Tag: Pep Guardiola

മാഞ്ചസ്റ്റർ സിറ്റിയുടെ പരിശീലകനായ പെപ് ഗ്വാർഡിയോള ഒരു സുപ്രധാന നാഴികക്കല്ലിനരികിലാണ്. ഒരു പ്രൊഫഷണൽ ഫുട്ബോൾ മാനേജരെന്ന നിലയിലുള്ള അദ്ദേഹത്തിന്റെ 1,000-ാം മത്സരം ഈ ഞായറാഴ്ച നടക്കും. സിറ്റി ഈ മത്സരത്തിൽ ലിവർപൂളിനെ ആണ് നേരിടുന്നത്.

2007-ൽ ബാഴ്സലോണ ബി-യോടൊപ്പം തന്റെ പരിശീലക ജീവിതം ആരംഭിച്ചതു മുതൽ, 12 ആഭ്യന്തര ലീഗ് കിരീടങ്ങളും മൂന്ന് ചാമ്പ്യൻസ് ലീഗ് ട്രോഫികളും നേടി ഫുട്ബോളിലെ ഏറ്റവും വിജയകരമായ മാനേജർമാരിൽ ഒരാളായി ഗ്വാർഡിയോള മാറി.

999 മത്സരങ്ങളിൽ നിന്ന് 715 വിജയങ്ങൾ എന്ന മഹത്തായ റെക്കോർഡ് ഗ്വാർഡിയോളക്ക് ഉണ്ട്.

മാഞ്ചസ്റ്റർ സിറ്റി തങ്ങളുടെ പ്രീമിയർ ലീഗ് കാമ്പെയ്‌ൻ വോൾവർഹാംപ്ടൺ വാണ്ടറേഴ്‌സിനെ 4-0ന് തകർത്ത് ആധികാരികമായി ആരംഭിച്ചെങ്കിലും, ഈ വിജയത്തെ മാത്രം വെച്ച് ടീമിന്റെ പ്രകടനം വിലയിരുത്തരുതെന്ന് മാനേജർ പെപ് ഗ്വാർഡിയോള മുന്നറിയിപ്പ് നൽകി.

മൊളിന്യൂവിൽ വെച്ച് “സിറ്റി തിരിച്ചെത്തി” എന്ന് എവേ ആരാധകർ ആർപ്പുവിളിച്ചെങ്കിലും, കഴിഞ്ഞ സീസണിൽ മൂന്നാം സ്ഥാനത്ത് ഫിനിഷ് ചെയ്ത ടീം പഴയ ആധിപത്യത്തിലേക്ക് ഒരു പ്രകടനം കൊണ്ട് മാത്രം തിരികെ വന്നുവെന്ന് പറയാനാകില്ലെന്ന് ഗ്വാർഡിയോള ഊന്നിപ്പറഞ്ഞു.

“കഴിഞ്ഞ സീസണും ഞങ്ങൾ ചെൽസിക്കെതിരെ ഒരു വിജയം നേടിയാണ് തുടങ്ങിയത്, എന്നിട്ട് പിന്നീട് എന്ത് സംഭവിച്ചുവെന്ന് നോക്കൂ,” ഗ്വാർഡിയോള സ്കൈ സ്പോർട്സിനോട് പറഞ്ഞു. “ഇതൊരു ആദ്യ മത്സരം മാത്രമാണ്. ഇനിയും ഒരുപാട്, ഒരുപാട് പോയിന്റുകൾ നേടാനുണ്ട്.”

