Murugan CC News in Malayalam

ടെക്നോപാര്‍ക്ക് പ്രീമിയര്‍ ലീഗ് ഒന്നാം ഘട്ടം അവസാനിക്കുന്നു, ഇനി എലിമിനേഷന്‍ റൗണ്ട്

ടെക്നോപാര്‍ക്ക് പ്രീമിയര്‍ ലീഗിന്റെ ഒന്നാം ഘട്ട മത്സരങ്ങളുടെ ഗ്രൂപ്പ് ഘട്ട മത്സരങ്ങള്‍ അവസാനിച്ചപ്പോള്‍ 33 ടീമുകള്‍ ഗ്രൂപ്പ് ജേതാക്കളായി എലിമിനേഷന്‍ റൗണ്ടിന് യോഗ്യത നേടി. ജനുവരി 26ന് ആരംഭിയ്ക്കുന്ന എലിമിനേഷന്‍ റൗണ്ടിൽ നിന്ന് 8 ടീമുകള്‍ രണ്ടാം ഘട്ടത്തിലേക്ക് യോഗ്യത നേടും.

രണ്ടാം ഘട്ട റൗണ്ടിൽ 40 ടീമുകളാണ് കഴിഞ്ഞ വര്‍ഷത്തെ പ്രകടനത്തിന്റെ അടിസ്ഥാനത്തിൽ ഇടം പിടിച്ചിരിക്കുന്നത്. അവര്‍ക്കൊപ്പം ഒന്നാം ഘട്ടത്തിൽ നിന്ന് യോഗ്യത നേടിയ 8 ടീമുകളും മാറ്റുരയ്ക്കും. ഫെബ്രുവരി 2ന് ആണ് രണ്ടാം ഘട്ട മത്സരങ്ങള്‍ ആരംഭിയ്ക്കുന്നത്.

കാത്തിരിപ്പിന് അവസാനം, ടെക്നോപാര്‍ക്ക് പ്രീമിയര്‍ ലീഗ് രജിസ്ട്രേഷന്‍ ആരംഭിച്ചു

ടെക്നോപാര്‍ക്ക് പ്രീമിയര്‍ ലീഗ് 2023-24ന്റെ രജിസ്ട്രേഷന്‍ ആരംഭിച്ചു. ടെക്നോപാര്‍ക്കുമായി ചേര്‍ന്ന് മുരുഗന്‍ ക്രിക്കറ്റ് ക്ലബ് ആണ് ഐടി ജീവനക്കാരുടെ ആവേശമായ ടൂര്‍ണ്ണമെന്റിന്റെ സംഘാടകര്‍. നവംബര്‍ 17 ആണ് രജീസ്ട്രേഷന്റെ അവസാന തീയ്യതി. മുന്‍ വര്‍ഷങ്ങളിലേതിന് സമാനമായി നൂറിലധികം കമ്പനികളിൽ നിന്നുള്ള ടീമുകള്‍ ടെക്നോപാര്‍ക്കിന്റെ ക്രിക്കറ്റ് മാമാങ്കത്തിൽ പങ്കെടുക്കുമെന്നാണ് പ്രതീക്ഷിക്കപ്പെടുന്നത്. ഡോ. എപിജെ പാര്‍ക്ക് ആണ് ഈ വര്‍ഷത്തെ ടൈറ്റിൽ സ്പോൺസര്‍മാര്‍.

കഴിഞ്ഞ വര്‍ഷത്തെ ഫൈനലില്‍ അലയന്‍സ് വൈറ്റ്സിനെ പരാജയപ്പെടുത്തി H&R ബ്ലോക്ക് ആണ് ചാമ്പ്യന്മാരായത്. രജിസ്ട്രേഷന് വേണ്ടി https://murugancricketclub.com/dr-apj-park-tpl-2023/ എന്ന ലിങ്ക് സന്ദര്‍ശിക്കുക.

മുരുഗന്‍ ക്രിക്കറ്റ് ക്ലബ്ബിനെക്കുറിച്ച്

മുന്‍ വര്‍ഷങ്ങളിലെന്ന പോലെ തിരുവനന്തപുരത്തെ പ്രമുഖ ക്രിക്കറ്റ് ക്ലബ്ബായ മുരുഗന്‍ ക്രിക്കറ്റ് ക്ലബ്ബാണ് ടെക്നോപാര്‍ക്കിനു വേണ്ടി, 110ഓളം കമ്പനികളില്‍ നിന്നുള്ള 130ല്‍ പരം ടീമുകള്‍ പങ്കെടുക്കുന്ന ടൂര്‍ണ്ണമെന്റ് നടത്തുന്നത്. മൂന്ന് മുതൽ നാല് മാസത്തോളം നീണ്ട് നില്‍ക്കുന്ന ടൂര്‍ണ്ണമെന്റ് വിജയിക്കുക എന്നത് ടെക്നോപാര്‍ക് കമ്പനികളുടെ അഭിമാനപ്പോരാട്ടമായാണ് കണക്കാക്കപ്പെടുന്നത്.

