Tag: Sahal

കേരള ബ്ലാസ്റ്റേഴ്സ് ഞായറാഴ്ച ഐ എസ് എൽ ഫൈനലിൽ ഇറങ്ങുമ്പോൾ ഒപ്പം അവരുടെ യുവതാരം സഹൽ അബ്ദുൽ സമദ് ഉണ്ടാകില്ല. ഹാംസ്ട്രിങ് ഇഞ്ച്വറി ആണ് സഹൽ അബ്ദുൽ സമദിനെ പുറത്ത് ഇരുത്തുന്നത്. സഹലിന് രണ്ടാം പാദ സെമി ഫൈനലിന് തൊട്ടു മുമ്പ് ആണ് പരിക്കേറ്റത്. ഹാംസ്ട്രിങ് ഇഞ്ച്വറി ആയത് കൊണ്ട് തന്നെ ഞായറാഴ്ചക്ക് മുമ്പ് തിരികെയെത്തുക സഹലിന് എളുപ്പമാകില്ല.

സഹലിനെ ഫൈനലിന് നഷ്ടമാകും എന്ന് കേരള ബ്ലാസ്റ്റേഴ്സ് സഹ പരിശീലകൻ ഇഷ്ഫാഖ് അഹമ്മദും ഇന്ന് സ്ഥിരീകരിച്ചു. ഈ സീസണിൽ കേരള ബ്ലാസ്റ്റേഴ്സിനായി ആറ് ഗോളുകൾ നേടാൻ സഹലിനായിരുന്നു. സഹലിന് ഐ എസ് എൽ കഴിഞ്ഞ ഉടനെ തന്നെയുള്ള ഇന്ത്യയുടെ സൂഹൃദ മത്സരങ്ങളും നഷ്ടമാകും.

ഇന്ന് കേരള ബ്ലാസ്റ്റേഴ്സിനായി നേടിയ ഗോളോടെ സഹൽ അബ്ദുൽ സമദ് മഞ്ഞ ജേഴ്സിയിൽ ഒരു പുതിയ റെക്കോർഡ് കുറിച്ചു. ഒരൊറ്റ സീസണിൽ കേരള ബ്ലാസ്റ്റേഴ്സിനായി ഏറ്റവും കൂടുതൽ ഗോളുകൾ നേടുന്ന ഇന്ത്യൻ താരമായി സഹൽ അബ്ദുൽ സമദ് മാറി. സഹലിന്റെ ഈ സീസണിലെ ആറാം ഗോളായിരുന്നു ഇത്. സി കെ വിനീതിന്റെ റെക്കോർഡ് ആണ് ഇന്നത്തെ ഗോളോടെ സഹൽ മറികടന്നത്. സി കെ വിനീത് ഒരു സീസണിൽ കേരള ബ്ലാസ്റ്റേഴ്സിനായി അഞ്ചു ഗോളുകൾ നേടിയിരുന്നു.

2016ൽ വിനീത് നേടിയ ആ റെക്കോർഡ് ആണ് സഹൽ ഇന്നത്തെ ഗോളോടെ മറികടന്നത്. സി കെ വിനീത് കേരള ബ്ലാസ്റ്റേഴ്സിനായി ആകെ 11 ഗോളുകൾ നേടിയിട്ടുണ്ട്. ഇനി ആ റെക്കോർഡ് മറികടക്കുക ആകും സഹലിന്റെ വരും സീസണിലെ ലക്ഷ്യങ്ങൾ. സഹൽ ആകെ 7 ഗോളുകൾ കേരള ബ്ലാസ്റ്റേഴ്സിനായി നേടിയിട്ടുണ്ട്.

