Tag: Mashrafe Mortaza

20 വര്‍ഷത്തോളം ബംഗ്ലാദേശിനെ സേവിച്ച തനിക്ക് അവസാന കാലത്ത് ബംഗ്ലാദേശ് ക്രിക്കറ്റ് ബോര്‍ഡില്‍ നിന്ന് ലഭിച്ചത് മോശം പ്രതികരണമായിരുന്നുവെന്ന് പറഞ്ഞ് മുന്‍ നായകന്‍ മഷ്റഫേ മൊര്‍തസ.

2020ല്‍ സിംബാബ്‍വേയ്ക്കെതിരെ കളിച്ച താരത്തിന് പിന്നീട് ബോര്‍ഡ് അവസരം നല്‍കിയിരുന്നില്ല. വെസ്റ്റിന്‍ഡീസ് പരമ്പരയില്‍ നിന്ന് തന്നെ ഒഴിവാക്കിയ ശേഷം പല മാധ്യമങ്ങളം തന്നെ സമീപിച്ചുവെങ്കിലും താന്‍ അവരോട് പ്രഫഷണലായി ആണ് മറുപടി നല്‍കിയതെന്നും എന്നാല്‍ അതിന് ശേഷം ബോര്‍ഡിലുള്ള പലരും താന്‍ പുറത്ത് പോയതിന് കാരണം വിശദീകരിക്കുന്നത് കണ്ടപ്പോള്‍ ദൗര്‍ഭാഗ്യകരമാണെന്നാണ് തോന്നിയതെന്നും മൊര്‍തസ് പറഞ്ഞു.

താന്‍ ബോര്‍ഡിലെ അംഗങ്ങളോട് ഇനി മാധ്യമങ്ങള്‍ തന്നോട് കാര്യങ്ങള്‍ ചോദിച്ചാല്‍ സത്യം പറയുമെന്ന് പറഞ്ഞിട്ടുണ്ടെന്നും മൊര്‍തസ പറഞ്ഞു. താന്‍ പുറത്ത് പോകുന്നതിന് ഒരു കാരണമായി അവര്‍ പറഞ്ഞത് ഫിറ്റ്നെസ്സ് ആണെന്നും എന്നാല്‍ താന്‍ ഒരു ഫിറ്റ്നെസ്സ് പരീക്ഷ പോലും പരാജയപ്പെട്ടിട്ടില്ലെന്നും ഇപ്പോളുള്ള പല താരങ്ങളെക്കാളും മികച്ച സ്കോറായിരുന്നു തനിക്ക് ഉള്ളതെന്നും മുന്‍ ബംഗ്ലാദേശ് നായകന്‍ പറഞ്ഞു..

യോ യോ ടെസ്റ്റായാലും ബീപ് ടെസ്റ്റായാലും താന്‍ ഇവരില്‍ പലരെക്കാളും മികച്ച സ്കോറാണ് നേടിയിട്ടുള്ളതെന്നും മൊര്‍തസ പറഞ്ഞു. തന്റെ സ്കോറുകള്‍ പോലും പരിശോധിക്കാതെയാണ് താന്‍ ഫിറ്റ്നെസ്സ് ടെസ്റ്റ് പരാജയപ്പെട്ടുവെന്ന് ഇവര്‍ പറയുന്നതെന്നും മൊര്‍തസ് വ്യക്തമാക്കി.

ബംഗ്ലാദേശില്‍ ഒക്ടോബര്‍ 11ന് ആരംഭിക്കുന്ന പ്രാദേശിക ഏകദിന ടൂര്‍ണ്ണമെന്റില്‍ പങ്കെടുക്കുന്നില്ലെന്ന് അറിയിച്ച് മഷ്റഫെ മൊര്‍തസ. കഴിഞ്ഞ വര്‍ഷം സിംബാബ്‍വേയ്ക്കെതിരെയുള്ള പരമ്പരയില്‍ വെച്ച് ക്യാപ്റ്റന്‍സി ചുമതല ഒഴിഞ്ഞ മൊര്‍തസയോട് പിന്നീട് ഫിറ്റ്നെസ്സും ഫോമും തെളിയിച്ചാല്‍ മാത്രമേ സെലക്ഷന് പരിഗണിക്കാനാകൂ എന്ന് ബംഗ്ലാദേശ് ബോര്‍ഡ് വ്യക്തമാക്കിയിരുന്നു.

