ലോറിയസ് അവാർഡിൽ 2019 ലെ ഏറ്റവും മികച്ച ടീമായി ദക്ഷിണാഫ്രിക്കൻ റഗ്ബി ടീം. 2019 ൽ ആദ്യ മത്സരം തോറ്റ ശേഷം റഗ്ബി ലോകകപ്പ് ഉയർത്തിയ സ്പ്രിങ് ബോക്‌സ് 2019 ൽ ലീഗിൽ ഒരു മത്സരം പോലും തോൽക്കാത്ത യൂറോപ്യൻ ജേതാക്കൾ ആയ ലിവർപൂളിനെ ആണ് മറികടന്നത്. ലിവർപൂളിന് പുറമെ 3 തവണ ലോകകപ്പ് ഉയർത്തിയ അമേരിക്കൻ വനിത ഫുട്ബോൾ ടീം, സ്പെയിന്റെ ബാസ്ക്കറ്റ് ബോൾ ടീം, എൻ.ബി.എ ടീം ആയ ടൊറാന്റോ റാപിറ്റേഴ്‌സ്, ഫോർമുല വണ്ണിലെ മെഴ്‌സിഡസ് ടീം എന്നിവരെയും സ്പ്രിങ് ബോക്‌സ് മറികടന്നു. ദക്ഷിണാഫ്രിക്കയുടെ മൂന്നാം ലോകകിരീടം ആയിരുന്നു സ്പ്രിങ് ബോക്‌സ് കഴിഞ്ഞ വർഷം നേടിയത്.
അതേസമയം കൊളംബിയൻ സൈക്കിളിംഗ് താരം ഈഗൻ ബെർനൽ വർഷത്തെ പുതിയ കണ്ടത്തൽ ആയി തിരഞ്ഞെടുക്കപ്പെട്ടു. ടെന്നീസ് താരങ്ങൾ ആയ കാനഡയുടെ ബിയാങ്ക ആന്ദ്രീസ്ക്കു, അമേരിക്കയുടെ 15 കാരി കൊക്കോ ഗോഫ്, ബോക്സിങ് താരം ആന്റി റൂയിസ് ജൂനിയർ, അമേരിക്കൻ നീന്തൽ താരം റീഗൻ സ്മിത്ത്,ലോകകപ്പിൽ സ്വപ്നകുതിപ്പ് നടത്തിയ ജപ്പാന്റെ റഗ്ബി ടീം എന്നിവയെ എല്ലാം കൊളംബിയൻ താരം മറികടന്നു. മികച്ച തിരിച്ചു വരവ് ആയി ജർമ്മൻ വനിത ഡ്രൈവർ സോഫിയ ഫ്ലോർഷ് തിരഞ്ഞെടുക്കപ്പെട്ടു. അമേരിക്കൻ നീന്തൽ താരം അഡ്രിയാൻ, ഓസ്‌ട്രേലിയൻ റഗ്ബി താരം ക്രിസ്ത്യൻ, ബ്രിട്ടീഷ് ടെന്നീസ് ഇതിഹാസം ആന്റി മറെ, അമേരിക്കൻ ബാസ്ക്കറ്റ് ബോൾ താരം ലനാർഡ് എന്നിവർക്ക് പിറമെ ബാഴ്‍സലോണക്ക് എതിരായ 3 ഗോളിന് പിറകിൽ നിന്ന ശേഷം രണ്ടാം പാതത്തിലെ ലിവർപൂളിന്റെ ചാമ്പ്യൻസ് ലീഗ് സെമിഫൈനലിലെ തിരിച്ചു വരവിനെയും സോഫിയ മറികടന്നു.
