സൈന തന്നെ സൂപ്പര്‍, തുടര്‍ച്ചയായ രണ്ടാം വര്‍ഷവും സിന്ധുവിനെ തോല്പിച്ച് ദേശീയ ചാമ്പ്യന്‍

കഴിഞ്ഞ വര്‍ഷത്തെ ദേശീയ സീനിയര്‍ ബാഡ്മിന്റണ്‍ വനിത വിഭാഗം ഫൈനലിന്റെ തനിയാവര്‍ത്തനം തന്നെയായിരുന്നു ഇത്തവണത്തെ ഫൈനലും. നിലവിലെ ചാമ്പ്യന്‍ സൈന നെഹ്‍വാലും പിവി സിന്ധുവും ഏറ്റുമുട്ടിയപ്പോള്‍ ഫലവും കഴിഞ്ഞ തവണത്തേത് തന്നെ. നേരിട്ടുള്ള ഗെയിമുകളില്‍ പിവി സിന്ധുവിനെ കീഴടക്കി സൈന നെഹ്‍വാല്‍ തന്റെ തുടര്‍ച്ചയായ രണ്ടാം കിരീടവും ആകെ നാലാമത്തെ കിരീടവുമാണ് സ്വന്തമാക്കിയത്.

21-18, 21-15 എന്ന സ്കോറിനായിരുന്നു സൈനയുടെ വിജയം.പുരുഷ വിഭാഗത്തില്‍ ലക്ഷ്യ സെന്നിനെ കീഴടക്കി സൗരഭ് വര്‍മ്മ തന്റെ മൂന്നാം കിരീടം സ്വന്തമാക്കി. 21-18, 21-13 എന്ന സ്കോറിനായിരുന്നു സൗരഭിന്റെ വിജയം.