പുതിയ കളിക്കാരെ ഗ്വാർഡിയോള പ്രശംസിച്ചെങ്കിലും, നിലവിൽ ടീമിൽ കളിക്കാർ അധികമാണെന്നും അദ്ദേഹം സമ്മതിച്ചു. “ഇത്രയധികം കളിക്കാർ ഉള്ളത് നല്ലതല്ല – എല്ലാ ആഴ്ചയും ആളുകളെ വീട്ടിലിരുത്തിയാൽ ഒരു നല്ല അന്തരീക്ഷം ഉണ്ടാക്കാൻ കഴിയില്ല,” അദ്ദേഹം പറഞ്ഞു. ട്രാൻസ്ഫർ വിൻഡോ അവസാനിക്കുന്നതിന് മുമ്പ് ടീമിന്റെ എണ്ണം കുറയ്ക്കുന്നതിനായി കളിക്കാരുമായും ഏജന്റുമാരുമായും ചർച്ചകൾ നടന്നുകൊണ്ടിരിക്കുകയാണെന്ന് സിറ്റി ബോസ് സ്ഥിരീകരിച്ചു.

മാഞ്ചസ്റ്റർ സിറ്റിയിലെ തന്റെ കരാർ അവസാനിച്ചാൽ ഫുട്ബോൾ മാനേജ്‌മെന്റിൽ നിന്ന് മാറിനിൽക്കുമെന്ന് പെപ് ഗ്വാർഡിയോള സ്ഥിരീകരിച്ചു. ഈ ഇടവേള 15 വർഷം വരെ നീണ്ടുനിന്നേക്കാമെന്നും അദ്ദേഹം സൂചിപ്പിച്ചു. 2027 വരെ സിറ്റിയുമായി കരാറുള്ള 54 വയസ്സുകാരനായ സ്പാനിഷ് പരിശീലകൻ, ജിക്യു സ്‌പെയിനിന് നൽകിയ അഭിമുഖത്തിൽ, ക്ലബ്ബിലെ തൻ്റെ വളരെ വിജയകരമായ കാലഘട്ടത്തിന് ശേഷം പരിശീലക കരിയറിന് താൽക്കാലിക വിരാമമിടാൻ താൻ “തീരുമാനിച്ചു കഴിഞ്ഞു” എന്ന് വെളിപ്പെടുത്തി.

2016-ൽ സിറ്റിയിൽ ചേർന്നതുമുതൽ, ആറ് പ്രീമിയർ ലീഗ് കിരീടങ്ങൾ, ഒരു ചാമ്പ്യൻസ് ലീഗ്, ലോകതലത്തിലെ വിജയങ്ങൾ എന്നിവയുൾപ്പെടെ 18 പ്രധാന ട്രോഫികളിലേക്ക് ഗ്വാർഡിയോള അവരെ നയിച്ചു. 2024-25 സീസണിൽ ഒരു കിരീടവും നേടാനായില്ലെങ്കിലും, മൂന്നാം സ്ഥാനത്ത് ഫിനിഷ് ചെയ്യുകയും എഫ്എ കപ്പ് ഫൈനലിൽ എത്തുകയും ചെയ്തത് അഭിനന്ദനാർഹമാണെന്ന് അദ്ദേഹം പറഞ്ഞു.

മാനേജ്‌മെന്റിന്റെ സമ്മർദ്ദങ്ങൾ തന്നെ തളർത്തിയിട്ടുണ്ടെന്ന് ഗ്വാർഡിയോള സമ്മതിച്ചു. വർഷങ്ങളായുള്ള കടുത്ത സമ്മർദ്ദങ്ങൾക്കും വിജയങ്ങൾക്കും ശേഷം ഈ ഇടവേള തനിക്കും തൻ്റെ ആരോഗ്യത്തിനും ശ്രദ്ധ നൽകാൻ സഹായിക്കുമെന്ന് അദ്ദേഹം പറഞ്ഞു. കഴിഞ്ഞ സീസണിലെ നിരാശ അംഗീകരിച്ച ഗ്വാർഡിയോള, ഈ വെല്ലുവിളികൾ ഭാവിയിൽ സിറ്റിയെ കൂടുതൽ ശക്തിപ്പെടുത്തുമെന്നും ഈ അനുഭവം ക്ലബ്ബിന് ദീർഘകാലാടിസ്ഥാനത്തിൽ ഗുണം ചെയ്യുമെന്നും കൂട്ടിച്ചേർത്തു.

