Tag: PR Sreejesh

മലേഷ്യയിൽ നടക്കുന്ന 12-ാമത് സുൽത്താൻ ഓഫ് ജോഹർ കപ്പിനുള്ള 18 അംഗ ജൂനിയർ പുരുഷ ഹോക്കി ടീമിനെ ഹോക്കി ഇന്ത്യ പ്രഖ്യാപിച്ചു. ഹോക്കി ഇതിഹാസം ശ്രീജേഷ് ആണ് ടീമിന്റെ ഹെഡ് കോച്ച്. അമീർ അലി ക്യാപ്റ്റനായും രോഹിത് ഉപനായകനായും പ്രവർത്തിക്കും. ഒക്‌ടോബർ 19ന് ജപ്പാനെതിരെയും, തുടർന്ന് ഗ്രേറ്റ് ബ്രിട്ടൻ, മലേഷ്യ, ഓസ്‌ട്രേലിയ, ന്യൂസിലാൻഡ് എന്നിവയ്‌ക്കെതിരായ മത്സരങ്ങളും ഇന്ത്യ കളിക്കും.

ഒക്‌ടോബർ 26ന് നടക്കുന്ന ഫൈനലിൽ ഇടം പിടിക്കാൻ ആണ് ഇന്ത്യ ലക്ഷ്യമിടുന്നത്.

2024 ലെ പാരീസ് ഒളിമ്പിക്‌സിൽ വെങ്കല മെഡൽ നേടിയതിന് ശേഷം വിരമിച്ച മുൻ ഗോൾകീപ്പറായ ശ്രീജേഷ് പുതിയ അധ്യായം ഹോക്കിയിൽ ഈ ടൂർണമെന്റിലൂടെ തുടങ്ങുകയാണ്‌. പരിശീലകനാവുകയാണ് തന്റെ അടുത്ത ലക്ഷ്യം എന്ന് വിരമിക്കുന്ന സമയത്ത് ശ്രീജേഷ് പറഞ്ഞിരുന്നു.

പാരീസിൽ വെങ്കല മെഡൽ നേടിയതോടെ ഇന്ത്യൻ ഹോക്കി ഇതിഹാസം ശ്രീജേഷ് ഹോക്കി കരിയർ അവസാനിപ്പിച്ചിരുന്നു. ഇപ്പോൾ ശ്രീജേഷിനോടുള്ള ആദരവിന്റെ സൂചകമായി അദ്ദേഹം അണിഞ്ഞിരുന്ന നമ്പർ 16 ജേഴ്സി റിട്ടയർ ചെയ്യാൻ ഇന്ത്യൻ ഹോക്കി തീരുമാനിച്ചു. ഇതു സംബന്ധിച്ച് ഔദ്യോഗിക പ്രഖ്യപനവും വന്നു. രണ്ട് ഒളിമ്പിക് മെഡൽ നേടുന്ന ആദ്യ മലയാളി താരമായാണ് ശ്രീജേഷ് ഹോക്കിയിൽ നിന്ന് വിരമിച്ചത്.

18 വർഷമായി ഇന്ത്യൻ ഹോക്കി ടീമിനൊപ്പം ഉള്ള താരമാണ് ശ്രേജേഷ്. അവസാന രണ്ട് ഒളിമ്പിക് മെഡൽ നേടുന്നതിലും വലിയ പങ്കുവഹിച്ച താരമാണ് ശ്രീജേഷ്.

2017 പദ്മശ്രീയും 2021ൽ ഖേൽരത്നയും ശ്രീജേഷ് സ്വന്തമാക്കിയിട്ടുണ്ട്. ഇന്ത്യക്ക് ആയി 336 മത്സരങ്ങൾ ശ്രീജേഷ് കളിച്ചു. രണ്ട് ഒളിമ്പിക്സ് മെഡൽ കൂടാതെ 3 ഏഷ്യൻ ഗെയിംസ് മെഡലും 2 കോമണ്വെൽത്ത് ഗെയിംസ് മെഡലും ശ്രീജേഷ് നേടിയിട്ടുണ്ട്.