ശ്രീലങ്കന്‍ പര്യടനം നീട്ടി വെച്ചതോടെയാണ് ബംഗ്ലാദേശ് പ്രാദേശിക ടൂര്‍ണ്ണമെന്റ് ആരംഭിക്കുവാന്‍ തീരുമാനിച്ചത്. അതിന് വേണ്ടിയാണ് ഏകദിന പരമ്പരയും ദ്വിദിന മത്സരങ്ങളുമെല്ലാം ബംഗ്ലാദേശ് പ്ലാന്‍ ചെയ്യുന്നത്. അടുത്തിടെയാണ് മൊര്‍തസ കോവിഡ് ബാധിതനാണെന്ന് കണ്ടെത്തിയത്.

താരത്തിന്റെ അസുഖം മാറുവാന്‍ രണ്ടാഴ്ചയിലധികം കാലം താരത്തിന് വേണ്ടി വന്നു. സെലക്ടര്‍മാര്‍ താരത്തെ സമീപിച്ചപ്പോളാണ് താന്‍ ഈ പ്രാദേശിക ടൂര്‍ണ്ണമെന്റില്‍ കളിക്കുന്നില്ലെന്ന് മൊര്‍തസ അറിയിച്ചത്. ഫിറ്റ്നെസ്സ് ആണ് താരം കാരണമായി പറഞ്ഞത്.

മുൻ ബംഗ്ലാദേശ് ക്യാപ്റ്റൻ മഷ്റഫെ മൊർടാസക്ക് കൊറോണ വൈറസ് ബാധ.  ക്രിക്കറ്റ് ലോകത്തെ പ്രമുഖരിൽ കൊറോണ പോസറ്റീവ് ആവുന്ന രണ്ടാമത്തെ താരമാണ് മൊർടാസ. കഴിഞ്ഞ ആഴ്ച മുൻ പാകിസ്ഥാൻ താരം ഷാഹിദ് അഫ്രീദിക്കും കൊറോണ പോസറ്റീവ് ആയിരുന്നു. കഴിഞ്ഞ കുറച്ചു ദിവസങ്ങളിൽ താരത്തിന് അസ്വസ്ഥതകൾ ഉണ്ടായിരുന്നു. തുടർന്ന് നടത്തിയ പരിശോധനയിലാണ് കൊറോണ വൈറസ് ബാധ സ്ഥിരീകരിച്ചത്. നിലവിൽ താരം സ്വന്തം വീട്ടിൽ ക്വറന്റൈനിലാണ്.

നേരത്തെ തന്നെ താരത്തിന്റെ കുടുംബത്തിലെ ചില അംഗങ്ങൾക്ക് കൊറോണ പോസിറ്റീവ് റിപ്പോർട്ട് ചെയ്തിരുന്നു.  ബംഗ്ലാദേശിന് വേണ്ടി 36 ടെസ്റ്റ് മത്സരങ്ങളും 220 ഏകദിന മത്സരങ്ങളും കളിച്ച താരമാണ് മൊർടാസ. മഷ്റഫെ മൊർടാസയെ കൂടാതെ ഏകദിന ടീം ക്യാപ്റ്റൻ തമിം ഇക്ബാലിന്റെ സഹോദരൻ നഫീസ് ഇക്ബാലിനും കൊറോണ വൈറസ് ബാധയുണ്ടെന്ന് തെളിഞ്ഞിരുന്നു.

ബംഗ്ളദേശ് ക്രിക്കറ്റ് ബോർഡ് തന്നെ വിരമിക്കാൻ നിർബന്ധിച്ചുവെന്ന ആരോപണവുമായി മുൻ ക്യാപ്റ്റൻ മഷ്റഫെ മൊർടാസ. തന്നെ വിരമിക്കാൻ നിർബന്ധിച്ചത് തന്നെ ഒരുപാട് വേദനിപ്പിച്ചുവെന്നും മുൻ ബംഗ്ലാദേശ് താരം വെളിപ്പെടുത്തി. ബംഗ്ലാദേശ് ക്രിക്കറ്റിന് താൻ നൽകിയ സംഭാവനകളെ ബഹുമാനിക്കാത്ത തന്നെ വിരമിക്കാൻ നിർബന്ധിച്ചത് തന്നെ വേദനിപ്പിച്ചെന്നും മൊർടാസ പറഞ്ഞു.