2025-26 സീസണിൽ മാഞ്ചസ്റ്റർ സിറ്റി തങ്ങളുടെ ആദ്യ മത്സരം ഓഗസ്റ്റ് 16-ന് വോൾവ്സിനെതിരെ കളിക്കും.

പുതിയ സൈനിംഗുകൾക്ക് ശേഷം ഈ വേനൽക്കാലത്ത് ക്ലബ്ബിന് കളിക്കാരെ വിൽക്കേണ്ടി വരുമെന്ന് മാഞ്ചസ്റ്റർ സിറ്റി മാനേജർ പെപ് ഗ്വാർഡിയോള സമ്മതിച്ചു. അസന്തുഷ്ടരായ ധാരാളം കളിക്കാർ ടീമിൽ ഉണ്ടാകുന്നത് ടീമിന് മാത്രമല്ല, കളിക്കാർക്ക് തന്നെയും ദോഷകരമാണെന്നും അദ്ദേഹം പറഞ്ഞു.

അൽ ഐനെതിരായ ക്ലബ്ബ് ലോകകപ്പ് മത്സരത്തിന് മുന്നോടിയായി അറ്റ്ലാന്റയിൽ വെച്ച് സംസാരിക്കുകയായിരുന്നു ഗ്വാർഡിയോള. ടിജാനി റെയിൻഡേഴ്സ്, റയാൻ ചെർക്കി, റയാൻ ഐറ്റ്-നൂരി എന്നിവരുടെ വരവോടെ സിറ്റിയുടെ സീനിയർ സ്ക്വാഡ് 30 കളിക്കാരിലധികമായി വർദ്ധിച്ചുവെന്നും, താൻ ഇഷ്ടപ്പെടുന്ന 20 കളിക്കാർ എന്ന ഏറ്റവും അനുയോജ്യമായ സ്ക്വാഡ് വലുപ്പത്തേക്കാൾ ഇത് വളരെ കൂടുതലാണെന്നും അദ്ദേഹം സ്ഥിരീകരിച്ചു.

“ഇപ്പോൾ ഞങ്ങൾക്കുള്ള കളിക്കാരെ മുഴുവൻ സീസണിലും നിലനിർത്താൻ ഞാൻ ആഗ്രഹിക്കുന്നു,” ഗ്വാർഡിയോള പറഞ്ഞു.

“എന്നാൽ പ്രശ്നം അവർ സീസണിൽ അസന്തുഷ്ടരായിരിക്കും എന്നതാണ്… ഞാൻ അവർക്ക് വേണ്ടിയാണ് ഇത് ചെയ്യുന്നത്, എനിക്ക് വേണ്ടിയല്ല. അവർ സങ്കടപ്പെടും, അവർ നിരാശരാകും.”

ടർക്കിഷ് ക്ലബ്ബായ ഗലാറ്റസറെയുമായി ബന്ധപ്പെട്ട ഇൽക്കേ ഗുണ്ടോഗൻ ഉൾപ്പെടെയുള്ള സീനിയർ കളിക്കാർ ക്ലബ്ബ് വിടാൻ ഒരുങ്ങുന്നതായി റിപ്പോർട്ടുണ്ട്.

മാഞ്ചസ്റ്റർ സിറ്റിയുടെ മോശം റൺ അവസാനിക്കുന്നില്ല. അവർ ഇന്ന് പ്രീമിയർ ലീഗിൽ എവർട്ടണോട് സമനില വഴങ്ങി. ഇത്തിഹാദിൽ നടന്ന മത്സരത്തിൽ 1-1 എന്ന സ്കോറിലാണ് കളി അവസാനിച്ചത്. എർലിംഗ് ഹാളണ്ട് പെനാൽറ്റി നഷ്ടപ്പെടുത്തിയത് ഇന്ന് അവർക്ക് തിരിച്ചടിയായി.

അവസാന 13 മത്സരങ്ങളിൽ മാഞ്ചസ്റ്റർ സിറ്റി ഒരു മത്സരം മാത്രമാണ് വിജയിച്ചത്. ഇന്ന് നന്നായി തുടങ്ങിയ മാഞ്ചസ്റ്റർ സിറ്റി 14ആം മിനുട്ടിൽ ബെർണാഡോ സിൽവയിലൂടെ ലീഡ് നേടി. ബെർണാഡോയുടെ ഒരു ഷോട്ട് ഡിഫ്ലക്ഷനിലൂടെ വലയിൽ എത്തുക ആയിരുന്നു.

