ഹിമാച്ചല് പ്രദേശിനെതിരെ 35 റണ്സ് ജയം നേടി പഞ്ചാബ്. യുവ താരം ശുഭ്മന് ഗില്ലിനൊപ്പം യുവരാജ് സിംഗും മന്ദീപ് സിംഗും ഗുര്കീരത് സിംഗ് മന്നും നേടിയ റണ്സുകളുടെ ബലത്തില് 290 റണ്സ് നേടിയ പഞ്ചാബ് എതിരാളികളെ 255 റണ്സിനു ഓള്ഔട്ട് ആക്കിയാണ് ഈ വിജയം നേടിയത്.
115 റണ്സ് നേടി ഗില്ലിനൊപ്പം യുവരാജ് 48 റണ്സും മന്ദീപ്(39), ഗുര്കീരത്(31) എന്നിവരും ചേര്ന്നപ്പോള് പഞ്ചാബ് 50 ഓവറില് നിന്ന് 7 വിക്കറ്റ് നഷ്ടത്തില് 290 റണ്സ് നേടുകയായിരുന്നു. ഹിമാച്ചലിനു വേണ്ടി ഋഷി ധവാന് മൂന്ന് വിക്കറ്റ് നേടി.
പ്രശാന്ത് ചോപ്ര(95), അന്കുഷ് ബൈന്സ്(56) എന്നിവരുടെ പോരാട്ട വീര്യത്തിനു പിന്തുണ നല്കുവാന് മറ്റു താരങ്ങള്ക്ക് കഴിയാതെ പോയതാണ് ഹിമാച്ചലിനു തിരിച്ചടിയായത്. 48.3 ഓവറില് ടീം 255 റണ്സിനു ഓള്ഔട്ട് ആവുകയായിരുന്നു. സിദ്ധാര്ത്ഥ് കൗള് 4 വിക്കറ്റ് നേടി പഞ്ചാബ് ബൗളര്മാരില് മികവ് തെളിയിച്ചപ്പോള് ആര്ഷദീപ് സിംഗ് രണ്ടും മന്പ്രീത് ഗോണി, മയാംഗ് മാര്ക്കണ്ടേ, ഗുര്കീരത് സിംഗ് മന് എന്നിവര് ഓരോ വിക്കറ്റും നേടി.
