ചൈന മാസ്റ്റേഴ്സ് സൂപ്പർ 750 ടൂർണമെന്റിൽ ഒന്നാം സീഡായ സാത്വിക്സായിരാജ് റാങ്കിറെഡ്ഡി-ചിരാഗ് ഷെട്ടി സഖ്യം നേരിട്ടുള്ള ഗെയിമുകൾ ജയിച്ചു കൊണ്ട് സെമി ഫൈനലിൽ പ്രവേശിച്ചു. ഇന്തോനേഷ്യയുടെ ലിയോ റോളി കർണാണ്ടോ-ഡാനിയൽ മാർട്ടിൻ സഖ്യത്തെയാണ് ഇന്ത്യൻ സഖ്യം പരാജയപ്പെടുത്തിയത്. 46 മിനിറ്റ് നീണ്ടു നിന്ന പോരാട്ടത്തിൽ 21-16, 21-14 എന്ന സ്കോറിനാണ് ഇന്ത്യൻ താരങ്ങൾ ജയിച്ചത്.
ഈ വർഷമാദ്യം പുരുഷ ഡബിൾസ് റാങ്കിംഗിൽ ഒന്നാം സ്ഥാനം നേടിയ സഖ്യമാണ് സാത്വിക്-ചിരാഗ് സഖ്യം. ഈ വർഷം ഇന്തോനേഷ്യ സൂപ്പർ 1000, കൊറിയ സൂപ്പർ 500, സ്വിസ് സൂപ്പർ 300 എന്നിവ നേടിയിട്ടുണ്ട്. ചൈനീസ് ജോഡികളായ ഹീ ജി ടിംഗും റെൻ സിയാങ് യുവും എട്ടാം സീഡായ ലിയു യു ചെനും ഔയും തമ്മിലുള്ള ക്വാർട്ടർ ഫൈനൽ മത്സരത്തിലെ വിജയിയെ ആകും ഇനു സെമിയിൽ ഇന്ത്യൻ സഖ്യം നേരിടുക.
