Tag: Mumbai City

ഐ എസ് എല്ലിൽ ഇന്ന് നിർണായ പോരാട്ടത്തിൽ മുംബൈ സിറ്റി എഫ് സി ഗോവയെ നേരൊടുമ്പോൾ ഗോവൻ നിരയിൽ അഞ്ച് പ്രമുഖ താരങ്ങളും പരിശീലകൻ ഡെറിക് പെരേരയും ഉണ്ടാകില്ല. കോവിഡ് കാരണം ആണ് ഗോവൻ സ്ക്വാഡ് പ്രതിസന്ധിയിലായിരിക്കുന്നത്. ഗോവയിലെ ബാംബോലിമിലെ അത്‌ലറ്റിക് സ്റ്റേഡിയത്തിൽ ഹീറോ ഇന്ത്യൻ സൂപ്പർ ലീഗ് (ഐഎസ്എൽ) 2021-22 സീസണിലെ 103-ാം മത്സരത്തിൽ മുംബൈ സിറ്റിക്ക് വിജയം അത്യാവശ്യമാൺ.

എന്നാൽ മുംബൈ തോൽക്കുക കേരള ബ്ലാസ്റ്റേഴ്സിന്റെ ആവശ്യം ആയിരിക്കെ ഗോവൻ സ്ക്വാഡിന് കോവിഡ് ബാധിച്ചത് കേരളത്തിന് തിരിച്ചടിയാകും.

കഴിഞ്ഞ മത്സരത്തിൽ എസ്‌സി ഈസ്റ്റ് ബംഗാളിനെ 1-0 ന് തോൽപ്പിച്ച് മുംബൈ സിറ്റി വിജയവഴിയിലേക്ക് തിരിച്ചെത്തിയിരുന്നു. അവസാന അഞ്ച് മത്സരങ്ങളിൽ മൂന്ന് ജയിച്ച ഡെസ് ബക്കിംഗ്ഹാമിന്റെ ടീം 17 കളികളിൽ നിന്ന് 28 പോയിന്റുമായി ലീഗ് പട്ടികയിൽ നാലാം സ്ഥാനത്താണ്. ഇന്ന് മുംബൈ തോൽക്കുകയും കേരള ബ്ലാസ്റ്റേഴ്സ് വിജയിക്കുകയും ചെയ്താൽ നമ്മൾ ടോപ് 4ലേക്ക് എത്തും.

ഇന്ന് രാത്രി 9.30നാണ് മുംബൈ സിറ്റി ഗോവ പോരാട്ടം.

മർഗോവിലെ പിജെഎൻ സ്റ്റേഡിയത്തിൽ ഹീറോ ഇന്ത്യൻ സൂപ്പർ ലീഗിൽ (ഐഎസ്‌എൽ) ഇന്ന് ഈസ്റ്റ് ബംഗാൾ ൽ നിലവിലെ ചാമ്പ്യൻമാരായ മുംബൈ സിറ്റിയെ നേരിടും. ഒരു വിജയത്തിൽ കുറഞ്ഞതൊന്നും ഇന്ന് മുംബൈ സിറ്റിക്ക് തൃപ്തിയാകില്ല., ആദ്യ നാലിൽ തിരിച്ച് എത്താൻ മുംബൈക്ക് വിജയം നിർബന്ധമാണ്. ഇതിനകം ലീഗ് റേസിൽ നിന്ന് പുറത്തായ ഈസ്റ്റ് ബംഗാളിന് ഇന്ന് നഷ്ടപ്പെടാൻ ഒന്നുമില്ല.

ഈ സീസണിലെ അവസാന അഞ്ച് മത്സരങ്ങളിൽ മുംബൈ സിറ്റി രണ്ടെണ്ണം ജയിക്കുകയും ഒരു തവണ തോൽക്കുകയും ഒരു സമനിലയും ആണ് നേടിയത്. അവസാന മത്സരത്തിൽ അവർ ജംഷദ്പൂരോട് പരാജയപ്പെട്ടിരുന്നു. ഈസ്റ്റ് ബംഗാൾ ഈ സീസണിൽ തങ്ങളുടെ അവസാന അഞ്ച് മത്സരങ്ങളിൽ നാല് തവണ തോൽക്കുകയും ഒരു തവണ സമനില വഴങ്ങുകയും ചെയ്തിട്ടുണ്ട്.

