Tag: Max Verstappen

ലൂയിസ് ഹാമിൾട്ടനിൽ നിന്നു കഴിഞ്ഞ വർഷം അവസാന റേസിൽ തട്ടിയെടുത്ത ലോക കിരീടം ഇത്തവണ തികച്ചും ആധികാരികമായി നിലനിർത്തി റെഡ് ബുൾ ഡ്രൈവർ മാക്‌സ് വെർസ്റ്റാപ്പൻ. കടുത്ത മഴ കാരണം തുടങ്ങാൻ വൈകിയ ജപ്പാനീസ് ഗ്രാന്റ് പ്രീയിൽ ജയം കാണാൻ വെർസ്റ്റാപ്പനു ആയി. തുടക്കത്തിലെ ചുവപ്പ് കൊടി കാരണം 53 ലാപ്പുകൾ ഉള്ള റേസ് 28 ലാപ്പുകൾ ആയി ചുരുക്കുക ആയിരുന്നു. പോൾ പൊസിഷനിൽ റേസ് തുടങ്ങിയ വെർസ്റ്റാപ്പൻ റേസിൽ ജയം കണ്ടത്തുക ആയിരുന്നു.

രണ്ടാമത് എത്തിയ ഫെറാറി ഡ്രൈവർ ചാൾസ് ലെക്ലെർക് 5 സെക്കന്റ് സമയ പെനാൽട്ടി കാരണം മൂന്നാം സ്ഥാനത്തേക്ക് പിന്തള്ളപ്പെട്ടതോടെയാണ് വെർസ്റ്റാപ്പൻ കിരീടം ഉറപ്പിച്ചത്. നിലവിൽ ഇനി 112 പോയിന്റുകൾ മാത്രമാണ് ഡ്രൈവർമാർക്ക് പരമാവധി നേടാൻ ആവുക. അതിനാൽ തന്നെ ഇതിനകം തന്നെ രണ്ടാമതുള്ള സെർജിയോ പെരസിനെക്കാൾ 113 പോയിന്റുകൾ ഉള്ള ഡച്ച് ഡ്രൈവർ തന്റെ കിരീടം നിലനിർത്തുക ആയിരുന്നു. ഉടമസ്ഥരിൽ റെഡ് ബുൾ കിരീടം ഏതാണ്ട് ഉറപ്പിച്ചു. വരും വർഷങ്ങളിൽ മെഴ്‌സിഡസിന്റെ ജോർജ് റസൽ എന്നിവർ അടക്കമുള്ളവർക്ക് വെർസ്റ്റാപ്പനു വെല്ലുവിളി ആവാൻ ആവുമോ എന്നു കണ്ടറിയാം.

ഫോർമുല വൺ കരിയറിലെ ആദ്യ ഇറ്റാലിയൻ ഗ്രാന്റ് പ്രീ ജയിച്ചു റെഡ് ബുൾ ഡ്രൈവർ മാക്‌സ് വെർസ്റ്റാപ്പൻ. പോൾ പൊസിഷനിൽ റേസ് തുടങ്ങിയ ഫെറാറിയുടെ ചാൾസ് ലെക്ലെർകിനെ രണ്ടാം സ്ഥാനത്തേക്ക് പിന്തള്ളിയാണ് വെർസ്റ്റാപ്പൻ ഒന്നാം സ്ഥാനം നേടിയത്. ഏഴാം സ്ഥാനത്ത് നിന്ന് കയറി വന്ന റെഡ് ബുൾ ഡ്രൈവർക്ക് പലപ്പോഴും സേഫ്റ്റി കാർ ഗുണം ചെയ്തു. സേഫ്റ്റി കാറിന്റെ സാന്നിധ്യത്തിൽ ആയിരുന്നു റേസ് അവസാനിച്ചതും. തുടർച്ചയായ അഞ്ചാം ഗ്രാന്റ് പ്രീ ആണ് വെർസ്റ്റാപ്പൻ ജയിക്കുന്നത്.