അഞ്ച് പതിറ്റാണ്ടുകള്‍ക്ക് മുമ്പ് തിരുവനന്തപുരം പുത്തന്‍ തെരുവിലെ കുറച്ച് ചെറുപ്പക്കാര്‍ ചേര്‍ന്ന് തങ്ങളുടെ ക്രിക്കറ്റ് അഭിരുചി വളര്‍ത്തുന്നതിനായി ഒത്തുകൂടുകയും, 1967ല്‍ മുരുഗന്‍ ക്രിക്കറ്റ് ക്ലബ്ബ് എന്ന പേരിലൊരു ക്രിക്കറ്റ് ക്ലബ്ബ് രൂപീകരിക്കുകയും ചെയ്യുകയായിരുന്നു.

1977 തിരുവനന്തപുരം എ ഡിവിഷനില്‍ കളിക്കുവാനാരംഭിച്ച ക്ലബ്ബ് പിന്നീടങ്ങോട്ട് കേരളത്തങ്ങോളമിങ്ങോളം നിരവധി ടൂര്‍ണ്ണമെന്റുകളില്‍ തങ്ങളുടെ മികവ് തെളിയിക്കുകയും ഒട്ടേറെ മികച്ച താരങ്ങളെ വാര്‍ത്തെടുക്കുകയും ചെയ്യുകയുണ്ടായി.
1983 അട്ടക്കുളങ്ങര ഗവ. ഹൈസ്കൂളില്‍ മാറ്റിംഗ് വിക്കറ്റില്‍ പരിശീലനമാരംഭിച്ച ക്ലബ്ബിനു പക്ഷേ 1989ല്‍ ചില സാങ്കേതിക കാരണത്താല്‍ അനുമതി നിഷേധിക്കപ്പെടുകയും മറ്റൊരു സ്ഥലം കണ്ടെത്തേണ്ടതായും വരുകയായിരുന്നു. 1997 സ്വന്തമായി സ്ഥലം വാങ്ങിയ ക്ലബ്ബ് ഒട്ടനവധി ചെറുപ്പക്കാര്‍ക്ക് പരിശീലനത്തിനുള്ള അവസരം സൃഷ്ടിക്കുകയായിരുന്നു.

സൽമാന്‍ നിസാറിന്റെ മികവിൽ BK55യ്ക്ക് വിജയം

സെലസ്റ്റിയൽ ട്രോഫിയിൽ ഇന്ന് നടന്ന മത്സരത്തിൽ BK55 കണ്ണൂരിന് വിജയം. മുരുഗന്‍ സിസി ബി ടീമിനെതിരെ 8 വിക്കറ്റ് വിജയം ആണ് ബികെ55 സ്വന്തമാക്കിയത്. ആദ്യം ബാറ്റ് ചെയ്ത മുരുഗന്‍ സിസി 27 ഓവറിൽ 125/7 എന്ന സ്കോര്‍ ആണ് നേടിയത്. 55 റൺസുമായി പുറത്താകാതെ നിന്ന വിജയ് എസ് വിശ്വനാഥ് ആണ് ടീമിനായി തിളങ്ങിയത്. ബികെ55യ്ക്കായി ശ്രീരൂപ് നാല് വിക്കറ്റ് നേടി.

ആദ്യ ഓവറുകളിൽ തന്നെ ഓപ്പണര്‍മാരെ നഷ്ടമായി 10/2 എന്ന നിലയിലേക്ക് ബികെ55യെ സൽമാന്‍ നിസാര്‍ – നീരജ് കൂട്ടുകെട്ടാണ് കൂടുതൽ വിക്കറ്റ് നഷ്ടമില്ലാതെ വിജയത്തിലേക്ക് നയിച്ചത്. 21.5 ഓവറിലാണ് ബികെ55യുടെ വിജയം.

സൽമാന്‍ നിസാര്‍ 70 റൺസും നീരജ് 41 റൺസുമാണ് നേടിയത്. സൽമാന്‍ ആണ് കളിയിലെ താരം.

ക്വസ്റ്റ് ഗ്ലോബൽ ടെക്നോപാര്‍ക്ക് വനിത ക്രിക്കറ്റ് ലീഗ് 2023 വരുന്നു, രജിസ്ട്രേഷന്‍ ആരംഭിച്ചു

ടെക്നോപാര്‍ക്കിലെ വനിത ടീമുകള്‍ക്കായുള്ള ക്രിക്കറ്റ് ടൂര്‍ണ്ണമെന്റ് വരുന്നു. ക്വസ്റ്റ് ഗ്ലോബൽ ടൈറ്റിൽ സ്പോൺസര്‍ ആയി എത്തുന്ന ടെക്നോപാര്‍ക്ക് വുമൺ ക്രിക്കറ്റ് ലീഗ് 2023ന്റെ രജിസ്ട്രേഷന്‍ ഫെബ്രുവരി 1ന് ആരംഭിച്ചു.