കേരള ബ്ലാസ്റ്റേഴ്സിനായി ഈ സീസണിൽ ഗംഭീര പ്രകടനം നടത്തുന്ന സഹൽ അബ്ദുൽ സമദ് തന്റെ പൊസിഷനെ കുറിച്ച് തനിക്ക് യാതൊരു ആശങ്കയും ഇല്ല എന്ന് പറഞ്ഞു. കേരള ബ്ലാസ്റ്റേഴ്സ് താരം ക്ലബിനായി വിങ്ങുകളിൽ ആണ് കളിക്കുന്നത്. ഇന്ത്യക്കായി അറ്റാക്കിങ് മിഡ്ഫീൽഡർ റോളിലുമാണ് സഹൽ കളിക്കുന്നത്. എന്നാൽ തനിക്ക് അങ്ങനെ ഇന്ന പൊസിഷനിൽ കളിക്കണം എന്ന ആഗ്രഹം ഇല്ല എന്നും പരിശീലകൻ ആവശ്യപ്പെടുന്ന പൊസിഷനിൽ കളിക്കാൻ താൻ തയ്യാറാണെന്നും സഹൽ പറഞ്ഞു

ഇവാൻ പരിശീലകനായി എത്തിയത് മുതൽ താൻ ഗോൾ സ്കോറിംഗ് മെച്ചപ്പെടുത്താൻ ശ്രമിക്കുന്നുണ്ട്. ഇതിനായി കൂടുതൽ പരിശീലനം നടത്തുന്നുണ്ട് എന്നും സഹൽ പറഞ്ഞു. ഈ സീസണിൽ സഹൽ അഞ്ചു ഗോളുകൾ ഇതുവരെ നേടിയിട്ടുണ്ട്. താൻ ഇനിയും ഒരുപാട് കാര്യങ്ങളിൽ മെച്ചപ്പെടാനുണ്ട് എന്നും ഇവാൻ പറഞ്ഞു.

കേരള ബ്ലാസ്റ്റേഴ്സ് യുവതാരം സഹലിന്റെ പ്രകടനത്തിൽ തനിക്ക് വലിയ സന്തോഷം ഉണ്ടെന്ന് കേരള ബ്ലാസ്റ്റേഴ്സ് പരിശീലകൻ ഇവാൻ വുകമാനോവിച്. ഈ സീസണിൽ ഒരു ഫുട്ബോൾ കളിക്കാരനെന്ന നിലയിൽ ഒരുപാട് മുന്നേറിയ കളിക്കാരിൽ ഒരാളാണ് സഹൽ എന്ന് ഇവാൻ പറഞ്ഞു.

കരിയറിന്റെ ഒരു ഘട്ടത്തിൽ നമ്മുടെ മികവ് നമ്മൾ അൺലോക്ക് ചെയ്യും. അത്തരത്തിൽ ഒരു സീസൺ ആണ് സഹലിന് എന്ന് ഇവാൻ പറഞ്ഞു. ഈ സീസണിൽ ഇതിനകം അഞ്ച് ഗോളുകൾ സഹൽ നേടിയതിൽ എനിക്ക് വളരെ സന്തോഷമുണ്ട്. അവനു കൂടുതൽ മെച്ചപ്പെടുത്താൻ കഴിയും. നമ്മൾ ഒരുമിച്ച് പ്രവർത്തിക്കുന്നത് തുടരുകയാണെങ്കിൽ, അവൻ കൂടുതൽ മെച്ചപ്പെടുമെന്ന് ഞാൻ കരുതുന്നു. ഇവാൻ പറഞ്ഞു.

“അദ്ദേഹം മാത്രമല്ല, ഞങ്ങൾക്ക് ഒരു യുവ സ്ക്വാഡുണ്ട്, ഹീറോ ഐഎസ്എല്ലിലെ ഏറ്റവും പ്രായം കുറഞ്ഞ ടീമുകളിലൊന്ന്. ടീമിൽ പലരും ഹീറോ ഐഎസ്എൽ കളിച്ചിട്ടില്ല. ഈ വർഷം ആദ്യമായാണ് അവർ അത് അനുഭവിക്കുന്നത്. അവരെയെല്ലാം ഓർത്ത് ഞാൻ വളരെ സന്തോഷവാനാണ്. അവർ വളരെയധികം മെച്ചപ്പെടുന്നു.” ഇവാൻ പറഞ്ഞു.