36ആം മിനുട്ടിൽ സിറ്റിയുടെ സന്തോഷം കെടുത്തി കൊണ്ട് എവർട്ടൺ സമനില നേടി. എൻഡിയായെയിലൂടെ ആയിരുന്നു എവർട്ടന്റെ സമനില. ആദ്യ പകുതി 1-1 എന്ന് അവസാനിച്ചു. രണ്ടാം പകുതിയിൽ 53ആം മിനുട്ടിൽ സിറ്റിക്ക് അനുകൂലമായി പെനാൽറ്റി ലഭിച്ചു. എന്നാൽ അത് ലക്ഷ്യത്തിൽ എത്തിക്കാൻ ഹാളണ്ടിനായില്ല. സ്കോർ 1-1 എന്ന നിലയിൽ തുടർന്നു.

സിറ്റി ഡിബ്രുയിനെയെ അടക്കം കളത്തിൽ എത്തിച്ച് വിജയ ഗോളിനായി ശ്രമിച്ചെങ്കിലും ഫലമുണ്ടായില്ല. ഈ സമനിലയോടെ സിറ്റി 28 പോയിന്റുമായി 7ആം സ്ഥാനത്ത് നിൽക്കുകയാണ്. 17 പോയിന്റുള്ള എവർട്ടൺ 15ആം സ്ഥാനത്തും നിൽക്കുന്നു.

ഇത്തിഹാദ് സ്റ്റേഡിയത്തിൽ മാഞ്ചസ്റ്റർ യുണൈറ്റഡിനോട് 2-1 ന് തോറ്റതിന് ശേഷം സംസാരിച്ച പെപ് ഗ്വാർഡിയോള തൻ്റെ ടീമിൻ്റെ പരാജയങ്ങളുടെ ഉത്തരവാദിത്തം എറ്റെടുക്കുന്നതായി പറഞ്ഞു. ഈ തോൽവി അവരുടെ അവസാന 11 മത്സരങ്ങളിൽ സിറ്റിയുടെ എട്ടാം തോൽവിയാണ് . ഈ കാലയളവിൽ ഒരു ജയം മാത്രമെ അവർക്കുള്ളൂ‌.

“ഞാനാണ് ഈ ഫലങ്ങളുടെ ഉടമ. ഞാനാണ് മാനേജർ. എനിക്കൊരു പരിഹാരം കാണണം. ഞാൻ പോര. ഞാൻ നന്നായി ചെയ്യുന്നില്ല; അതാണ് സത്യം,” മത്സരശേഷം ഗാർഡിയോള പറഞ്ഞു.

സിറ്റി നേരത്തെ ലീഡ് നേടിയെങ്കിലും പ്രതിരോധത്തിലെ വീഴ്ചകളാൽ പരാജയപ്പെടുകയായിരുന്നു, ഈ സീസണിൽ അവരുടെ സ്ഥിരം ഒരു പ്രശ്നമാണ് ഇത്. തങ്ങളുടെ മോശം പ്രകടനങ്ങൾക്ക് ടീമിൻ്റെ സംയമനത്തിൻ്റെയും ഉത്തരവാദിത്തത്തിൻ്റെയും അഭാവം ഗാർഡിയോള ചൂണ്ടിക്കാട്ടി.

“അധികം പറയാനില്ല. പ്രതിരോധമില്ല, അവർ [മാഞ്ചസ്റ്റർ യുണൈറ്റഡ്] അവിശ്വസനീയമാംവിധം സ്ഥിരത പുലർത്തി. രണ്ട് സീസണുകളിലായി എട്ട് മത്സരങ്ങൾ ഞങ്ങൾ തോറ്റിട്ടില്ല. ഞങ്ങൾക്ക് അതിനെ പ്രതിരോധിക്കാൻ കഴിയില്ല, ”അദ്ദേഹം സമ്മതിച്ചു.

