പ്രോ കബഡി ലീഗിൽ ബംഗാൾ വാറിയേഴ്സിനെ തകർത്ത് ബെംഗളൂരു ബുൾസ്. ആവേശോജ്വലമായ മത്സരത്തിൽ 42-43 എന്ന സ്കോറിനാണ് ബെംഗളൂരു ബുൾസ് ജയിച്ച് കയറിയത്. 29 പോയന്റുമായി പവൻ കുമാറിന്റെ വെടിക്കെട്ട് പ്രകടനമാണ് ബെംഗളൂരു ബുൾസിന് തുണയായത്. സൗരഭ് നന്ദാൽ 6 പോയന്റും നേടി.
ബംഗാൾ വാറിയേഴ്സിന് വേണ്ടി പ്രപഞ്ചൻ 12 പോയന്റ് നേടി. മനീന്ദർ സിംഗ് 11 പോയന്റും നേടിയെങ്കിലും മത്സരം അവസാനം കൈവിട്ട് പോവുകയായിരുന്നു. ആദ്യ പകുതിയിൽ 23-20 ന്റെ ലീഡ് ബംഗാൾ നേടിയിരുന്നു. 15 പോയന്റുമായി അഞ്ചാം സ്ഥാനത്താണ് ബെംഗളൂരു ബുൾസ്. 6 ആം സ്ഥാനത്താണ് ബംഗാൾ വാറിയേഴ്സ്.