വിരമിച്ച ഇന്ത്യൻ ഹോക്കി ഗോൾ കീപ്പർ ശ്രീജേഷ് പരിശീകൻ ആവുകയാണ് തന്റെ ഭാവി പദ്ധതി എന്ന് പറഞ്ഞു. ഇന്ത്യൻ ക്രിക്കറ്റ് ഇതിഹാസം രാഹുൽ ദ്രാവിഡിനെ പോലെ തുടക്കത്തിൽ യുവതാരങ്ങളെ വളർത്തുന്നതിൽ ആകും ശ്രദ്ധ എന്നും ഭാവിയിൽ ഇന്ത്യൻ ടീമിനെ പരിശീലിപ്പിക്കണം എന്നുൻ ശ്രീജേഷ് പറഞ്ഞു.

“എനിക്ക് ഒരു പരിശീലകനാകണം. അതായിരുന്നു എൻ്റെ പ്ലാൻ, എന്നാൽ ഇപ്പോൾ എപ്പോഴാണ് എന്നൊരു ചോദ്യമുണ്ട്. റിട്ടയർമെൻ്റിന് ശേഷം കുടുംബമാണ് ആദ്യം വരുന്നത്” ശ്രീജേഷ് പിടിഐയോട് പറഞ്ഞു.

“ഞാൻ ആഗ്രഹിച്ച വഴി ജൂനിയർ താരങ്ങളിൽ നിന്ന് ആരംഭിക്കുക എന്നതാണ്, രാഹുൽ ദ്രാവിഡ് ഒരു ഉദാഹരണമാണ്. നിങ്ങൾ ഒരു കൂട്ടം കളിക്കാരെ വികസിപ്പിക്കുകയും അവരെ സീനിയർ ടീമിൽ എത്തിക്കുകയും ചെയ്യുക.” അദ്ദേഹം പറഞ്ഞു.

“ഞാൻ ഈ വർഷം ആരംഭിക്കും. 2025 ൽ ഞങ്ങൾക്ക് ജൂനിയർ ലോകകപ്പുണ്ട്, രണ്ട് വർഷത്തിനുള്ളിൽ സീനിയർ ടീം ലോകകപ്പ് കളിക്കും. അതിനാൽ, 2028 ഓടെ എനിക്ക് 20 അല്ലെങ്കിൽ 40 കളിക്കാരെ സൃഷ്ടിക്കാൻ കഴിയണം.,2029 ഓടെ എനിക്ക് സീനിയർ ടീമിൽ 15-20 കളിക്കാരെ ഉൾപ്പെടുത്താം ആകണം, 2030-ഓടെ സീനിയർ ടീമിൽ ഏതാണ്ട് 30-35 കളിക്കാർ ഉണ്ടാകണം.” ശ്രീജേഷ് ആഗ്രഹം പറഞ്ഞു.

“2032-ൽ ചീഫ് കോച്ച് സ്ഥാനത്തിന് ഞാൻ തയ്യാറാകും. 2036 ഒളിമ്പിക് ഗെയിംസിന് ഇന്ത്യ ആതിഥേയത്വം വഹിക്കുകയാണെങ്കിൽ, അന്ന് ഇന്ത്യയുടെ പരിശീലകനാകാൻ ഞാൻ ആഗ്രഹിക്കുന്നു,” ശ്രീജേഷ് കൂട്ടിച്ചേർത്തു.

ഇന്ന് ഭുവനേശ്വറിൽ നടന്ന എഫ്ഐഎച്ച് പ്രോ ലീഗിൽ മലയാളി ഗോൾ കീപ്പർ ശ്രീജേഷിന്റെ മികവിൽ ഇന്ത്യക്ക് വിജയം. ഇന്ന് നെതർലന്റ്സിനെ ഷൂട്ട് ഔട്ടിൽ 4-2ന് ഇന്ത്യ തോൽപ്പിച്ചപ്പോൾ ശ്രീജേഷ് ആയിരുന്നു ഹീറോ ആയത്‌ ലോക ഒന്നാം നമ്പർ ഹോക്കി ടീമായ നെതർലൻഡ്‌സിനെതിരായ വിജയം ഇന്ത്യക്ക് ലീഗിൽ വലിയ ഊർജ്ജം നൽകും.