ഐ എസ് എല്ലിലെ അതിനിർണായക മത്സരത്തിൽ മുംബൈ സിറ്റിയെ നേരിടുന്ന കേരള ബ്ലാസ്റ്റേഴ്സ് ആദ്യ പകുതിക്ക് പിരിയുമ്പോൾ രണ്ടു ഗോളിന്റെ ലീഡിൽ നിൽക്കുന്നു. സഹലിന്റെ ഗംഭീര ഗോളാണ് കേരള ബ്ലാസ്റ്റേഴ്സിന് ലീഡ് നൽകിയത്.

ഇന്ന് വിജയം നിർബന്ധം ആയതു കൊണ്ട് തന്നെ കേരള ബ്ലാസ്റ്റേഴ്സ് തുടക്കം മുതൽ ആക്രമണം എന്ന തീരുമാനത്തിൽ ആയിരുന്നു. തുടക്കത്തിൽ തന്നെ റൈറ്റ് ബാക്കായ സന്ദീപിന് രണ്ട് നല്ല അവസരങ്ങൾ ലഭിച്ചു. ഒരു തവണ താരം ഗോൾ കീപ്പർ നവാസിനെ പരീക്ഷിക്കുകയും ചെയ്തു. മത്സരത്തിന്റെ 19ആം മിനുട്ടിലാണ് കേരള ബ്ലാസ്റ്റേഴ്സ് ലീഡ് എടുത്തത്. മലയാളി യുവതാരം സഹൽ അബ്ദുൽ സമദ് പന്ത് സ്വീകരിച്ച് മുംബൈ സിറ്റി ഡിഫൻസിനെ ആകെ വട്ടം കറക്കുന്ന ഫീറ്റുമായി മുന്നേറി. ബോക്സിന് പുറത്ത് ഡി ബോക്സിൽ വെച്ച് സഹൽ തന്നെ ഗോൾ ലക്ഷ്യമായി തൊടുത്തു. താരം വല കണ്ടെത്തുകയും ചെയ്തു.

സഹലിന്റെ സീസണിലെ അഞ്ചാം ഗോളായി ഇത്. ഇതിനു ശേഷവും കേരള ബ്ലാസ്റ്റേഴ്സ് അറ്റാക്ക് തുടർന്നു. 34ആം മിനുട്ടിൽ വാസ്കസിന്റെ ഒരു വോളി മികച്ച ബ്ലോക്കിലൂടെ ആണ് മുംബൈ സിറ്റി തടഞ്ഞത്. ആദ്യ പകുതിയുടെ അവസാന നിമിഷം വാസ്കസ് കേരള ബ്ലാസ്റ്റേഴ്സിന് ഒരു പെനാൽട്ടി നേടി തന്നു. വാസ്കസ് തന്നെ ആ പെനാൾട്ടി ലക്ഷ്യത്തിൽ എത്തിച്ച് കേരളത്തിന്റെ ലീഡ് ഇരട്ടിയാക്കി.

രണ്ടാം പകുതിയിലും ഈ ലീഡ് നിലനിർത്താൻ ആയാൽ കേരള ബ്ലാസ്റ്റേഴ്സിന് നാലാം സ്ഥാനത്ത് ഇന്ന് കളി അവസാനിപ്പിക്കാം. പിന്നെ അവസാന മത്സരത്തിൽ ഗോവക്ക് എതിരെ ഒരു സമനില നേടിയാൽ തന്നെ കേരള ബ്ലാസ്റ്റേഴ്സിന് സെമി ഉറപ്പിക്കാം. മുംബൈ സിറ്റി അവസാന മത്സരത്തിൽ ഹൈദരബാദിനെതിരെ പോയിന്റ് നഷ്ടപ്പെടുത്തിയാലും കേരള ബ്ലാസ്റ്റേഴൈന് സെമി ഉറപ്പിക്കാം.