ഇന്ത്യൻ ബാഡ്മിന്റൻ താരം സൈന നെഹുവാൾ ഇന്ന് രാഷ്ട്രീയ പാർട്ടിയായ ബി ജെ പിയിൽ ചേരും. നേരത്തെ തന്നെ ബി ജെ പിയോട് അനുഭാവം പ്രകടിപ്പിച്ചിട്ടുള്ള താരം ഇന്ന് ഔദ്യോഗികമായി ബി ജെ പിയിൽ മെമ്പർഷിപ്പ് എടുക്കും. ദേശീയ മാധ്യമങ്ങൾ ആണ് ഈ വിവരം പുറത്തു വിട്ടത്. ഹരിയാന സ്വദേശിയായ സൈന ഇന്ത്യക്ക് വേണ്ടി ഒളിമ്പിക്സിലും കോമൺ വെൽത്ത് ഗെയിംസിലും മെഡൽ നേടിയിട്ടുള്ള താരമാണ്.
2015ൽ ലോക റാങ്കിംഗിൽ ഒന്നാമത് എത്തുന്ന ആദ്യ ഇന്ത്യൻ ബാഡ്മിന്റൻ താരമായും സൈൻ മാറിയിരുന്നു. ഇപ്പോൾ അത്ര നല്ല ഫോമിൽ അല്ലാത്ത സൈന റാങ്കിംഗിൽ ഒമ്പതാമതാണ്.
