യുപി യോദ്ധയോട് 29-23 എന്ന സ്കോറിനു പരാജയമേറ്റു വാങ്ങി പുനേരി പള്‍ട്ടന്‍. ഇന്നലെ തമിഴ് തലൈവാസിനോട് പരാജയപ്പെട്ട ശേഷം തുടര്‍ച്ചയായ രണ്ടാം ദിവസമാണ് പൂനെ ഇന്ന് പരാജയം ഏറ്റുവാങ്ങുന്നത്. പകുതി സമയത്ത് 16-12നു ലീഡ് കൈവശപ്പെടുത്തിയ യുപി രണ്ടാം പകുതിയിലും അതേ അന്തരം തുടര്‍ന്ന് മുന്നോട്ട് പോകുകയായിരുന്നു.
പ്രശാന്ത് കുമാര്‍ റായിയും(8) ശ്രീകാന്ത് ജാധവും(6) ആണ് യുപിയ്ക്കായി മികവ് പുലര്‍ത്തിയത്. ഋഷാംഗ് ദേവഡിഗയും 4 പോയിന്റ് നേടി. അതേ സമയം മോനു(7), നിതിന്‍ തോമര്‍ (5) എന്നിവര്‍ പൂനെ നിരയില്‍ തിളങ്ങി.
റെയിഡിംഗിലും(18-14) പ്രതിരോധത്തിലും(9-5) പൂനെയെക്കാള്‍ മെച്ചപ്പെട്ട പ്രകടനം യുപിയാണ് പുറത്തെടുത്തത്. മത്സരത്തില്‍ ഒരു ടീമും ഓള്‍ഔട്ട് ആയില്ല. അധിക പോയിന്റില്‍ മുന്‍ തൂക്കം പൂനെയ്ക്കായിരുന്നു. 4-2 നു ആയിരുന്നു ടീം ഈ മേഖലയില്‍ ലീഡ് കൈവരിച്ചത്.