ഒരു ടീം രൂപീകരിക്കുവാന്‍ ചുരുങ്ങിയത് എട്ട് വനിത താരങ്ങളുണ്ടാകണം എന്നതാണ് പ്രധാന നിബന്ധന. രജിസ്ട്രേഷനും കൂടുതൽ വിവരങ്ങള്‍ക്കുമാി https://murugancricketclub.com/twcl-2023/ എന്ന ലിങ്ക് സന്ദര്‍ശിക്കുക.

മുരുഗൻ ക്രിക്കറ്റ് ക്ലബ് ആണ് ഈ ടൂര്‍ണ്ണമെന്റിന്റെയും സംഘാടകര്‍. മുരുഗന്‍ ക്രിക്കറ്റ് ക്ലബിന്റെ കീഴിൽ ക്വസ്റ്റ് ഗ്ലോബൽ ടെക്നോപാര്‍ക്ക് പ്രീമിയര്‍ ലീഗ് രണ്ടാം ഘട്ട റൗണ്ട് മത്സരങ്ങള്‍ ഇപ്പോള്‍ പുരോഗമിക്കുകയാണ്.

പ്രസ്സ് ഗേനി ഇലവന് വിജയം, ക്രൂസേഡേഴ്സിന് പരാജയം

ടെക്നോപാര്‍ക്ക് പ്രീമിയര്‍ ലീഗിന്റെ ഭാഗമായി നടക്കുന്ന മത്സരത്തിൽ പ്രസ്സ് ഗേനി ഇലവന് ആദ്യ മത്സരത്തിൽ വിജയം. ഫയ ടൈറ്റന്‍സിനെതിരെ 5 വിക്കറ്റ് വിജയം ആണ് ടീം കരസ്ഥമാക്കിയത്. ആദ്യം ബാറ്റ് ചെയ്ത ടൈറ്റന്‍സിനെ 8 ഓവറിൽ 46/7 എന്ന നിലയിൽ ഒതുക്കിയ ശേഷം 6 ഓവറിലാണ് ടീമിന്റെ വിജയം. അഞ്ച് വിക്കറ്റുകളാണ് ടീമിന് നഷ്ടമായത്.

ആദ്യ ഓവറിൽ തന്നെ രണ്ട് വിക്കറ്റുകള്‍ വീഴ്ത്തി ഫയയുടെ അജിത്ത് കുമാര്‍ പ്രസ്സ് ഗേനിയെ സമ്മര്‍ദ്ദത്തിലാക്കിയിരുന്നു. 7 റൺസ് നേടുന്നതിനിടെ 4 വിക്കറ്റ് നഷ്ടമായ ടീമിനെ 12 പന്തിൽ 24 റൺസ് നേടിയ ജിഷ്ണുവിന്റെ വെടിക്കെട്ട് ബാറ്റിംഗാണ് തിരികെ മത്സരത്തിലേക്ക് കൊണ്ടുവന്നത്.

മറ്റൊരു മത്സരത്തിൽ പ്രസ്സ് ഗേനി ക്രൂസേഡേഴ്സിന് പരാജയം ആയിരുന്നു ഫലം. ക്രൂസേഡേഴ്സിനെതിരെ എഫ്ടിഐയന്‍സ് 9 വിക്കറ്റ് വിജയം ആണ് നേടിയത്. ആദ്യം ബാറ്റ് ചെയ്ത ക്രൂസേഡേഴ്സ് 42/7 എന്ന സ്കോര്‍ നേടിയപ്പോള്‍ 3.5 ഓവറിൽ ഒരു വിക്കറ്റ് നഷ്ടത്തിൽ എതിരാളികള്‍ വിജയം കൊയ്തു.

എഫ്ടിഐയന്‍സിന് വേണ്ടി അനിൽ കെ വര്‍ഗീസ് 3 വിക്കറ്റും ശ്രീജിത്ത് 2 വിക്കറ്റും നേടിയപ്പോള്‍ ബാറ്റിംഗിൽ ദര്‍ശന്‍ ബി നായര്‍ 15 പന്തിൽ 20 റൺസും ജയേഷ് കുമാര്‍ പുറത്താകാതെ 12 റൺസും നേടി വിജയം ഉറപ്പാക്കി.