ഒന്നാം തേടിയെത്തുന്ന ജംഷഡ്പൂർ എഫ്‌സി ഇന്ന് നിലവിലെ ചാമ്പ്യന്മാരായ മുംബൈ സിറ്റി എഫ്‌സിയെ നേരിടും. ഗോവയിലെ ബാംബോലിമിലെ സ്റ്റേഡിയത്തിൽ ആണ് മത്സരം. ജംഷദ്പൂർ തങ്ങളുടെ അവസാന അഞ്ച് മത്സരങ്ങളിൽ നാലെണ്ണം ജയിച്ച് നല്ല ഫോമിലാണ്. ആകെ പരാജയപ്പെട്ടത് ബെംഗളൂരുവിന് എതിരെ ആയിരുന്നു‌. ആ തോൽവിയിൽ നിന്ന് നന്നായി തിരിച്ചുവരികയും കേരള ബ്ലാസ്റ്റേഴ്‌സ് എഫ്‌സിക്കെതിരെ തകർപ്പൻ വിജയം നേടുകയും ചെയ്‌ത അവർ ഇപ്പോൾ 14 മത്സരങ്ങളിൽ നിന്ന് 25 പോയിന്റുമായി ലീഗ് പട്ടികയിൽ നാലാം സ്ഥാനത്താണ് ഉള്ളത്.

മുംബൈ സിറ്റി ഏഴ് മത്സരങ്ങളിലെ വിജയിക്കാതെ അവർ ഒടുവിൽ ചെന്നൈയിൻ എഫ്‌സിക്കെതിരെ ഒരു വിജയം രേഖപ്പെടുത്തിയിരുന്നു. തുടർന്ന് ഒഡീഷ എഫ്‌സിക്കെതിരായ വിജയം അവരുടെ ആദ്യ നാല് പ്രതീക്ഷ തിരികെ കൊണ്ടുവന്നു. ഇപ്പോൾ അവർ 15 മത്സരങ്ങളിൽ നിന്ന് 25 പോയിന്റുമായി അവർ അഞ്ചാം സ്ഥാനത്താണ്.

മുംബൈ സിറ്റി ക്ലബ് ക്യാപ്റ്റൻ മൗർതാഡ ഫാൾ ക്ലബിൽ ഒരു വർഷത്തെ കരാർ നീട്ടിയതായി മുംബൈ സിറ്റി എഫ്‌സി പ്രഖ്യാപിച്ചു. പുതിയ കരാർ താരത്തെ 2022-23 സീസൺ അവസാനം വരെ ടീമിൽ നിർത്തും.

2020-ൽ എഫ്‌സി ഗോവയിൽ നിന്ന് മുംബൈ സിറ്റിയിലേക്ക് ചേക്കേറിയ 34 കാരനായ സെന്റർ ഹാഫ് കഴിഞ്ഞ സീസണിൽ ഐ‌എസ്‌എൽ ലീഗ് വിന്നേഴ്‌സ് ഷീൽഡും ഐ‌എസ്‌എൽ ട്രോഫിയും നേടിയ മുംബൈ സിറ്റിയുടെ പ്രധാന ഭാഗമായിരുന്നു. . 2021-22 സീസണിന് മുന്നോടിയായാണ് ഫാൾ ഐലൻഡേഴ്സിന്റെ ക്യാപ്റ്റനായി തിരഞ്ഞെടുക്കപ്പെട്ടത്. ഈ സീസണിൽ 13 മത്സരങ്ങളിൽ കളിക്കുകയും രണ്ട് തവണ സ്കോർ ചെയ്യുകയും ചെയ്തിട്ടുണ്ട്.