റേസ് പോൾ പൊസിഷനിൽ തുടങ്ങിയ ഫെറാറിയുടെ ചാൾസ് ലെക്ലെർക് രണ്ടാമത് ആയപ്പോൾ രണ്ടാമത് ആയി റേസ് തുടങ്ങിയ മെഴ്‌സിഡസിന്റെ ജോർജ് റസൽ മൂന്നാമത് ആയി. ഫെറാറിയുടെ കാർലോസ് സൈൻസ് നാലാമത് ആയപ്പോൾ മെഴ്‌സിഡസിന്റെ മുൻ ലോക ചാമ്പ്യൻ ലൂയിസ് ഹാമിൾട്ടൻ അഞ്ചാമത് എത്തി. റെഡ് ബുള്ളിന്റെ സെർജിയോ പെരസ് ആണ് ആറാമത് എത്തിയത്. അന്തരിച്ച ബ്രിട്ടീഷ് രാജ്ഞി എലിസബത്ത് രണ്ടിന് ആദരവ് അർപ്പിച്ചു ആണ് റേസ് തുടങ്ങിയത്. നിർമാതാക്കളുടെ വിഭാഗത്തിൽ റെഡ് ബുൾ ഏതാണ്ട് കിരീടം ഉറപ്പിച്ചപ്പോൾ അടുത്ത റേസിൽ മാക്‌സ് വെർസ്റ്റാപ്പനു ജയിക്കാൻ ആയാലും ലെക്ലെർക് പിന്നിൽ പോയാലും ലോക കിരീടം ഡച്ച് ഡ്രൈവർക്ക് സ്വന്തം പേരിലാക്കാം.

തുടർച്ചയായ രണ്ടാം വർഷവും സ്വന്തം മണ്ണിൽ ഡച്ച് ഗ്രാന്റ് പ്രീയിൽ ജയം നേടി റെഡ് ബുൾ ഡ്രൈവർ മാക്‌സ് വെർസ്റ്റാപ്പൻ. പോൾ പൊസിഷനിൽ റേസ് തുടങ്ങിയ മാക്‌സ് മെഴ്‌സിഡസ്, ഫെറാറി വെല്ലുവിളികൾ അനായാസം മറികടന്നു ആണ് ജയം നേടിയത്. ഒരിക്കൽ പോലും ഒന്നാം സ്ഥാനം കൈവിടുന്ന സൂചന പോലും മാക്‌സ് റേസിൽ നൽകിയില്ല. ഏറ്റവും വേഗതയേറിയ ലാപ്പും മാക്‌സ് തന്നെയാണ് കുറിച്ചത്. ജയത്തോടെ ലോക ചാമ്പ്യൻഷിപ്പിൽ രണ്ടാമതുള്ള ഫെറാറിയുടെ ചാൾസ് ലെക്ലെർകിനെക്കാൾ 109 പോയിന്റുകൾ മുന്നിൽ എത്താനും മാക്സിന് ആയി.

മാക്സിന് ആയി തടിച്ചു കൂടിയ ആയിരക്കണക്കിന് ഓറഞ്ച് അണിഞ്ഞ ഡച്ച് ആരാധകർക്ക് ആനന്ദം നൽകുന്ന വിജയം ആയിരുന്നു ഇത്. മെഴ്‌സിഡസ് തന്ത്രങ്ങൾ ഫലം കണ്ടപ്പോൾ ആറാമത് റേസ് തുടങ്ങിയ ജോർജ് റസൽ റേസിൽ രണ്ടാമത് എത്തി. നന്നായി ഡ്രൈവ് ചെയ്ത താരത്തെ അവസാന ലാപ്പുകളിൽ ഹാമിൾട്ടനെ മറികടക്കാൻ ടീം അനുവദിച്ചത് ഹാമിൾട്ടനെ പ്രകോപിച്ചിരുന്നു. ഇതിഹാസ ഡ്രൈവർ തന്റെ ദേഷ്യം ടീം റേഡിയോയിൽ കൂടി പ്രകടിപ്പിക്കുകയും ചെയ്തിരുന്നു. രണ്ടാമത് റേസ് ആരംഭിച്ച ഫെറാറിയുടെ ചാൾസ് ലെക്ലെർക് ആണ് മൂന്നാമത് എത്തിയത്.