ക്വസ്റ്റ് ഗ്ലോബൽ ടെക്നോപാർക്ക് പ്രീമിയർ ലീഗ് തുടങ്ങി

ടെക്നോപാർക്ക് കമ്പനികളിലെ ക്രിക്കറ്റ് ടീമുകളുടെ വാർഷിക മത്സരമായ ടെക്നോപാർക്ക് ക്രിക്കറ്റ് ലീഗ് 2022 ഡിസംബർ 10ന് ആരംഭിച്ചു. 2003 മുതൽ നടന്നുവരുന്ന ടൂർണമെന്റിൽ ഇക്കുറി 152 ടീമുകളാണ് പങ്കെടുക്കുന്നത്.മൂന്ന് ഘട്ടങ്ങളിലായിട്ടാണ് ടൂർണ്ണമെൻറ് നടത്തുന്നത്. മുൻവർഷത്തെ പ്രകടനമികവനുസരിച്ച് ചാമ്പ്യന്മാരായ ആർ ആർ ഡൊണലി റണ്ണറപ്പായ യു എസ് ടി ഗ്ലോബൽ എന്നിവരടക്കം ആദ്യ 32 ടീമുകൾ നേരിട്ട് ചാമ്പ്യൻസ് റൗണ്ടിൽ ഇടം പിടിച്ചിട്ടുണ്ട്.

രണ്ടാംഘട്ടത്തിൽ 33 മുതൽ 64 വരെ സ്ഥാനത്തുള്ള ടീമുകൾ നേരിട്ട് പ്രവേശനം നേടിയിട്ടുണ്ട് .മറ്റു 88 ടീമുകൾ ആദ്യ റൗണ്ടിൽ ലീഗ് കം നോക്കൗട്ട് അടിസ്ഥാനത്തിൽ മൽസരിച്ച് ഏറ്റവും മുകളിൽ വരുന്ന 16 ടീമുകൾ രണ്ടാംഘട്ടത്തിലേക്ക് പ്രവേശിക്കും. രണ്ടാംഘട്ടത്തിലെ ലീഗ് കം നോക്കൗട്ട് മത്സരങ്ങളുടെ അടിസ്ഥാനത്തിൽ 16 ടീമുകൾ ചാമ്പ്യൻസ് റൗണ്ടിലേക്ക് പ്രവേശിക്കും. ചാമ്പ്യൻസ് റൗണ്ട് മത്സരങ്ങൾ മാർച്ച് മാസം കൊണ്ട് പൂർത്തിയാകും എന്ന് പ്രതീക്ഷിക്കപ്പെടുന്നു.

ടെന്നീസ് ബോളിൽ 8 ഓവർ വീതമുള്ള മാച്ചുകളാണ് നടക്കുന്നത് വെള്ളി ശനി ഞായർ ദിവസങ്ങളിൽ മാത്രമാണ് മത്സരം.ഇംപാക്ട് പ്ലയർ അടക്കമുള്ള എല്ലാ നിയമങ്ങളും ഉൾപ്പെടുത്തിയാണ് ടൂർണമെൻ്റ് നടക്കുക. മുൻ നിര IT company ആയ Quest global ആണ് ടൂർണമെൻ്റിൻ്റെ Title sponsor. തിരുവനന്തപുരത്തെ പ്രമുഖ ക്രിക്കറ്റ് സംഘാടകരായ മുരുകൻ ക്രിക്കറ്റ് ആണ് ടൂർണ്ണമെൻറ് നടത്തുന്നത്

ടെക്നോപാര്‍ക്ക് പ്രീമിയര്‍ ലീഗ് രജിസ്ട്രേഷന്‍ ആരംഭിച്ചു

ടെക്നോപാര്‍ക്കുമായി ചേര്‍ന്ന് മുരുഗന്‍ ക്രിക്കറ്റ് ക്ലബ് സംഘടിപ്പിക്കുന്ന ടെക്നോപാര്‍ക്ക് പ്രീമിയര്‍ ലീഗ് ഉടന്‍ ആരംഭിയ്ക്കുന്നു. ടൂര്‍ണ്ണമെന്റിന് പങ്കെടുക്കുന്നതിന് വേണ്ടിയുള്ള രജിസ്ട്രേഷന്‍ നടപടികള്‍ ആരംഭിച്ചുവെന്ന് സംഘാടകര്‍ അറിയിച്ചിട്ടുണ്ട്. നവംബര്‍ 10 ആണ് രജിസ്ട്രേഷനുള്ള അവസാന തീയ്യതി.

കൂടുതൽ വിവരങ്ങള്‍ക്കായി http://murugancricketclub.com/tpl2022/ എന്ന ലിങ്ക് സന്ദര്‍ശിക്കുക. മുന്‍ വര്‍ഷങ്ങളിൽ 100ലധികം കമ്പനികളിൽ നിന്നായി 130ലധികം ടീമുകളാണ് ടെക്നോപാര്‍ക്കിന്റെ ക്രിക്കറ്റ് മാമങ്കത്തിൽ പങ്കെടുത്തത്. ഇത്തവണത്തെ ടൂര്‍ണ്ണമെന്റിന്റെ ഫോര്‍മാറ്റും ഫിക്സ്ച്ചറുകളും വരുംദിവസങ്ങളിൽ സംഘാടകര്‍ പുറത്ത് വിടും.

