അട്ടിമറിയുമായി വെങ്കലം നേടി രവി കുമാര്‍, ബജ്റംഗ് പൂനിയയ്ക്കും വെങ്കല മെഡല്‍

- Advertisement -

ലോക ഗുസ്തി ചാമ്പ്യന്‍ഷിപ്പില്‍ വെങ്കല നേട്ടവുമായി രവി കുമാറും ബജ്റംഗ് പൂനിയയും. ഇരു താരങ്ങളും തങ്ങളുടെ സെമി മത്സരം പരാജയപ്പെട്ട ശേഷമാണ് വെങ്കലത്തിനായുള്ള പോരാട്ടത്തില്‍ വിജയം സ്വന്തമാക്കിയത്. ഇറാന്റെ നിലവിലെ ഏഷ്യന്‍ ചാമ്പ്യനായ റീസ അട്രിയെ 6-3 എന്ന സ്കോറിന് അട്ടിമറിച്ചാണ് രവികുമാര്‍ 57 കിലോ വിഭാഗത്തില്‍ വെങ്കലം നേടിയത്.

അതേ സമയം 0-6ന് പിന്നില്‍ പോയ ശേഷം മംഗോളിയന്‍ താരത്തിനെ 8-7 എന്ന സ്കോറിന് കീഴടക്കിയാണ് ബജ്റംഗ് പൂനിയ തന്റെ വെങ്കല മെഡല്‍ സ്വന്തമാക്കിയത്. 65 കിലോ വിഭാഗത്തിലാണ് പൂനിയയുടെ മെഡല്‍ നേട്ടം. ഇത് തുടര്‍ച്ചയായ രണ്ടാം ലോക ചാമ്പ്യന്‍ഷിപ്പ് മെഡലാണ് പൂനിയ നേടുന്നത്. താരം കഴിഞ്ഞ വര്‍ഷം വെള്ളി മെഡല്‍ നേടിയിരുന്നു. ആകെ മൂന്ന് ലോക ചാമ്പ്യന്‍ഷിപ്പ് മെഡലാണ് പൂനിയയുടെ സമ്പാദ്യം.

Advertisement