റഗ്ബി ലോകകപ്പിൽ മൂന്നാം സ്ഥാനം നേടി ഓൾ ബ്ളാക്‌സ്

- Advertisement -

കഴിഞ്ഞ ആഴ്ച സെമിഫൈനലിൽ ഇംഗ്ലണ്ടിനോട് ഏറ്റ തോൽവിക്ക് മൂന്നാം സ്ഥാനത്തിലൂടെ ആശ്വാസം കണ്ടത്തി ന്യൂസിലാൻഡ്. കഴിഞ്ഞ രണ്ട് റഗ്ബി ലോകകപ്പുകളും ജയിച്ച ന്യൂസിലാൻഡിനു ഇത്തവണ മൂന്നാം സ്ഥാനം കൊണ്ട് തൃപ്തിപ്പെടേണ്ടി വന്നു. വെയിൽസിന് എതിരെ 40-17 എന്ന സ്കോറിന് ആണ് ഓൾ ബ്ളാക്‌സ് ജയം കണ്ടത്. ജോ മൂഡി, ബോഡൻ ബാരെറ്റ്, ബെൻ സ്മിത്ത്, റയാൻ ക്രോട്ടി, റിച്ചി മൗങ എന്നിവരിലൂടെ 6 ട്രൈകൾ ആണ് ഓൾ ബ്ളാക്‌സ് മത്സരത്തിൽ നേടിയത്.

അതേസമയം ജോഷുവ ആദംസ്, ഹല്ലൻ ആമോസ് എന്നിവരിലൂടെ 2 ട്രൈ നേടാനെ വെയിൽസിന് സാധിച്ചുള്ളൂ. മുന്നേറ്റത്തിൽ എന്ന പോലെ പ്രതിരോധം ആണ് ന്യൂസിലാൻഡിനു ജയം സമ്മാനിച്ചത്. നീണ്ട 15 വർഷങ്ങൾക്ക് ശേഷം ന്യൂസിലാൻഡിനെ അപരാജിതർ ആക്കിയ ഇതിഹാസ പരിശീലകൻ സ്റ്റീവ് ഹാൻസന്റെ അവസാനമത്സരം കൂടിയായി ഇത്. 2 ലോകകപ്പുകൾ നേടി കൊടുത്ത ഹാൻസനു ഇത്തവണ മൂന്നാം സ്ഥാനം കൊണ്ട് തൃപ്തിപ്പെടേണ്ടി വന്നു. അതേസമയം ഓൾ ബ്ളാക്‌സ് നായകൻ കിരൺ റീഡും ഈ മത്സരത്തോടെ റഗ്ബിയോട് വിട പറഞ്ഞു. അതേസമയം ഈ മത്സരത്തോടെ 12 വർഷങ്ങൾക്ക് ശേഷം വെയിൽസ് പരിശീലകൻ വാരൻ ഗെറ്റ്ലാന്റും സ്ഥാനം ഒഴിഞ്ഞു.

Advertisement