സയനന്റെ ഓള്‍റൗണ്ട് മികവിൽ ചേസേഴ്സ് സിസിയെ പരാജയപ്പെടുത്തി കേശവഷയര്‍ സിസി

മുരുഗന്‍ ക്രിക്കറ്റ് ക്ലബ് സംഘടിപ്പിക്കുന്ന സെലെസ്റ്റിയൽ ട്രോഫിയിൽ ഇന്നത്തെ മത്സരത്തിൽ കേശവഷയര്‍ സിസിയ്ക്ക് വിജയം. ചേസേഴ്സ് സിസിയെക്കെതിരെ 5 വിക്കറ്റ് ജയം ആണ് ടീം നേടിയത്.

ആദ്യം ബാറ്റ് ചെയ്ത ചേസേഴ്സിന് വേണ്ടി രണ്ടാം വിക്കറ്റിൽ വിബി കൃഷ്ണ കുമാറും ശരത്തും ചേര്‍ന്ന് മികച്ച രീതിയിൽ സ്കോര്‍ ബോര്‍ഡ് ചലിപ്പിച്ചുവെങ്കിലും പിന്നീട് ടീം തകരുന്ന കാഴ്ചയാണ് കണ്ടത്.

27.2 ഓവറിൽ ചേസേഴ്സ് ഓള്‍ഔട്ട് ആയപ്പോള്‍ 55 റൺസ് നേടിയ കൃഷ്ണ കുമാര്‍ ആണ് ടീമിന്റെ ടോപ് സ്കോറര്‍. ശരത് 42 റൺസ് നേടിയപ്പോള്‍ അജിന്‍ ദാസ് 12 പന്തിൽ 20 റൺസ് നേടി. കേശവഷയറിന് വേണ്ടി സയനന്‍ നാലും അനിൽ കുമാര്‍ മൂന്നും വിക്കറ്റാണ് നേടിയത്.

ഒരു ഘട്ടത്തിൽ 11/2 എന്ന നിലയിലേക്ക് കേശവഷയര്‍ വീണുവെങ്കിലും സയനനും അനൂപും ചേര്‍ന്ന് ടീമിനെ മുന്നോട്ട് നയിക്കുകയായിരുന്നു. സയനന്‍ 74 റൺസുമായി പുറത്താകാതെ നിന്നപ്പോള്‍ അനൂപ 40 റൺസ് നേടി. അമൽദേവ് 22 റൺസുമായി സയനന് മികച്ച പിന്തുണ നൽകിയപ്പോള്‍ 28 ഓവറിൽ അഞ്ച് വിക്കറ്റ് വിജയം കേശവഷയര്‍ സ്വന്തമാക്കി.

സെലെസ്റ്റ്യൽട്രോഫി ടൂർണ്ണമെൻറ് ചാമ്പ്യൻസ് റൗണ്ട് മത്സരങ്ങൾ പതിനൊന്നാം തീയതി ആരംഭിക്കും

കേരള ക്രിക്കറ്റ് അസോസിയേഷൻ എലൈറ്റ് പദവിയിലേക്ക് ഉയർത്തിയ സെലെസ്റ്റ്യൽട്രോഫി ടൂർണ്ണമെൻറ് ചാമ്പ്യൻസ് റൗണ്ട് മത്സരങ്ങൾ പതിനൊന്നാം തീയതി ആരംഭിക്കും. ആദ്യ ഘട്ട സെമി ഫൈനലിസ്റ്റുകൾക്ക് പുറമേ പോയ വർഷത്തെ ചാമ്പ്യന്മാരായ റോയൽ മാസ്റ്റേഴ്സ് സി സി എറണാകുളം, മുത്തൂറ്റ് എറണാകുളം ക്രിക്കറ്റ് ക്ലബ് , ഏജീസ് ഓഫീസ് റിക്രിയേഷൻ ക്ലബ് തിരുവനന്തപുരം , മുത്തൂറ്റ് യമഹ മാസ്റ്റേഴ്സ് ക്രിക്കറ്റ് എന്നിവ രും പെരിന്തൽമണ്ണ ജോളി റോവേഴ്സ് സിസി, പാലക്കാട് ജില്ലാ ക്രിക്കറ്റ് അസോസിയേഷൻ ,കോഴിക്കോട് ജില്ലാ ക്രിക്കറ്റ് ക്ലബ്ബ് അസോസിയേഷൻ, വയനാട് ജില്ലാ ക്രിക്കറ്റ് അസോസിയേഷൻ തുടങ്ങിയ ടീമുകളും ലീഗ് കം നോക്കൗട്ട് അടിസ്ഥാനത്തിൽ നടക്കുന്ന മത്സരങ്ങളിൽ പങ്കെടുക്കും . സെൻ സേവിയേഴ്സ് കോളേജ് കോളേജ് ,മംഗലപുരം സ്റ്റേഡിയം ,കാര്യവട്ടം ഗ്രീൻഫീൽഡ് സ്റ്റേഡിയം എന്നിവിടങ്ങളിൽ വെച്ചാണ് മത്സരങ്ങൾ നടക്കുക .ഫെബ്രുവരി 16 ന് മത്സരങ്ങൾ അവസാനിക്കും.

