Local Sports News in Malayalam

ജെനറേഷൻ കപ്പ് ചെസ്, മൂന്ന് വിജയങ്ങളുമായി പ്രഗ്നാനന്ദ

മെൽറ്റ് വാട്ടർ ചാമ്പ്യൻസ് ചെസ് ടൂർ ജൂലിയസ് ബെയർ ജനറേഷൻ കപ്പ ഇന്ത്യൻ താരം പ്രഗ്നാനന്ദയ്ക്ക് മികച്ച തുടക്കം. ആദ്യ മത്സരത്തിൽ മുൻ ലോക റാപിഡ് ചാമ്പ്യൻ വാസിൽ ഇവാഞ്ചുകിനെ പ്രഗ്നാനന്ദ പരാജയപ്പെടുത്തി.

രണ്ടാം മത്സരത്തിൽ പോളിഷ് ഗ്രാൻഡ് മാസ്റ്റർ Jan-Krzysztof Duda-യെ തോൽപ്പിച്ചു. ഇതായിരുന്നു ഏറ്റവും കടുപ്പമുള്ള മത്സരം. ഇതിഹാസ താരം ബോറിസ് ഗെൽഫാൻഡിനെ ആണ് മൂന്നാം മത്സരത്തിൽ പ്രഗ്നാനന്ദ തോൽപ്പിച്ചത്. അവസാന മത്സരത്തിൽ ഇന്ത്യൻ യുവതാരം 16കാരനായ ക്രിസ്റ്റഫർ യൂക്ക് മുന്നിൽ കീഴടങ്ങി.

പ്രഗ്നാനന്ദ

മറ്റൊരു ഇന്ത്യൻ താരം അർജുൻ എറിഗെയ്സി ലോകചാമ്പ്യൻ മാഗ്നസ് കാൾസണോട് ആദ്യ റൗണ്ടിൽ പരാജയപ്പെട്ടു. എങ്കിലും ബി അധിബൻ, ലീം ക്വാങ് ലെ, ഡേവിഡ് നവര എന്നിവരെ പിന്നീട് തോൽപ്പിച്ചു.

അഞ്ചാം റൗണ്ട് മത്സരങ്ങൾ ഇന്ന് രാത്രി ആരംഭിക്കും.

You might also like