“തുടക്കത്തിൽ ഇതൊരു കഠിനമായ സീസണായിരിക്കുമെന്ന് എനിക്കറിയാമായിരുന്നു, പക്ഷേ ഇത് ഇത്രയും ബുദ്ധിമുട്ടായിരിക്കുമെന്ന് ഞാൻ കരുതിയിരുന്നില്ല.” വ്യക്തിഗത തെറ്റുകളിൽ ശ്രദ്ധ കേന്ദ്രീകരിക്കുന്നതിനുപകരം കൂട്ടായ പരിശ്രമത്തിൽ നിന്നാണ് പുരോഗതി ഉണ്ടാകേണ്ടതെന്ന് അദ്ദേഹം ഊന്നിപ്പറഞ്ഞു.

മാഞ്ചസ്റ്റർ സിറ്റിയിലെ തൻ്റെ കാലാവധിക്കുശേഷം മറ്റൊരു ക്ലബിനെയും പരിശീലിപ്പിക്കാൻ ഉദ്ദേശിക്കുന്നില്ലെന്ന് പെപ് ഗാർഡിയോള വെളിപ്പെടുത്തി, ഒരു പുതിയ പ്രോജക്റ്റ് ആരംഭിക്കാനുള്ള ഊർജ്ജം തനിക്കില്ല എന്ന് അദ്ദേഹം ചൂണ്ടിക്കാട്ടി. യുവൻ്റസിനെതിരായ സിറ്റിയുടെ ചാമ്പ്യൻസ് ലീഗ് പോരാട്ടത്തിന് മുന്നോടിയായി സംസാരിക്കുക ആയിരുന്നു ഗ്വാർഡിയോള. ഭാവിയിൽ ഒരു ദേശീയ ടീമിനെ പരിശീലിപ്പിക്കുന്നത് പരിഗണിക്കുന്നു എന്നും എന്നാൽ, മറ്റൊരു ക്ലബ് റോൾ ഏറ്റെടുക്കുക ഇല്ലെന്നും അദ്ദേഹം പറഞ്ഞു.

2027 വരെ രണ്ട് വർഷത്തെ കരാർ നീട്ടിയ മാഞ്ചസ്റ്റർ സിറ്റി മാനേജർ, ക്ലബ് മാനേജ്‌മെൻ്റിൻ്റെ ദൈനംദിന കാര്യങ്ങൾ തന്നെ ക്ഷീണതനാക്കുന്നു എന്ന് പറഞ്ഞു.

“ഞാൻ മറ്റൊരു ടീമിനെ നിയന്ത്രിക്കാൻ പോകുന്നില്ല,” ഗാർഡിയോള പറഞ്ഞു. “എനിക്ക് മറ്റെവിടെയെങ്കിലും വീണ്ടും ആരംഭിക്കാനുള്ള ഊർജ്ജം ഉണ്ടാകില്ല. ഒരുപക്ഷേ ഒരു ദേശീയ ടീമിനെ പരിശീലിപ്പിക്കാം, പക്ഷേ അത് വ്യത്യസ്തമാണ്. ഞാൻ ഒന്ന് നിർത്തിയ ശേഷം, ചിന്തിക്കണം, ഞങ്ങൾ എന്താണ് നന്നായി ചെയ്തുവെന്നും എവിടെയൊക്കെ മെച്ചപ്പെടാമെന്നും കാണണം. ചിലപ്പോൾ, നിങ്ങൾക്ക് സമയം വേണം.” പെപ് പറഞ്ഞു.

ഈ സീസണിൽ മാഞ്ചസ്റ്റർ സിറ്റിയുടെ മോശം ഫോമിനെ തുടർന്ന് ഗാർഡിയോളയുടെ ഭാവിയെക്കുറിച്ചുള്ള ഊഹാപോഹങ്ങൾക്കിടയിലാണ് ഗാർഡിയോളയുടെ പ്രസ്താവന.