പിആർ ശ്രീജേഷ് ഷൂട്ടൗട്ടിൽ നിർണായക മൂന്ന് സേവുകൾ ആണ് നടത്തിയത്. നിശ്ചിത സമയത്ത് മത്സരം 2-2ന് എന്ന സ്കോറിനായിരുന്നു അവസാനിച്ചത്. ഇന്ത്യക്ക് ഈ വിജയം 2 ബോണസ് പോയിൻ്റുകൾ ഉറപ്പാക്കി.

ഇന്ന് 13ആം മിനുട്ടിക് ഹാർദിക് സിംഗും ഹർമൻപ്രീതും ആണ് ഇന്ത്യക്ക് ആയി ഗോൾ നേടിയത്. ജിപ് ജാൻസൻ, കോയിൻ ബിഹെൻ എന്നിവർ നെതർലൻഡ്‌സിനായി ഗോൾ കണ്ടെത്തി. ഫെബ്രുവരി 15ന് ഓസ്‌ട്രേലിയക്കെതിരെയാണ് ഇന്ത്യയുടെ അടുത്ത മത്സരം.

FIH പ്രൊലീഗിന്റെ രണ്ടാം പാദത്തില്‍ ഇന്ത്യയ്ക്ക് വിജയം. നിശ്ചിത സമയത്ത് ഇരു ടീമുകളും 2-2 എന്ന സ്കോറിന് സമനില പാലിച്ചപ്പോള്‍ ഷൂട്ടൗട്ടില്‍ ഇന്ത്യ 3-1ന്റെ വിജയം കരസ്ഥമാക്കുകയായിരുന്നു. മത്സരത്തിന്റെ ആദ്യ പകുതിയില്‍ ഇന്ത്യ 2-1ന് മുന്നിലായിരുന്നു. 23ാം മിനുട്ടില്‍ ഓസ്ട്രേലിയയെ ട്രെന്റ് മിട്ടണ്‍ മുന്നിലെത്തിച്ചപ്പോള്‍ രണ്ട് മിനുട്ടിനുള്ളില്‍ രൂപീന്ദര്‍ സിംഗിലൂടെ ഇന്ത്യ സമനില കണ്ടെത്തി. 27ാം മിനുട്ടില്‍ ഹര്‍മ്മന്‍പ്രീത് സിംഗ് ഇന്ത്യയെ മുന്നിലെത്തിച്ചു.

രണ്ടാം പകുതിയില്‍ 46ാം മിനുട്ടിലാണ് അരന്‍ സാല്‍േവസ്കി ഓസ്ട്രേലിയയുടെ സമനില ഗോള്‍ കണ്ടെത്തിയത്. ഷൂട്ടൗട്ടില്‍ ഓസ്ട്രേലിയയ്ക്ക് വേണ്ടി ഡാനിയേല്‍ ബേല്‍ മാത്രമാണ് ഗോള്‍ കണ്ടെത്തിയത്. ടിം ബ്രാന്‍ഡ്, നഥാന്‍ എഫാര്‍മസ്, ജേക്ക് ഹാര്‍വി എന്നിവരുടെ ശ്രമങ്ങള്‍ ശ്രീജിത്ത് തടയുകയായിരുന്നു.

ഇന്ത്യയ്ക്കായി ഹര്‍മ്മന്‍പ്രീത് സിംഗ്, വിവേക് പ്രസാദ്, ലളിത് ഉപാധ്യായ എന്നിവര്‍ ഷൂട്ടൗട്ടില്‍ ഗോളുകള്‍ കണ്ടെത്തി.