തനിക്ക് വേണ്ടി വിരമിക്കൽ മത്സരം ഒരുക്കാൻ ബംഗ്ലാദേശ് ക്രിക്കറ്റ് ബോർഡ് തിടുക്കം കാട്ടിയെന്നും അതിനായി 2 കോടിയോളം രൂപ മുടക്കി തനിക്ക് വിരമിക്കൽ മത്സരം ഒരുക്കാൻ ശ്രമം നടത്തിയെന്നും മഷ്റഫെ മൊർടാസ പറഞ്ഞു. ആഭ്യന്തര ക്രിക്കറ്റിലെ താരങ്ങൾക്ക് വേണ്ട രീതിയിൽ പണം ലഭിക്കാതെയിരിക്കുമ്പോൾ എന്തിന് വേണ്ടിയാണ് 2 കോടി മുടക്കി തനിക്ക് വിരമിക്കാൻ ഒരു മത്സരം ഒരുക്കാൻ ശ്രമിച്ചതെന്നും മഷ്റഫെ മൊർടാസ ചോദിച്ചു.

ബംഗ്ലാദേശിന് വേണ്ടി ടെസ്റ്റിൽ 78 വിക്കറ്റും ഏകദിനത്തിൽ 270 വിക്കറ്റും ടി20യിൽ 42 വിക്കറ്റും മഷ്റഫെ മൊർടാസ നേടിയിട്ടുണ്ട്. 2019ലെ ലോകകപ്പിൽ താരം മോശം പ്രകടനം പുറത്തെടുത്തതോടെയാണ് താരത്തിന്റെ വിരമിക്കലിന് വഴി തെളിഞ്ഞത്. ടൂർണമെന്റിൽ വെറും 1 വിക്കറ്റ് മാത്രമാണ് താരത്തിന് നേടാനായത്.

2023 ലോകകപ്പിന് ചുരുങ്ങിയത് രണ്ട് വര്‍ഷം മുമ്പെങ്കിലും ടീമിനെ തയ്യാറെടുക്കുന്നതിന്റെ ഭാഗമായി ഒരു മാസത്തിനുള്ളില്‍ ബംഗ്ലാദേശിന്റെ പുതിയ ഏകദിന നായകനെ പ്രഖ്യാപിക്കുമെന്ന് അറിയിച്ച് ബോര്‍ഡ് പ്രസിഡന്റ്. സിംബാബ്‍വേ പരമ്പര കഴിഞ്ഞ് മൊര്‍തസയ്ക്ക് പകരം ക്യാപ്റ്റനെ തിരഞ്ഞെടുക്കുവാന്‍ ബംഗ്ലാദേശ് തീരുമാനിച്ചിട്ടുണ്ട്. പുതിയ ക്യാപ്റ്റന് ലോകകപ്പിന് മുമ്പ് ടീമിനൊപ്പം പ്രവര്‍ത്തിക്കുവാന്‍ ആവശ്യത്തിന് സമയം അനുവദിക്കണമെന്ന് ബോര്‍ഡിന് അറിയാമെന്നാണ് പ്രസിഡന്റ് നസ്മുള്‍ ഹസന്‍ വ്യക്തമാക്കിയത്.

താരത്തിന് സിംബാബ്‍വേ പരമ്പരയ്ക്ക് ശേഷം വിടവാങ്ങള്‍ നല്‍കുമെന്നാണ് ആദ്യം പ്രതീക്ഷിക്കപ്പെട്ടിരുന്നതെങ്കിലും തുടര്‍ന്നും കളിക്കുമെന്നാണ് മൊര്‍തസ വ്യക്തമാക്കിയത്.

സിംബാബ്‍വേ പരമ്പരയ്ക്ക് ശേഷം മഷ്റഫെ മൊര്‍തസയ്ക്ക് പകരം സിംബാബ്‍വേ പുതിയ ഏകദിന ക്യാപ്റ്റനെ തിരഞ്ഞെടുക്കുമെന്ന് അറിയിച്ച് ബംഗ്ലാദേശ് ക്രിക്കറ്റ് ബോര്‍ഡ്. ഫിറ്റ്നെസ്സും ഫോമും നിലനിര്‍ത്തിയാല്‍ താരം ഇനിയും ബംഗ്ലാദേശിനായി കളിക്കുമെന്നാണ് ബോര്‍ഡ് പ്രസിഡന്റ് നസ്മുള്‍ ഹസന്‍ വ്യക്തമാക്കിയത്.