ആദ്യ റൗണ്ടില്‍ പ്രതിഭ സിസി വിജയികളായപ്പോള്‍ റണ്ണറപ്പായത് എസ്ബിഐ എ ടീമായിരുന്നു. ലൂസേഴ്സ് ഫൈനലില്‍ ആവേശകരമായ മത്സരത്തില്‍ സ്വാന്റണ്‍സ് സിസി അത്രേയ ഉല്‍ഭവിനെ കീഴടക്കി.

ഗ്രൂപ്പ് എ: മാസ്റ്റേഴ്സ് റോയല്‍ സിസി-എ, ജോളി റോവേഴ്സ് സിസി പെരിന്തല്‍മണ്ണ, സ്വാന്റണ്‍സ്

ഗ്രൂപ്പ് ബി: മുത്തൂറ്റ് ഈസിസി എറണാകുളം, പാലക്കാട് ഡിസിഎ, എസ്ബിഐ എ ടീം

ഗ്രൂപ്പ് സി: മുത്തൂറ്റ് യമഹ മാസ്റ്റേഴ്സ് സിസി, കോഴിക്കോട് ഡിസിഎ, പ്രതിഭ സിസി

ഗ്രൂപ്പ് ബി: ഏജീസ് ഓഫീസ് റിക്രിയേഷന്‍ ക്ലബ്, വയനാട് ഡിസിഎ, സ്വാന്റണ്‍സ് സിസി

ശ്രീഗോകുലം ഇരുപത്തിയഞ്ചാം സെലസ്റ്റ്യൽ ട്രോഫി ക്രിക്കറ്റ് ടൂർണമെൻറ് ആരംഭിച്ചു

മുരുകൻ ക്രിക്കറ്റ് ക്ലബ്ബിൻറെ ആഭിമുഖ്യത്തിൽ നടത്തിവരുന്ന ഇരുപത്തിയഞ്ചാം അഖിലകേരള സെലസ്റ്റ്യൽ ട്രോഫി ക്രിക്കറ്റ് ടൂർണ്ണമെൻറ് തിരുവനന്തപുരം മെഡിക്കൽ കോളേജിൽ ആരംഭിച്ചു .രാവിലെ നടന്ന ഉദ്ഘാടനച്ചടങ്ങിൽ തിരുവനന്തപുരം കോർപ്പറേഷൻ മേയർ ഉദ്ഘാടന കർമ്മം നിർവഹിച്ചു . മുൻ ബിസിസിഐ സെക്രട്ടറി എസ്.കെ നായർ ടൂർണമെൻറ് ലോഗോ പ്രകാശനം ചെയ്തു.

കെസിഎ ജോയിൻ സെക്രട്ടറി രജിത് രാജേന്ദ്രൻ തിരുവനന്തപുരം ജില്ലാ ക്രിക്കറ്റ് അസോസിയേഷൻ പ്രസിഡൻറ് അഡ്വക്കേറ്റ് കെ കെ രാജീവ് എന്നിവർ സംസാരിച്ചു. ആദ്യ മൽസരത്തിൽ ബ്ലൂ ജെട്‌സ്‌ സി സി റാഫ്റ്റേഴ്സ് സിസിയെ 88 റൺസിന് പരാജയപ്പെടുത്തി.

സെലസ്സിയൽ ട്രോഫി 25 ആം വർഷത്തിലേക്ക്

തിരുവനന്തപുരം മുരുഗൻ ക്രിക്കറ്റ് ക്ലബ് സംഘടിപ്പിക്കുന്ന അഖില കേരള സെലസ്റ്റിയൽട്രോഫി ക്രിക്കറ്റ് ടൂർണമെൻറ് 25 വർഷം പൂർത്തിയാക്കുന്നു. ശ്രീ ഗോകുലം ഗ്രൂപ്പ്‌ ആണ് മെഡിക്കൽ കോളേജ് ഗ്രൗണ്ടിൽ ഇന്ന് ആരംഭിച്ച രജത ജൂബിലി ടൂർണമെൻറ് സ്പോൺസർ ചെയ്യുന്നത്.

