പ്രൊ കബഡി ലീഗില്‍ ആവേശകമായ മത്സരത്തില്‍ 7 പോയിന്റ് വ്യത്യാസത്തില്‍ ജയം സ്വന്തമാക്കി ഹരിയാന സ്റ്റീലേഴ്സ്. ഗുജറാത്ത് ഫോര്‍ച്യൂണ്‍ ജയന്റ്സിനെതിരെ പകുതി സമയത്ത് 20-13 എന്ന സ്കോറിനു ലീഡ് ചെയ്ത ഹരിയാന ഫൈനല്‍ വിസില്‍ മുഴങ്ങിയപ്പോള്‍ 32-25നു വിജയം സ്വന്തമാക്കി.
ഗുജറാത്തിന്റെ പ്രപഞ്ചനും(9 പോയിന്റ്) സച്ചിനും(8 പോയിന്റ്) മത്സരത്തില്‍ മികച്ച പ്രകടനം നടത്തിയെങ്കിലും ഹരിയാന മോനു ഗോയത് കുല്‍ദീപ് സിംഗ് എന്നിവരുടെയും പ്രതിരോധത്തില്‍ നവീന്റെയും പ്രകടനത്തില്‍ വിജയം പിടിച്ചെടുക്കുകയായിരുന്നു. റെയിഡിംഗില്‍ 16-13നു മുന്നില്‍ നിന്നത് ഗുജാത്താണെങ്കിലും പ്രതിരോധത്തിലെ മികവ് ഹരിയാനയ്ക്ക് തുണയായി. 14-9 എന്ന പോയിന്റിനാണ് ഹരിയാന പ്രതിരോധത്തില്‍ മുന്നിട്ട് നിന്നത്.
ഒരു തവണ ഹരിയാന ഗുജറാത്തിനെ ഓള്‍ഔട്ടുമാക്കി. 3 എക്സ്ട്രാ പോയിന്റും നേടി ഹരിയാന 7 പോയിന്റ് ലീഡ് നിലനിര്‍ത്തുകയായിരുന്നു.
