യുവേഫ ചാമ്പ്യൻസ് ലീഗ് സെമിഫൈനലിൽ ഇന്റർ മിലാനോട് തോൽവി ഏറ്റുവാങ്ങിയ ശേഷം, 17 കാരനായ ബാഴ്സലോണയുടെ താരം ലമിൻ യമാൽ ആരാധകർക്ക് ശക്തമായ ഒരു സന്ദേശം നൽകി. “ഞങ്ങൾ എല്ലാം നൽകി – ഈ വർഷം അത് നടന്നില്ല, പക്ഷേ ഞങ്ങൾ തിരിച്ചുവരും, അതിൽ സംശയം വേണ്ട,” എന്ന് അദ്ദേഹം ഇൻസ്റ്റാഗ്രാമിൽ കുറിച്ചു.
“കൂലേഴ്സ്, ഈ ക്ലബ്ബിനെ അതിന്റെ യഥാർത്ഥ സ്ഥാനത്തേക്ക്, ഏറ്റവും മുകളിലേക്ക് എത്തിക്കുന്നത് വരെ ഞങ്ങൾ വിശ്രമിക്കില്ല. എൻ്റെ വാക്ക് ഞാൻ പാലിക്കും, അത് ബാഴ്സലോണയിലേക്ക് കൊണ്ടുവരും.” യുവതാരം പറഞ്ഞു.
മികച്ച വ്യക്തിഗത പ്രകടനം കാഴ്ചവെച്ചിട്ടും യാമാലിന് ബാഴ്സയുടെ പുറത്താവൽ തടയാനായില്ല. എങ്കിലും, ക്വാർട്ടർ ഫൈനലിലും സെമിഫൈനലിലും ഗോൾ നേടുന്ന ഏറ്റവും പ്രായം കുറഞ്ഞ താരം എന്ന റെക്കോർഡ് അദ്ദേഹം സ്വന്തമാക്കി.
വരാനിരിക്കുന്ന റയൽ മാഡ്രിഡുമായുള്ള ലാ ലിഗ പോരാട്ടത്തിൽ ആരാധകർ ഒന്നിച്ച് നിൽക്കണമെന്ന് യാമാൽ അഭ്യർത്ഥിച്ചു: “ഞായറാഴ്ച മറ്റൊരു ഫൈനലാണ്, നാമെല്ലാവരും ഒരുമിച്ചുണ്ടാവണം.” അദ്ദേഹം പറഞ്ഞു.
