ബാഡ്മിന്റൺ വേൾഡ് ഫെഡറേഷൻ റാങ്കിംഗിൽ ഒന്നാം സ്ഥാനത്തെത്തുന്ന ആദ്യ ഇന്ത്യൻ ഡബിൾസ് ജോഡിയായി മാറി സാത്വിക് സായ്‌രാജ് രങ്കിറെഡ്ഡിയും ചിരാഗ് ഷെട്ടിയും. ഹാങ്‌ഷൗവിൽ സമാപിച്ച ഏഷ്യൻ ഗെയിംസിൽ സ്വർണമെഡൽ നേടിയതിനു പിന്നാലെ വന്ന റാങ്കിംഗിൽ ആണ് സാത്വികും ചിരാഗും പുരുഷന്മാരുടെ ഡബിൾസ് റാങ്കിംഗിൽ ഒന്നാം സ്ഥാനത്തേക്ക് ഉയർന്നത്.
ഒക്‌ടോബർ 10 ചൊവ്വാഴ്‌ച പുറത്തുവിട്ട ഏറ്റവും പുതിയ അപ്‌ഡേറ്റിൽ പുരുഷ ഡബിൾസ് റാങ്കിങ്ങിൽ സാത്വിക്‌സായിരാജ് രങ്കിറെഡ്ഡിയും ചിരാഗ് ഷെട്ടിയും 2 സ്ഥാനങ്ങൾ ഉയർന്ന് ഒന്നാം സ്ഥാനത്തെത്തി. സാത്വികും ചിരാഗും ഇപ്പോൾ ഇന്തോനേഷ്യയുടെ ഫജർ അൽഫാൻ, മുഹമ്മദ് അർഡിയാന്റോ, ചൈനീസ് ജോഡിയായ ലിയാങ് വെയ് കെങ് വങ് ചാങ് എന്നിവർക്ക് മുകളിലാണ്.