അതേസമയം റേസിൽ ഉടനീളം മികവ് തുടർന്ന ലൂയിസ് ഹാമിൾട്ടനു നിരാശ പകരുന്നത് ആയി അവസാന റിസൾട്ട്. ഇടക്ക് വെർസ്റ്റാപ്പനെ ആദ്യ സ്ഥാനത്തേക്ക് വെല്ലുവിളിക്കും ഹാമിൾട്ടൻ എന്നു തോന്നിയെങ്കിലും അവസാനം നാലാം സ്ഥാനത്ത് ബ്രിട്ടീഷ് ഡ്രൈവർ തൃപ്തിപ്പെട്ടു. അവസാന ലാപ്പുകളിൽ ജോർജ് റസലും, ചാൾസ് ലെക്ലെർക്കും ഹാമിൾട്ടനെ മറികടക്കുക ആയിരുന്നു. റെഡ് ബുള്ളിന്റെ തന്നെ സെർജിയോ പെരസ് അഞ്ചാമത് എത്തിയപ്പോൾ ആൽപിന്റെ ഫെർണാണ്ടോ അലോൺസോ ആറാമത് എത്തി. ലോക കിരീടം ഉടൻ ഉറപ്പിക്കാൻ ആവും വരും ഗ്രാന്റ് പ്രീകളിൽ വെർസ്റ്റാപ്പനും റെഡ് ബുള്ളും ശ്രമിക്കുക. ലോക കിരീടം വെർസ്റ്റാപ്പൻ നിലനിർത്താതിരിക്കാൻ ഇനി വലിയ അത്ഭുതം തന്നെ സംഭവിക്കണം.

ഇടവേളക്ക് ശേഷം ഫോർമുല വൺ ബെൽജിയം ഗ്രാന്റ് പ്രീയിൽ ജയം കണ്ടു റെഡ് ബുള്ളിന്റെ നിലവിലെ ലോക ചാമ്പ്യൻ മാക്‌സ് വെർസ്റ്റാപ്പൻ. തുടർച്ചയായ രണ്ടാം വർഷം ആണ് ഡച്ച് ഡ്രൈവർ ബെൽജിയം ഗ്രാന്റ് പ്രീ ജയിക്കുന്നത്. യോഗ്യതയിൽ ഒന്നാമത് എത്തിയെങ്കിലും പെനാൽട്ടി കാരണം റേസ് 14 സ്ഥാനത്ത് ആയാണ് വെർസ്റ്റപ്പൻ റേസ് തുടങ്ങിയത്. റേസിന്റെ ആദ്യ ലാപ്പിൽ തന്നെ മെഴ്‌സിഡസ് ഡ്രൈവർ ലൂയിസ് ഹാമിൾട്ടൻ റേസിൽ നിന്നു പുറത്താവുന്നതും കാണാൻ ആയി. ഹാമിൾട്ടന്റെ കാർ ഫെർണാണ്ടോ അലോൺസോയുടെ കാറിൽ ഉരസുകയായിരുന്നു, തീർത്തും ഹാമിൾട്ടന്റെ പിഴവ് ആയിരുന്നു ഇത്. തുടർന്ന് ബോട്ടാസും റേസിൽ നിന്നു പുറത്താവുന്നത് കാണാൻ ആയി.

തുടക്കത്തിൽ തന്നെ മറ്റു കാറുകളെ പിന്നിലാക്കിയ വെർസ്റ്റപ്പൻ പതുക്കെ റേസിൽ ആധിപത്യം കണ്ടത്തി. തുടർന്ന് പോൾ പൊസിഷനിൽ റേസ് തുടങ്ങിയ ഫെറാറിയുടെ കാർലോസ് സൈൻസിനെയും വെർസ്റ്റാപ്പൻ മറികടന്നു. റെഡ് ബുള്ളിന് മികച്ച ദിനം സമ്മാനിച്ചു സെർജിയോ പെരസ് സൈൻസിനെ മറികടന്നു രണ്ടാമത് എത്തി. അതേസമയം മെഴ്‌സിഡസിന്റെ ജോർജ് റസലിന്റെ അവസാന ലാപ്പുകളിലെ വെല്ലുവിളി മറികടന്ന കാർലോസ് സൈൻസ് മൂന്നാം സ്ഥാനവും കണ്ടത്തി.

തുടക്കത്തിൽ ഹാമിൾട്ടനും ആയുള്ള ഉരസലിന് ശേഷവും റസലിന് പിറകിൽ അഞ്ചാമത് എത്താൻ ആൽഫിന്റെ ഫെർണാണ്ടോ അലോൺസോക്ക് ആയി. ഫെറാറിയുടെ ചാൾസ് ലെക്ലെർക് ആറാമത് ആയി. നിലവിൽ ലോക ചാമ്പ്യൻഷിപ്പിന് ആയുള്ള പോരാട്ടത്തിൽ തന്റെ മുൻതൂക്കം കൂട്ടാനും ഇന്നത്തെ ജയത്തോടെ വെർസ്റ്റാപ്പനു ആയി.