്തുന്നത് ഒരു പ്രശ്‌നമല്ല. അത് അനാദരവ് കൊണ്ടല്ലെന്ന് എനിക്കറിയാം. അദ്ദേഹം മാത്രമല്ല, എല്ലാ കായിക ഇനങ്ങളിലും എന്നെപ്പോലെ ആഘോഷിക്കുന്ന ആളുകളുണ്ടെന്ന് ഞാൻ മനസ്സിലാക്കുന്നു. നാളെ അദ്ദേഹം എന്റെ ആഘോഷം കാണുമെന്ന് ഞാൻ പ്രതീക്ഷിക്കുന്നു!”

ആദ്യ പാദത്തിൽ ഹൊയ്ലുണ്ട് നേടിയ ഗോളിൽ ഡെന്മാർക്ക് വിജയിച്ചിരുന്നു. രണ്ടാം പാദത്തിൽ തിരികെ വന്ന് സെമി ഉറപ്പാക്കാൻ ആകും എന്ന് റൊണാൾഡോ പറഞ്ഞു.

മൂന്ന് മാസത്തിന് ശേഷം തന്റെ ആദ്യ ഗോൾ നേടിയ റാസ്മസ് ഹൊയ്ലുണ്ട് ഗോൾ വരൾച്ച അവസാനിപ്പിച്ചതിൽ ആശ്വാസം പ്രകടിപ്പിച്ചു. അറ്റലാന്റയിൽ നിന്ന് 72 മില്യൺ പൗണ്ടിന് കഴിഞ്ഞ സീസണിൽ മാഞ്ചസ്റ്റർ യുണൈറ്റഡിൽ എത്തിയ ഹൊയ്ലുണ്ട് ഇതുവരെ മാഞ്ചസ്റ്റർ യുണൈറ്റഡിൽ താളം കണ്ടെത്തിയിട്ടില്ല. അവസാന 21 മത്സരങ്ങളിൽ ഹൊയ്ലുണ്ടിന്റെ ആദ്യ ഗോളായിരുന്നു ഇത്.

“ഗോൾ നേടിയതിൽ എനിക്ക് വളരെ സന്തോഷമുണ്ട്, അത് എനിക്ക് വളരെയധികം ആത്മവിശ്വാസം നൽകുന്നു,” ഹൊയ്ലുണ്ട് പറഞ്ഞു.

“എന്റെ പ്രകടനങ്ങൾ ആണ് വിമർശത്തിന് കാരണമാകുന്നത്. ഞാൻ ആഗ്രഹിച്ചതുപോലെ എന്റെ കളിയിൽ എനിക്ക് മികച്ച പ്രകടനം കാഴ്ചവയ്ക്കാൻ ഇതുവരെ കഴിഞ്ഞിട്ടില്ലെന്ന് ഞാൻ കരുതുന്നു, പുതിയ സംവിധാനവുമായും പുതിയ പൊസിഷനുകളുമായും ഞങ്ങൾ ഇപ്പോഴും പൊരുത്തപ്പെടുന്നു. പക്ഷേ, ഞാൻ അടുത്തിടെ മെച്ചപ്പെട്ടു വരികയാണെന്ന് ഞാൻ കരുതുന്നു.” – ഹൊയ്ലുണ്ട് പറഞ്ഞു.

അമോറിമിന്റെ മാഞ്ചസ്റ്റർ യുണൈറ്റഡ് വിജയ വഴിയിലേക്ക് തിരിച്ചുവന്നു. ഇന്ന് യൂറോപ്പ ലീഗിൽ ചെക്ക് റിപബ്ലിക്കിൽ നടന്ന മത്സരത്തിൽ വിക്ടോറിയ പ്ലസനെ ഒന്നിനെതിരെ രണ്ടു ഗോളുകൾക്ക് ആണ് മാഞ്ചസ്റ്റർ യുണൈറ്റഡ് പരാജയപ്പെടുത്തിയത്. സബ്ബായി എത്തി ഇരട്ട ഗോൾ നേടിയ ഹൊയ്ലുണ്ട് ആണ് മാഞ്ചസ്റ്റർ യുണൈറ്റഡ് ഹീറോ ആയത്.

ഇന്ന് വളരെ വിരസമായ ആദ്യ പകുതിയാണ് കാണാൻ ആയത്. ഇരു ടീമും കാര്യമായ അവസരങ്ങൾ സൃഷ്ടിച്ചില്ല. രണ്ടാം പകുതിയിൽ മാഞ്ചസ്റ്റർ യുണൈറ്റഡ് കീപ്പർ ഒനാനയുടെ ഒരു പിഴവ് വിക്ടോറിയ പ്ലസന് ഗോൾ സമ്മാനിച്ചു. വൈദ്രയാണ് ഗോൾ നേടിയത്.

ഈ ഗോളിന് ശേഷം അമോറിം ഹൊയ്ലുണ്ടിനെ ഉൾപ്പെടെ നിരവധി അറ്റാക്കിംഗ് മാറ്റങ്ങൾ വരുത്തി. ഈ മാറ്റങ്ങൾ ഫലം കാണുകയും ചെയ്തു. 62ആം മിനുട്ടിൽ ഹൊയ്ലുണ്ട് യുണൈറ്റഡിന് സമനില നൽകി. അമദിന്റെ ഒരു ഷോട്ട് പ്ലസൻ കീപ്പർ തടഞ്ഞപ്പോൾ റീബൗണ്ടിൽ ഹൊയ്ലുണ്ട് ലക്ഷ്യം കാണുക ആയിരുന്നു.

യുണൈറ്റഡ് ഇതിനു ശേഷം വിജയ ഗോളിനായി ശ്രമിച്ചു. 88ആം മിനുട്ടിൽ ഒരു ഫ്രീകിക്കിൽ നിന്ന് ബ്രൂണോ ഫെർണാണ്ടസ് ഹൊയ്ലുണ്ടിനെ കണ്ടെത്തി. ഹൊയ്ലുണ്ടിന്റെ ഇടം കാലബ് ഫിനിഷ് മാഞ്ചസ്റ്റർ യുണൈറ്റഡിന്റെ വിജയം ഉറപ്പിച്ചു.

ഈ വിജയത്തോടെ മാഞ്ചസ്റ്റർ യുണൈറ്റഡ് 6 മത്സരങ്ങളിൽ നിന്ന് 12 പോയിന്റുമായി അഞ്ചാം സ്ഥാനത്തേക്ക് എത്തി.