ഹീറോ ഇന്ത്യൻ സൂപ്പർ ലീഗിൽ (ഐ‌എസ്‌എൽ) ഇന്ന് ഗോവയിലെ മർഗോവിലുള്ള പിജെഎൻ സ്റ്റേഡിയത്തിൽ നടക്കുന്ന മത്സരത്തിൽ മുംബൈ സിറ്റി എഫ്‌സിയെ ചെന്നൈയിൻ എഫ്‌സി നേരിടും. ഇരു ടീമുകളും ആദ്യ നാലിൽ ഇടംപിടിക്കാൻ ആണ് ഇന്ന് ലക്ഷ്യമിടുന്നത്.

ചെന്നൈയിൻ അവസാന ആറ് മത്സരങ്ങളിൽ നിന്ന് ഒരു വിജയം മാത്രമേ രേഖപ്പെടുത്താനായിട്ടുള്ളൂ. SC ഈസ്റ്റ് ബംഗാളിനെതിരായ അവരുടെ അവസാന മത്സരത്തിൽ രണ്ട് ഗോളുകളുടെ ലീഡ് ചെന്നൈയിൻ കളഞ്ഞിരുന്നു. നിർണായകമായ രണ്ട് പോയിന്റുകൾ അന്ന് അവർക്ക് നഷ്ടപ്പെട്ടു.

നിലവിലെ ചാമ്പ്യന്മാരായ മുംബൈ സിറ്റി എഫ്‌സി ഹീറോ ഐ‌എസ്‌എല്ലിലെ ഏറ്റവും ദൈർഘ്യമേറിയ വിജയിക്കാതെയുള്ള റണ്ണിലാണ്, അവരുടെ അവസാന ഏഴ് മത്സരങ്ങളിലൊന്നു പോലും അവർക്ക് വിജയിക്കാനായിട്ടില്ല.

മുംബൈ സിറ്റിയുടെ യുവ ഡിഫൻഡർ നവോച സിംഗിനെ ഈസ്റ്റ് ബംഗാൾ സ്വന്തമാക്കി. ഈ സീസൺ അവസാനം വരെയുള്ള ലോൺ കരാറിൽ ആണ് താരം ഈസ്റ്റ് ബംഗാളിൽ എത്തുന്നത്. മുൻ ഗോകുലം താരം ഈ സീസൺ തുടക്കത്തിൽ ആയിരുന്നു മുംബൈയിൽ എത്തിയത്. 22 വയസുകാരൻ തന്റെ കരിയർ ആരംഭിച്ചത് NEROCA FCയിലൂടെയാണ്. TRAU FC- യ്ക്ക് വേണ്ടിയും താരം കളിച്ചിട്ടുണ്ട്.

2019-20 കാമ്പെയ്‌നിന് മുന്നോടിയായാണ് ഗോകുലം കേരള എഫ്‌സിയിൽ എത്തിയത്‌. ഗോകുലത്തിനൊപ്പം 2019 ഡുറാണ്ട് കപ്പ് നേടുന്നതിൽ പ്രധാന പങ്കു വഹിച്ചു. ടൂർണമെന്റിൽ മോഹൻ ബഗാനെതിരായ ഫൈനലിൽ ഗോകുലം കേരളത്തിന്റെ ഒരു ഗോളിന് അസിസ്റ്റും താരം നൽകിയിരുന്നു.

ഫുൾ ബാക്ക് ആയി ഇരുവശത്തും കളിക്കാൻ കഴിവുള്ള നവോച്ച, ഗോകുലം കേരള 2020-21 ഐ ലീഗ് ഉയർത്തിയപ്പോളും ക്ലബിന്റെ പ്രധാന ഭാഗമായിരുന്നു. നവോച്ച കഴിഞ്ഞ ഐലീഗിലെ 15 മത്സരങ്ങളും കളിച്ചിരുന്നു. മുംബൈ സിറ്റി താരത്തിന്റെ ആദ്യ ഐ എസ് എൽ ക്ലബായിരുന്നു. താരം ഇതുവരെ ഐ എസ് എൽ അരങ്ങേറ്റം നടത്തിയിട്ടില്ല.