ഗുസ്തിയിൽ ഇന്ത്യക്ക് തിരിച്ചടിയായി വനിത വിഭാഗം ഫ്രീസ്റ്റൈൽ 50 കിലോ വിഭാഗത്തിൽ ആദ്യ റൗണ്ടിൽ പുറത്ത് ആയി സീമ ബിസ്‌ല. ടുണീഷ്യയിൽ നിന്നു സാറ ഹംദിയാണ് ഇന്ത്യൻ താരത്തെ 3-1 തോൽപ്പിച്ചത്. ആദ്യം തന്നെ ഇന്ത്യൻ താരത്തിന് മേൽ ആധിപത്യം കാണിച്ച ടുണീഷ്യൻ താരം 2-0 നു മുന്നിലെത്തി.
എന്നാൽ തിരിച്ചടിച്ച ഇന്ത്യൻ താരം ഒരു പോയിന്റ് നേടി. അവസാന നിമിഷങ്ങളിൽ ഇന്ത്യൻ താരം നന്നായി ശ്രമിച്ചു എങ്കിലും അവസാന പോയിന്റിലും അമ്പയർ ടുണീഷ്യൻ താരത്തിന് അനുകൂലമായ തീരുമാനം എടുത്തതോടെ 3-1 നു സീമ തോൽവി വഴങ്ങി. എതിർ താരം ഫൈനലിൽ എത്തിയാൽ റെപ്പാഷെ റൗണ്ടിൽ സീമക്ക് മെഡൽ നേടാൻ ഒരവസരം കൂടി ലഭിക്കും.