ഇതിന് മുമ്പ് മുഴുവന്‍ ഫിറ്റ്നെസ്സ് ഇല്ലെങ്കിലും താരം കളിച്ചിട്ടുണ്ടായിരിക്കാം ഇനി എന്നാല്‍ അതുണ്ടാകില്ലെന്നും നസ്മുള്‍ വ്യക്തമാക്കി. ഇനി ദേശീയ ടീമില്‍ കളിക്കണമെങ്കില്‍ താരം ഫിറ്റ്നെസ്സും ഫോമും കണ്ടെത്തണമെന്നാണ് നസ്മള്‍ വ്യക്തമാക്കിയത്.
2014ല്‍ സിംബാബ്‍വേയ്ക്കെതിരെയാണ് സിംബാബ്‍വേ ക്യാപ്റ്റനായി മൊര്‍തസ് രണ്ടാമത് ചുമതല ഏറ്റെടുക്കുന്നത്.

താരത്തിന്റെ നേതൃത്വത്തില്‍ ബംഗ്ലാദേശ് 85 ഏകദിനങ്ങള്‍ കളിച്ചപ്പോള്‍ അതില്‍ 47 വിജയങ്ങളും 36 പരാജയങ്ങളുമാണ് ടീം ഏറ്റുവാങ്ങിയത്.

ഏകദിന ക്രിക്കറ്റില്‍ നിന്ന് ഉടന്‍ വിരമിക്കുമോ ഇല്ലയോ എന്നതില്‍ ഒരു വ്യക്ത വേണമെന്ന് ബംഗ്ലാദേശിന്റെ എക്കാലത്തെയും മികച്ച ഏകദിന ക്യാപ്റ്റനോട് ആവശ്യപ്പെട്ട് ബംഗ്ലാദേശ് ക്രിക്കറ്റ് ബോര്‍ഡ്. അടുത്ത ലോകകപ്പിനുള്ള തയ്യാറെടുപ്പുമായി ബംഗ്ലാദേശ് ക്രിക്കറ്റ് മുന്നോട്ട് പോകുവാന്‍ ലക്ഷ്യം വയ്ക്കുമ്പോള്‍ ബംഗ്ലാദേശ് ‍സിംബാബ്‍വേയ്ക്കെതിരെ കളിയ്ക്കുന്ന ഏകദിന മത്സരത്തെ ബംഗ്ലാദേശ് നായകന്റെ വിടവാങ്ങല്‍ മത്സരമാക്കി മാറ്റുവാനാണ് ബോര്‍ഡ് ശ്രമിക്കുന്നത്.

ഔദ്യോഗികമായി ബോര്‍ഡ് ഇത് പ്രഖ്യാപിച്ചിട്ടില്ലെങ്കിലും ഈ ഏക ഏകദിനം സൗകര്യപൂര്‍വ്വമായ സമയത്ത് പ്രഖ്യാപിച്ച് താരത്തിന് വിടവാങ്ങല്‍ നല്‍ക്കുവാന്‍ ശ്രമിക്കുമ്പോളും തീയ്യതി പ്രഖ്യാപിക്കാത്തത് ബോര്‍ഡിന് മൊര്‍തസയില്‍ നിന്ന് ഒരു അന്തിമ വാക്ക് കിട്ടാത്തതിനാലാണ്. നേരത്തെ ലോകകപ്പിന് ശേഷം വിരമിക്കില്‍ ഉണ്ടാകുമെന്ന് താരം അറിയിച്ചുവെങ്കിലും പിന്നീട് അത് ഉടന്‍ വേണ്ടെന്ന തീരുമാനത്തിലേക്ക് താരം എത്തി.

താരവുമായി ഇരുന്ന് ചര്‍ച്ച ചെയ്ത ശേഷം അദ്ദേഹത്തിന്റെ ഭാവി തീരുമാനങ്ങളെക്കുറിച്ച് ഒരു വ്യക്തത വരുത്തുവാനാണ് ഇപ്പോള്‍ ബോര്‍ഡിന്റെ ലക്ഷ്യം. ഈദ് ആഘോഷങ്ങള്‍ക്ക് ശേഷം താരം മടങ്ങിയെത്തിയ ശേഷമാവും ഇത് സംബന്ധിച്ച് കൂടുതല്‍ തീരുമാനങ്ങള്‍ പുറത്ത് വരിക.