സമീപ കാലത്ത് കേരള ക്രിക്കറ്റ് അസോസിയേഷൻ എലൈറ്റ് പദവിയിലേക്ക് ഉയർത്തിയ ടൂർണമെൻറുകളിൽ ഒന്നാണ് സെലസ്റ്റിയൽ ട്രോഫി. എലൈറ്റ് ടൂര്ണമെന്റുകൾക്ക് കെ സി എ അടിസ്ഥാന സൗകര്യങ്ങൾ സജ്ജമാക്കുന്നതിന് വേണ്ട സഹായങ്ങൾ ലഭ്യമാക്കുവാൻ തീരുമാനിച്ചിട്ടുണ്ട്.

കെ.സി.എ നിർദ്ദേശാനുസരണം രഞ്ജി ട്രോഫിയിലും മറ്റു വിവിധ അന്തർ-സംസ്ഥാന ഏജ്-ഗ്രൂപ്പ്‌ ടൂർണമെന്റുകളിലും കേരളത്തെ പ്രതിനിധാനം ചെയ്യുവാൻ താത്പര്യം ഉള്ള കളിക്കാരെല്ലാം എലൈറ്റ് ടൂർണമെന്റുകളിൽ നിശ്ചയമായും പങ്കെടുക്കേണ്ടതുണ്ട്.

തലസ്ഥാനനഗരിയിൽ കഴിഞ്ഞ 52 വർഷമായി ക്രിക്കറ്റ് കളിക്കുകയും പ്രചരിപ്പിക്കുകയും പ്രോത്സാഹിപ്പിക്കുകയും ചെയ്തുപോരുന്ന മുരുഗൻ ക്രിക്കറ്റ് ക്ലബ് കഴിഞ്ഞ വർഷം മേയ് മാസം അതിന്റ സുവർണ ജൂബിലി ആഘോഷിക്കുകയുണ്ടായി.

1995ലാണ് സെലസ്റ്റിയൽ ട്രോഫി ആരംഭിക്കുന്നത്. അന്നുമുതൽ തുടർച്ചയായി നടന്നുവരുന്ന ടൂർണമെന്റിൽ കേരളത്തിലെ എല്ലാ ജില്ലകളിൽ നിന്നും ടീമുകൾ പങ്കെടുത്തു വരുന്നു.ഇക്കൊല്ലത്തെ ടൂർണമെന്റിൽ 38 ടീമുകൾ പങ്കെടുക്കുന്നു. രണ്ട് ഘട്ടങ്ങളായാണ് ടൂർണമെന്റ് നടക്കുന്നത് ആദ്യ ഘട്ട മത്സരങ്ങൾ മെഡിക്കൽ കോളേജ് ഗ്രൗണ്ടിൽ വച്ചു നടക്കും. രണ്ടാംഘട്ട മത്സരങ്ങൾ കെ.സി.എ ഗ്രൗണ്ട് കളിൽ വച്ചും.

Cut Out1

ടെക്നോപാര്‍ക്ക് പ്രീമിയര്‍ ലീഗ് 2020, ആദ്യ റൗണ്ട് ഫിക്സ്ച്ചറുകള്‍ തയ്യാര്‍

ടെക്നോപാര്‍ക്ക് പ്രീമിയര്‍ ലീഗ് 2020ന്റെ ആദ്യ റൗണ്ട് മത്സരങ്ങള്‍ക്കുള്ള ഫിക്സ്ച്ചറുകള്‍ സംഘാടകര്‍ പുറത്ത് വിട്ടു. ടെക്നോപാര്‍ക്കും മുരുഗന്‍ ക്രിക്കറ്റ് ക്ലബ്ബും സംയുക്തമായി സംഘടിപ്പിക്കുന്ന ടൂര്‍ണ്ണമെന്റിന്റെ ആദ്യ റൗണ്ടില്‍ 73 ടീമുകളാണ് പങ്കെടുക്കുന്നത്. 24 ഗ്രൂപ്പുകളിലായാണ് ഈ ടീമുകളെ ലിസ്റ്റ് ചെയ്തിരിക്കുന്നത്. ടൂര്‍ണ്ണമെന്റിന്റെ ഉദ്ഘാടന മത്സരത്തില്‍ ജനുവരി 11 ശനിയാഴ്ച കമേഡ നൈറ്റ് റൈഡേഴ്സും എക്സ്പിറിയോണ്‍ നൈറ്റ്സും ഏറ്റുമുട്ടും. ടെക്നോപാര്‍ക്ക് ഗ്രൗണ്ടില്‍ രാവിലെ 8 മണിയ്ക്കാണ് മത്സരം.

