സൈന-മരിന്‍ കലാശപ്പോര് നാളെ

ഇന്തോനേഷ്യ മാസ്റ്റേഴ്സ് വനിത വിഭാഗം ഫൈനലില്‍ നാളെ സൈന നെഹ്‍വാലും സ്പെയിനിന്റെ ഒളിമ്പിക്സ്-ലോക ചാമ്പ്യന്‍ കരോളിന മരിനും ഏറ്റുമുട്ടും. സൈന മൂന്ന് ഗെയിം പോരാട്ടത്തില്‍ ചൈനയുടെ ഹി ബിംഗ്ജിയാവോയെ കീഴടക്കിയപ്പോള്‍ മരിന്‍ മൂന്ന് ഗെയിം പോരാട്ടത്തില്‍ ചെന്‍ യൂഫെയിയെ കീഴടക്കിയാണ് ഫൈനലില്‍ കടന്നത്. ഇരു താരങ്ങളും ആദ്യ ഗെയിം മത്സരങ്ങള്‍ പരാജയപ്പെട്ട ശേഷമാണ് മത്സരത്തിലേക്ക് തിരികെ എത്തിയത്.

കഴിഞ്ഞ അഞ്ച് തവണ ഇരു താരങ്ങളും ഏറ്റുമുട്ടിയപ്പോളും വിജയം മരിനൊപ്പമായിരുന്നു. ചെന്‍ യൂഫെയിയെ 17-21, 21-11, 23-21 എന്ന സ്കോറിനാണ് മരിന്‍ കീഴടക്കിയത്.