ഫിക്സ്ച്ചറുകള്‍ക്കായി സന്ദര്‍ശിക്കുക: https://murugancricketclub.com/wp-content/uploads/TPL-2020-Phase-1-Fixture.pdf

ആദ്യ റൗണ്ട് മത്സരങ്ങള്‍ ഫെബ്രുവരി 2ന് അവസാനിക്കും. രണ്ടാം ഘട്ട മത്സരങ്ങള്‍ക്കായി ആദ്യ റൗണ്ടില്‍ നിന്ന് എട്ട് ടീമുകളും രണ്ടാം റൗണ്ടിലേക്ക് നേരത്തെ യോഗ്യത നേടിയ 40 ടീമുകളുമാണ് മാറ്റുരയ്ക്കുന്നത്.

ടെക്നോപാര്‍ക്ക് പ്രീമിയര്‍ ലീഗ് 16ാം സീസണ്‍ രജിസ്ട്രേഷന്‍ ആരംഭിച്ചു

മുരുഗന്‍ സിസിയും തിരുവനന്തപുരം ടെക്നോപാര്‍ക്കും സംയുക്തമായി നടത്തുന്ന ടെക്നോപാര്‍ക്ക് പ്രീമിയര്‍ ലീഗ് 2018 രജിസ്ട്രേഷന്‍ ആരംഭിച്ചു. തിരുവനന്തപുരത്തെ പ്രമുഖ ക്രിക്കറ്റ് ക്ലബ്ബായ മുരുഗന്‍ ക്രിക്കറ്റ് ക്ലബ്ബാണ് ടൂര്‍ണ്ണമെന്റിന്റെ സംഘാടകര്‍. ഇത് ടൂര്‍ണ്ണമെന്റിന്റെ 16ാം സീസണാണ് സംഘടിപ്പിക്കപ്പെടുന്നത്. ജനുവരി നാലിന് ടൂര്‍ണ്ണമെന്റ് ആരംഭിക്കുമെന്നും സംഘാടകര്‍ അറിയിച്ചിട്ടുണ്ട്.

ടെക്നോപാര്‍ക്കില്‍ സ്ഥിതി ചെയ്യുന്ന നൂറിലധികം കമ്പനികളില്‍ നിന്ന് 120ലധികം ടീമുകളാണ് ടൂര്‍ണ്ണമെന്റില്‍ പങ്കെടുത്ത് വരുന്നത്. 2020 സീസണിലെ രജിസ്ട്രേഷന്റെ അവസാന തീയ്യതി ഇപ്പോള്‍ നിശ്ചയിച്ചിരിക്കുന്നത് ഡിസംബര്‍ 26 2019 ആയാണ്. കൂടുതല്‍ വിവരങ്ങള്‍ക്ക് http://murugancricketclub.com/tpl2020/ സന്ദര്‍ശിക്കുക.

കഴിഞ്ഞ തവണ ക്വാളിഫയര്‍ 1, ക്വാളിഫയര്‍ 2, ചാമ്പ്യന്‍ഷിപ്പ് റൗണ്ട് എന്ന രീതിയില്‍ മൂന്ന് തലത്തിലാണ് ടൂര്‍ണ്ണമെന്റ് നടത്തി വന്നത്. മുന്‍ വര്‍ഷത്തെ പ്രകടനത്തെ അടിസ്ഥാനമാക്കിയുള്ള സീഡിംഗ് സമ്പ്രദായത്തിന്റെ അടിസ്ഥാനത്തിലാണ് ടീമുകളെ ഇങ്ങനെ ഗ്രൂപ്പ് ചെയ്തിരിക്കുന്നത്.

മുരുഗന്‍ ക്രിക്കറ്റ് ക്ലബ്ബിനെക്കുറിച്ച്

മുന്‍ വര്‍ഷങ്ങളിലെന്ന പോലെ തിരുവനന്തപുരത്തെ പ്രമുഖ ക്രിക്കറ്റ് ക്ലബ്ബായ മുരുഗന്‍ ക്രിക്കറ്റ് ക്ലബ്ബാണ് ടെക്നോപാര്‍ക്കിനു വേണ്ടി, 110ഓളം കമ്പനികളില്‍ നിന്നുള്ള 120ല്‍ പരം ടീമുകള്‍ പങ്കെടുക്കുന്ന ടൂര്‍ണ്ണമെന്റ് നടത്തുന്നത്. ജനുവരി മൂന്നാം വാരം ആരംഭിച്ച് മൂന്ന് മാസത്തോളം നീണ്ട് നില്‍ക്കുന്ന ടൂര്‍ണ്ണമെന്റ് വിജയിക്കുക എന്നത് ടെക്നോപാര്‍ക് കമ്പനികളുടെ അഭിമാനപ്പോരാട്ടമായാണ് കണക്കാക്കപ്പെടുന്നത്.